30
მარტიდღის ზოგადი ასტროლოგიური პროგნოზი
რუსი ოპოზიციონერი ლიდერის, ალექსეი ნავალნის გარდაცვალება მისმა სპიკერმა კირა იარმიშმა დაადასტურა, თუმცა ამ დრომდე ვერ დგინდება ნავალნის ცხედრის ზუსტი ადგილსამყოფელი.
"აშკარაა, რომ მკვლელებს კვალის დაფარვა სურთ და ამიტომ ოჯახს ალექსეის ცხედრის ნახვის უფლებას არ აძლევენ“, - აცხადებენ ნავალნის თანაშემწეები.
ოფიციალურ შეტყობინებაში ნათქვამია, რომ ის პარასკევს ადგილობრივი დროით 14:17 საათზე, გარდაიცვალა. სასჯელაღსრულების დაწესებულების განცხადებით, ცხედარი ახლომდებარე ქალაქ სალეხარდში გადაასვენეს, თუმცა ადგილზე მისულ ნავალნის დედასა და ადვოკატს მორგი დაკეტილი დახვდათ. მორგის თანამშრომელმა "როიტერსს" განუცხადა, რომ ნავალნის ცხედარი იქ არ მიუტანიათ.
"სალეხარდის მორგში ალექსეის ადვოკატი და დედა მივიდნენ. ის დახურულია, მიუხედავად კოლონიის მტკიცებისა, რომ მუშაობს და ნავალნის ცხედარი იქ არის. კარზე მითითებულ ტელეფონის ნომერზე დარეკა ადვოკატმა. მას უთხრეს, რომ ის მეშვიდე იყო, ვინც დღეს დარეკა. მორგში ალექსეის ცხედარი არ არის. ჩვენ მოვითხოვთ, რომ ცხედარი დაუყოვნებლივ გადასცენ მის ოჯახს", - დაწერა კირა იარმიშმა სოციალურ ქსელ X-ში.
ნავალნის გარდაცვალების მიზეზი და გარემოებები გაურკვეველია. რუსეთის ფედერალურმა სასჯელაღსრულების სამსახურმა პარასკევს გაავრცელა ინფორმაცია, რომ ნავალნიმ სეირნობის შემდეგ თავი ცუდად იგრძნო და გონება დაკარგა. ადგილზე სასწრაფო დახმარების მანქანა მივიდა, მაგრამ ექიმებმა მისი გადარჩენა ვერ შეძლეს.
ნავალნის გარდაცვალების ოფიციალურ მიზეზად “უეცარი სიკვდილის სინდრომი” დასახელდა, - ამის შესახებ რუსული დამოუკიდებელი გამოცემა Meduza ალექსეი ნავალნის თანაგუნდელებზე დაყრდნობით წერს.
ნავალნის მიერ შექმნილი “კორუფციასთან ბრძოლის ფონდის” დირექტორმა ივან ჟდანოვმა განაცხადა, რომ ნავალნის დედას კოლონიაში გარდაცვალების ოფიციალურ მიზეზად “უეცარი სიკვდილის სინდრომი” დაუსახელეს.
Meduza აღნიშნავს, რომ დაავადებათა საერთაშორისო კლასიფიკაციაში ასეთი დიაგნოზი არ არსებობს. სალეხარდში მდებარე საგამოძიებო კომიტეტი აღნიშნავს, რომ ნავალნის გარდაცვალების ფაქტზე გამოძიება მიმდინარეობს, ნავალნის ადვოკატს კი უთხრეს, რომ გარდაცვალების მიზეზი ამ მომენტისთვის დადგენილი არაა.
ამავდროულად, რუსული სახელმწიფო გამოცემა Russia Today გარდაცვალების მიზეზად თრომბს ასახელებს.
- ალექსეი ნავალნის გარდაცვალებას რუსეთში მღელვარება მოჰყვა - პოლიციამ დააპატიმრა მოქალაქეები, რომლებსაც მემორიალურ ძეგლებთან ნავალნის პატივსაცემად ყვავილები მიჰქონდათ. 109 ადამიანი დააკავეს სანქტ-პეტერბურგში, 39 კი - მოსკოვში.
იხილეთ ასევე:
ცოდოა ადამიანი, მოკვდა, მაგრამ - ეს ის ნავალნი არ არის, ქართველებს ვირთხებს, მღრღნელბის წარმომადგენლებს რომ ეძახდა დ2008 წლის რუსეთ-საქართველოს აგვისტოს ომის დროს ფიქრობდა, რომ რუსეთს საქართველოზე ფრთოსანი რაკეტა უნდა დაეშინა? მოგვიანებით, როცა დასჭირდა, კი მოიხადაო ბოდიში
რუსეთის მტერი ამერიკის აგენტი.