"ასე, მაკიაჟით მოსული, 38 კვირაზე, უბრალოდ შემამოწმა ექიმმა და... ძალიან ბევრი უსაფუძვლო მითია გაუტკივარებაზე" - რუსკა ქარქაშაძე მშობიარობის შესახებ გამოცდილებაზე ჰყვება

მსახიობი და ტელეწამყვანი რუსკა ქარქაშაძე გუშინ დედა გახდა. მას და ლაშა მოწონელიძეს ვაჟი შეეძინათ, რომელსაც ზუკა დაარქვეს. ახალბედა დედამ გამოცდილება საკუთარ გამომწერებს გაუზიარა და სოციალურ ქსელში მშობიარობის მიმდინარეობასთან დაკავშირებულ ზოგიერთ საკითხზე დაწერა.

რუსკას თქმით, უბრალოდ შემოწმებაზე იყო მისული, სავარაუდო თარიღამდე 12 დღით ადრე და აღმოჩნდა, რომ სამშობიარო პროცესები დაწყებული ჰქონდა. გაუტკივარება გაუკეთდა და ფიზიოლოგიურად იმშობიარა. მშობიარობას მისი მეუღლე ლაშა მოწონელიძეც დაესწრო.

"ასე, მაკიაჟით მოსული, 38 კვირაზე, უბრალოდ შემამოწმა ექიმმა და აღმოჩნდა, რომ პროცესები დაწყებული იყო... ზოგადად, ძალიან ბევრი უსაფუძვლო მითია გაუტკივარებასთან დაკავშირებით. იმხელა კომფორტი იყო, ვფიქრობ, 21-ე საუკუნეში მართლა ყველამ ასე უნდა იმშობიაროს. მთავარია, პროფესიონალის ხელში იყოთ. არ მეშინოდა, გააზრებული მქონდა, რომ ამით უფრო შევუშლიდი ხელს საკუთარ თავს. პირიქით, მოტივირებული ვიყავი, რომ ყველაფერი ძალიან კარგად გამეკეთებინა, ჩემ მაგივრად ამას მაინც ვერავინ გააკეთებდა" - წერს რუსკა ქარქშაძე.

ასევე იხილეთ:

• რუსკა ქარქაშაძე დედა გახდა - რას წერს და რა კადრებს გვიზიარებს მსახიობი