"ტომი ხშირად სტუმრობს რუს შეყვარებულს, ლონდონის მდიდრულ ბინაში... ისინი ერთად იყვნენ ვახშამზე, სადაც პრინცი უილიამიც იყო" - რას წერს მედია 61 წლის მსახიობის "ლავ სთორზე"?
ტომ კრუზი სულ უფრო დაუახლოვდა თავის მომხიბვლელ რუს შეყვარებულს - ის რეგულარულად სტუმრობს ღამით ქალს, ლონდონის მდიდრულ ბინაში. ინფორმაციას უცხოური მედია ავრცელებს.
61 წლის კრუზი და 36 წლის ელსინა ხაიროვა გასულ კვირას ლონდონში გალა ვახშამს დაესწრნენ, რომელიც ქალაქის საჰაერო სასწრაფო დახმარების საქველმოქმედო ფონდის მხარდასაჭერად ხუთვარსკვლავიან Raffles Hotel-ში გაიმართა. საღამოს საპატიო სტუმარი იყო პრინცი უილიამი.
კრუზი და მისი ახალი სიყვარული ღონისძიებაზე ცალ-ცალკე მივიდნენ, მაგრამ მეგობრები ამბობენ, რომ ისინი სულ უფრო მეტ დროს ატარებენ ერთად.
წყარო განმარტავს, რომ "ელსინას წრეში ცნობილია, რომ ის და ტომი შეყვარებულები არიან".
"ბოლო რამდენიმე კვირის განმავლობაში ისინი ძალიან დაახლოვდნენ, მაგრამ ყველაფერს აკეთებენ იმისთვის, რომ მათი საერთო ფოტო არ გავრცელდეს. უნდათ, რომ ბოლომდე შეინარჩუნონ კონფიდენციალურობა.
ტომი ღამით ელსინას ბინაში დარჩა, რომელიც ლონდონში შესანიშნავ ადგილას მდებარეობს. ისინი ბედნიერად ატარებენ დროს და მიუხედავად სიმდიდრისა, ისე ცხოვრობენ, როგორც სხვა, ჩვეულებრივი წყვილები.
- ცნობილია, რომ ისინი ხშირად სეირნობენ ჰაიდ პარკში, რომელიც ელსინას სახლთან ახლოსაა. ოღონდ მათი ცნობა ადვილი არ არის.
როგორც ვარაუდობენ, ჰოლივუდის მსახიობი და რუსი დეპუტატის ქალიშვილი ერთმანეთს პირველად გასული წლის დეკემბერში, მეიფერში გამართული წვეულების დროს შეხვდნენ.
შეგახსენებთ, რომ ელსინა ადრე უკვე იყო დაქორწინებული 43 წლის დიმიტრი ცვეტკოვზე, რომელიც ამტკიცებდა, რომ განქორწინებისთვის სამწლიანი ბრძოლა 150 მილიონი ფუნტი დაუჯდა.
რუსი მილიარდერი უცხოურ მედიასთან წუწუნებდა, რომ ცოლი ბევრ ფულს ხარჯავდა. მაგალითად, 10 მილიონი ფუნტი დახარჯა ტანსაცმელზე და კიდევ 2 მილიონი ფუნტი ჩანთებზე, ეს მოხდა 11 წლიანი ქორწინების დროს.
"მიუხედავად იმისა, ვისთანაა, ტომ კრუზისთან თუ ვინმე სხვასთან, მათ უნდა იცოდნენ, რომ ელსინას დახვეწილი და მდიდრული გემოვნება აქვს. ტომმა თვალები და საფულე ფართოდ უნდა გაახილოს.“ - განაცხადა ცვეტკოვმა და ყოფილ ცოლს ბედნიერება უსურვა.
ელსინა ხაიროვასა და ტომ კრუზის რომანზე არაერთი საინტერესო მასალა გამოქვეყნდა AMBEBI.GE-ზე, ჩვენგან გახდა ცნობილი, რომ ელსინას და, ალინა ხაიროვა, ქართველი ბიზნესმენის ირაკლი ბუხიაშვილის ცოლია.
წაიკითხეთ ასევე: