ეპოქის 40 გამორჩეული ქალი ბრიტანული Vogue-ის გარეკანზე - რატომ შეკრიბა რედაქტორმა ვარსკვლავები ერთად (ფოტოები)

ბრიტანული Vogue მარტის ნომრის გარეკანის ფოტოს და ედითორიალს აქვეყნებს. გარეკანზე ეპოქის 40 ცნობილი და გამორჩეული ქალის ფოტოა. მათ შორის არიან სინდი კროუფორდი, ნაომი კემპბელი, კრისტი ტარლინგტონი, ლინდა ევანგელისტა, ოპრა უინფრი, ვიქტორია ბექჰემი, დუა ლიპა, მაილი საირუსი და სხვები.

იდეა გამოცემის რედაქტორს ედვარდ ენინფულს ეკუთვნის - ამით მისი Vogue-სთან თანამშრომლობა დასრულდა. როგორც თავად ენინფულმა აღნიშნა, სურდა ლეგენდარული ნომერი მთლიანად "ქალებისთვის მიეძღვნა“.

შვიდი წლის განმავლობაში, ედვარდის გადაწყვეტილებით, ბრიტანული Vogue-ს გარეკანზე ჯამში, 153 ქავერ-ვარსკვლავი მოხვდა. სწორედ მათ შორის გამორჩეული 40 სახე შეირჩა მარტის ნომრისთვის. გადაღება ნიუ-იორკში, მოდის ლეგენდარული ფოტოგრაფის, სტივენ მეისელის სტუდიაში შედგა.