მეწყერსაშიში ადგილები თბილისში - რომელია სახიფათო ზონები დედაქალაქში და რა არის მითითებული შესაბამის რუკაზე
"რუკა დევს მერიის საიტზე, სადაც ვაშლიჯვრის ზონა მთლიანად სახიფათოდ არის მიჩნეული“, - ამის შესახებ "პალიტრანიუსის“ გადაცემაში "360 გრადუსი“ სეისმოლოგმა ზურაბ ჯავახიშვილმა განაცხადა.
- როგორც სეისმოლოგი აღნიშნავს, რუკა 2017 წელს შეიქმნა. მისი თქმით, ქვეყანაში საფრთხეების წინასწარ აღმოსაფხვრელად სწრაფი რეაგირების მექანიზმები უნდა არსებობდეს.
"სწრაფი რეაგირება უნდა იყოს. დევდორაკიდან 10 წელი გავიდა, იყო თბილისის ვერეს ხეობა, მესტიაჭალა ორჯერ დამარხა, შოვის მერე იყო გურია, 2 დღის წინ იყო აჭარა - ეს ყველაფერი უნდა განიხილებოდეს, აქამდე არ მომხდარა.
რუკა დევს მერიის საიტზე, ეს რუკა 2017 წელს შეიქმნა და ვაშლიჯვრის ზონა მთლიანად სახიფათო ზონად არის მიჩნეული. როგორც ძალიან ბევრგან, რიკოთიც მაგალითია იმის, რომ, როდესაც გზის მშენებლობა დაიწყო და მეწყერი წამოვიდა, მერე დაიწყეს დამცავი ღონისძიებების გატარება, რომელიც გზიდან ჩანს, რომ არასწორად არის გაკეთებული. ზღუდეებს უკვე შემოუარა მეწყერმა, გაივსო“, - განაცხადა ზურაბ ჯავახიშვილმა.
- გარდა ამისა, გადაცემაში "აღმოსავლეთ პარტნიორობის სამოქალაქო საზოგადოების ფორუმის“ საქართველოს ეროვნული პლატფორმის თავმჯდომარემ ნინო ჩხობაძემ განაცხადა, რომ არსებობს რუკა, სადაც კუს ტბაზე 50-მდე წერტილში მეწყრული ზონა ფიქსირდება... წაიკითხეთ ვრცლად