მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ძალოვანთა "შკოდებსაც" თუ დათვლიან, ჯარიმის გარეშე რომ აყენებენ შშმ პირთა საპარკინგე ადგილზე, ეგეც წაგვადგება" - რას პასუხობს მიშა ანდღულაძე მისი ხუმრობით გამოწვეულ აღშფოთებას?
10:37 / 06-02-2024
ამ ცოტა ხნის წინ, "ფორმულაზე“ ნიკა არაბიძის შოუს დახურვის შემდეგ, "კომედი შოუს“ გუნდმა არხი დატოვა. ნიკა არაბიძე "რუსთავი 2“-ზე გადავიდა, მიშა ანდღულაძე კი, გუნდთან ერთად, "მთავარ არხს“ შეუერთდა. მიშა უკვე სტუმრობდა "ილო ბეროშვილის“ შოუს. გადაცემაში მის მიერ შესრულებულ იტალიური სიმღერის "ანკორა“ ქართულ ვერსიას დიდი გამოხმაურება მოჰყვა. გუშინ კი სოციალურ ქსელში გავრცელდა მონაკვეთი მორიგი გადაცემიდან, რომელშიც ნიკა გვარამიას სტუმრობისას, მიშა ანდღულაძე თავის ერთ-ერთ პერსონაჟს, ვაკელ ქალს ასახიერებს. სტუდიაში შესვლისას, ბოდიშს იხდის დაგვიანებისთვის და ამბობს:
"ერთი საათია მანქანის გასაჩერებელს დავეძებ, ეს რა ჯოჯოხეთია, რა არის, ადგილი ვერ ვიპოვე, თორემ ვერ მოვიდოდი აქ. ბოლოს რა უნდა მექნა, "ინვალიდების“ ადგილი რომ არის, იქ გავაჩერე და პატრული მომადგა, ავდექი და გადმოვედი კოჭლობით, სხვა გზა არ მქონდა.“
შოუს ამ მონაკვეთს სოციალურ ქსელში დიდი გამოხმაურება მოჰყვა. მომხმარებლები წერენ, რომ იუმორისტს ბოდიში აქვს მოსახდელი და დიდი ჯარიმა ელის, რადგან შეზღუდული შესაძლებლობების მქონე ადამიანებს შეურაცხყოფა მიაყენა.
"ვინმემ არ მითხრას, რომ ეს იუმორია. იცით, იუმორთან რა კარგად ვარ, გარჩევაც გამომდის. ვინმეს ამაზე გეცინებათ, ალბათ კი, იმათ, ვინც შშმ პირთა სატრანსპორტო საშუალების საპარკინგე ადგილას ავტომობილებს უნამუსოდ აპარკინგებთ, იმათ, ვისაც გგონიათ, რომ იგივე პრობლემის წინაშე არასდროს აღმოჩნდებით.
იმათ, ვისაც 10 წლის ბავშვი (მეტად დიდებიც) 1 კილომეტრი ხელით არ გიტარებიათ სამედიცინო დაწესებულებამდე და ამით გამოწვეული ფიზიკური დაღლილობისა და ემოციების გამო თვალებიდან სიმწრით სისხლი არ წამოგსვლიათ, იმათ, ვინც ჩვენი შვილების ჯანმრთელობის მდგომარეობით გართობა შეგიძლიათ.
ასეთი იუმორია სწორედ ერთ-ერთი ხელშემწყობთთაგანი, აბუჩი დამოკიდებულებისა სპეციალური საპარკინგე ადგილების მიმართ, სწორედ მსგავსების გამო დამაჯარიმა მე პატრულმა, როდესაც სხვა ავტომობილის გამო ვერ ვახერხებდით კუთვნილ ადგილზე გაჩერებას.
მინიმუმ სირცხვილია და ბოდიში მოსახდელი, რომ, როდესაც ამხელა პრეტენზია გაქვს მთავარ მაუწყებლობაზე: სცენარისტებში, შემსრულებლებში, მენეჯმენტში ერთი ადამიანიც არ აღმოჩნდა, რომ ეს ცინიზმი აღმოეფხვრა", - წერენ სოციალურ ქსელში.
იუმორისტს, რომელიც ახლა გერმანიაში იმყოფება, სადაც საკუთარი "სთენდაფპროგრამით" კლუბში აქვს გამოსვლები, სოციალური ქსელის საშუალებით დავუკავშირდით. მიშა ამბობს, რომ იმ ადამიანებს, ვინც მისი ხუმრობა ვერ გაიგო, უსურვებს, რომ სწორად გაგება ისწავლონ.
"მოდი, იუმორთან მეგობრობა და სწორად გაგება ვუსურვოთ ტროლებს და სკანდალისტებს, მერიას კი შშმ პირებისთვის მეტი გასაჩერებელი ადგილის გამოყოფა. ძალოვანთა "შკოდებსაც" თუ დათვლიან, ჯარიმის გარეშე რომ აყენებენ შშმ პირთა საპარკინგე ადგილზე, ეგეც წაგვადგება. ჩემი პატივისცემა და სიყვარული შშმ ადამიანებს“, - ამბობს ანდღულაძე.
წაიკითხეთ ასევე:
- "სტუმრად არ მოვსულვარ..." - მიშა ანდღულაძე "მთავარ არხზე" გადავიდა: რა რეაქციები მოჰყვა მისეულ "ანკორას" ინტერნეტში?
- "ოლიგარქმა არ შეიძლება უფულობა დაასახელოს მიზეზად... მიზეზი იყო ის, რომ სოლოლაკი ვერ "ავიღეთ" - რატომ დატოვა მიშა ანდღულაძემ "ფორმულა" და რას ამბობს სიახლეზე?
- "ბავშვი რომ იბადება, ადამიანებს წინასწარ აქვთ განსაზღვრული "ქოცი" უნდა იყოს თუ "ნაცი" - მიშა ანდღულაძის ინტერვიუ იუმორისტების სატელევიზიო მოგზაურობასა და "ამფითეატრის გამქირავებელზე“
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არ შეიძლება ყველაფერზე ხუმრობა საკუთარი თავის სასარგებლოდ
კომენტარებს ვუყურებ და სამწუხაროდ ერთი ადამიანი არ ამბობს რომ ცუდია როცა ასე იქცევი და შშმ პირების სადგომზე აყენებ ავტომობილს. გასაგებია მიშა მეც შენთან ერთად ვაპროტესტებ შკოდების პარპაშს რომელიცნუკვე აუტანელია, მაგრამ სხვანაირი პასუხი გმართებს მეგობარო. გულწრფელი ბოდიში უნდა მოიხადო და არა ის რომ ვიღაცამ იუმორი ვერ გაიგო!