მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ლიზა, ქალიშვილთან ერთად, სარგებლობს მამულით, რომელიც გიული ალასანიას ეკუთვნის... ბავშვი მიხეილის ახლობლებს არ უნახავთ" - რას წერს უკრაინული მედია იასკო-სააკაშვილის შვილსა და დეპუტატის ქონებაზე
11:38 / 05-02-2024
უკრაინული მედია წერს, რომ რადას დეპუტატმა ელიზავეტა იასკომ 2022 წლის ქონებრივი დეკლარაცია შეავსო. შეგახსენებთ, რომ უკრაინაში მიმდინარე ომის გამო, 2021 წლის შემდეგ, დეპუტატებს დეკლარაცია არ შეუვსიათ.
როგორც informator.ua წერს, იასკომ მიუთითა, რომ ის საქართველოს ყოფილ პრეზიდენტ მიხეილ სააკაშვილთან ერთად ცხოვრობს, მაგრამ სახალხო დეპუტატის ქალიშვილს დედის გვარი აქვს. ბავშვი დეკლარაციაში მოხსეინებულია, როგორც ჟასმინ იასკო მიხაილოვნა.
ქართველი და უკრაინელი პოლიტიკოსების რომანის შესახებ ცნობილი ჯერ კიდევ 2020 წელს გახდა, ხოლო 2023 წლის ზაფხულში იასკომ განაცხადა, რომ მას შვილი მიხეილ სააკაშვილისგან შეეძინა. გოგონას ფოტო მედიაში არ გავრცელებულა, როგორც მედია წერს, სააკაშვილის ახლობლებსაც კი არ უნახავთ ბავშვი.
"არც მე და არც დედაჩემს არ გვინახავს მიშასა და ლიზა იასკოს ქალიშვილი ჟასმინი. ვიცით, რომ გოგონა 2022 წლის გაზაფხულზე დაიბადა", - განუცხადა სააკაშვილის ძმამ დავითმა ინფორმატორს.
როგორც სახალხო დეპუტატმა აღნიშნა, მიხეილ სააკაშვილზე არ არის დაქორწინებული. საქართველოს ყოფილი პრეზიდენტი, ცნობილია, რომ 2021 წლის ოქტომბრიდან გისოსებს მიღმაა. სამშობლოში ის ექვსწლიან პატიმრობას იხდის უფლებამოსილების გადამეტების ბრალდებით.
ასევე დეკლარაციაში იასკომ აღნიშნა, რომ ქალიშვილთან ერთად სარგებლობს მამულით კიევის რაიონის სოფელ ლესნიკში. 120 კვ. მ სახლითა და მიწის ნაკვეთით, რომელიც 1022 კვ. მ-ია და ის სააკაშვილის დედას, გიული ალასანიას ეკუთვნის.
დეპუტატს ასევე აქვს ბინა ვორცელში, დაუმთავრებელი ბინა კიევში, ასევე Suzuki Vitara-ს ფირმის მანქანა, რომელიც მან 2020 წელს 470 ათას გრივნად (დაახლოებით 33 ათასი ლარი) შეიძინა. 2022 წელს იასკომ უმაღლეს რადაში 319 ათასი გრივნა (22 400 ლარი) გამოიმუშავა.
მიხეილ სააკაშვილი პატიმრობისას უკრაინულ არხებს უყურებს
გისოსებს მიღმა ყოფნის პერიოდში მიხეილ სააკაშვილმა რვაჯერ გამოაცხადა შიმშილობა. ამის ფონზე მისი ჯანმრთელობის მდგომარეობა საგრძნობლად გაუარესდა. როგორც დავით სააკაშვილმა ინფორმატორს განუცხადა, ციხეში ძმას რეგულარულად სტუმრობს.
„ჩემი ძმა სასჯელაღსრულების სისტემის კლინიკაშია, პირადად მე ორ კვირაში ერთხელ ვსტუმრობ, მთელი ოჯახი იმედოვნებს, რომ საღი აზრი გაიმარჯვებს და მიხეილი თავისუფალი იქნება, მაგრამ თქვენ იცით და კარგად ხედავთ ჩვენი ხელისუფლების მიდგომას მასთან. თუმცა ის თავად უკრაინის მოქალაქეა, პენიტენციური სისტემა არ მკურნალობს, მიშა უბრალოდ, მოკლულია“, - ამბობს დავითი.
მისი თქმით, სააკაშვილი პატიმრობისას უკრაინის ამბებს ადევნებს თვალს: „მიშასაც და ჩვენც ყველას უკრაინის გამარჯვების იმედი გვაქვს - მაშინ ჩემს ძმას ექნება სამართლიანობის შანსი. ციხეში მოწამლეს. იყო დრო, როცა მისი წონა 120 კილოგრამს აღწევდა, მოწამვლის შემდეგ მისი წონა კრიტიკულ 59 კილოგრამამდე დაეცა. და ექიმებმა მას 45 დიაგნოზი დაუსვეს. ახლა ის 63 კილოგრამს იწონის. ციხეში უყურებს უკრაინულ არხებს და დარწმუნებულია, რომ უკრაინა მოიგებს ამ ომს.
მიხეილ სააკაშვილის ბოლო ვიდეომიმართვაში ირკვევა, რომ მას პალატაში კედელზე მისი ვაჟების, ედუარდის და ნიკოლოზის ფოტოები უკიდია, რომელიც ყოფილი მეუღლისგან, სანდრა რულოვსისგან ჰყავს. ასევე კედელზე ჩანს ქალიშვილის ელის მარიას ფოტო, რომელიც მომღერალ სოფია ნიჟარაძისგან შეეძინა და კიდევ ვოლოდიმირ ზელენსკის ფოტო. მაგრამ სააკაშვილის კედელზე პატარა ჟასმინის ფოტო არ ჩანს.
წაიკითხეთ ასევე:
- "ბევრი იმედი ილუზია აღმოჩნდა" - ლიზა იასკო 2023 წლის შემაჯამებელ პოსტში მიხეილ სააკაშვილს აღარ ახსენებს: რას წერს უკრაინელი დეპუტატი?
- "ჩემი პირადი ცხოვრება ახლა და მომავალშიც მთლიანად უკავშირდება სოფოს და იმ დიდ სიყვარულს, რომელიც გვაკავშირებს მე, მას და ალისას" - რას წერს მიხეილ სააკაშვილი
მკითხველის კომენტარები /
44 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გადააშენეთ რა!
კიევის მამულებით სარგებლობსო? აბა, ალისკას რაღა? მხოლოდ მანჰეტენი?