მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ოჯახმა ბაღში 10 კგ-იანი ბურთი იპოვა, რომელიც მათი მტკიცებით, თავისით გადაადგილდებოდა და ხმებს გამოსცემდა - რა არის ცნობილი მისტიკურ სფეროზე, რომელსაც უცხოპლანეტელებთან კავშირს მიაწერდნენ
13:45 / 04-02-2024
ბეტზის მისტიკური სფეროს ისტორია უკვე 50 წელია, რაც ამოუხსნელ საიდუმლოდ რჩება. 22-კილოგრამიანი ლითონის ბურთი პირველად 1974 წელს ფლორიდაში მცხოვრებმა ოჯახმა აღმოაჩინა და ამბავი ისეთი საინტერესო და უჩვეულო ჩანდა, რომ მეცნიერებს მიეცათ ბიძგი, დაეწყოთ მისი წარმომავლობის გარკვევა.
- ბურთით საზოგადოება მას შემდეგ დაინტერესდა, რაც გავრცელდა ინფორმაცია, რომ ის "თავისით გადაადგილდებოდა, ედევნებოდა ადამიანებს და მუსიკასთან ერთად "ღიღინიც" კი შეეძლო". მისტიკურ სფეროს შესახებ არაერთი უცნაური და გიჟური თეორია გაჩნდა.
პარანორმალური ფენომენების მკვლევარი და ფლორიდელი რადიო შოუს წამყვანი, რონ კივეტი ერთ-ერთი პირველი იყო, რომელიც ბურთის სანახავად ადგილზე მივიდა და თავის მსმენელებს უცნაური თეორია გაანდო. რონი დარწმუნებული იყო, რომ ეს უცნაური რამ ვერანაირად ვერ იქნებოდა დედამიწიდან და მას "კოსმოსური ინტელექტის მიერ ამოუცნობი მიზნით შექმნილი მოწყობილობა" უწოდა.
ჯექსონვილის ადგილობრივმა პრესამ მაშინვე დაიწყო ორბის შესახებ სტატიების გამოქვეყნება და მას საკუთარი ახსნებიც კი მოუძებნა. რეპორტიორ ლინდსი კილბრაიდის თქმით, იმ პერიოდში ადამიანებს უცხოპლანეტელებისადმი გიჟური ინტერესი ჰქონდათ, რასაც მოგვიანებით მისტიკური სფეროს აღმოჩენაც დაერთო.
- ლითონის ბურთისადმი ინტერესი კიდევ უფრო მაშინ გაღვივდა, როცა აშშ-ს საზღვაო ფლოტმა მისი გამოკვლევა დაიწყო.
საზღვაო ძალების სპიკერის თქმით, მათ წარმოდგენაც არ ჰქონდათ, საიდან მოვიდა, ან საერთოდ რას წარმოადგენდა ეს უცხო ობიექტი. მათ თქვეს, რომ ბურთს შიგნიდან სავარაუდოდ, პატარა სამკუთხედი ჩიპი უნდა ჰქონოდა ჩამაგრებული და ამის გამო კარგავდა დროდადრო ბალანსს. მანამდე გაჟღერებული თეორიის თანახმად, ბურთის უმისამართო მოძრაობა ბეტზების სახლის უსწორმასწორო იატაკის ბრალი უნდა ყოფილიყო:
"ვფიქრობ, ეს სახლის კონსტრუქციის ბრალია. ის ძველი აშენებულია და ქვის უსწორმასწორო იატაკი აქვს. ბურთი თითქმის იდეალურადაა დაბალანსებული და მის გადაადგილებას ან მიმართულების შეცვლას მხოლოდ მცირე ჩაღრმავებებიც კი ჰყოფნის",- აცხადებდა საზღვაო ძალების სპიკერი.
სამხედროებმა ბურთის მისტიკურ წარმოშობაზე ვერაფერი გაარკვიეს, ამიტომ საქმეში მეცნიერთა ჯგუფი ჩაერთო და საიდუმლოს ამოხსნა თავის თავზე აიღო. ასტრონომიის პროფესორი ალენ ჰაინეკი იმ ექსპერტთა ჯგუფის წევრი იყო, რომლებიც სფეროს იკვლევდნენ. ჰაინეკმა და მისმა კოლეგებმა დაასკვნეს, რომ ბურთი ადამიანის ხელით იყო შექმნილი.
მას შემდეგ, რაც ბეტზების ოჯახი ამოუცნობი სფეროს გამო საზოგადოების ყურადღების ცენტრში მოექცა, მათ ერთხმად გადაწყვიტეს, რომ სფერო საერთოდ დაემალათ და მასზე აღარასოდეს ესაუბრათ.
ოჯახთან ყველაზე დაახლოებულმა რეპორტიორმა, ლინდსი კილბრაიდმა მათ შესახებაც ისაუბრა: "ეს სიტუაცია ოჯახისთვის საშინლად დამთრგუნველი იყო. მათ 24 საათის განმავლობაში შესდიოდათ ზარები. ხალხი პირდაპირ სახლში აკითხავდათ. ამან მკვეთრად შეცვალა ბეტზების ცხოვრება და ასე გახდნენ ცნობილები",- აცხადებდა კილბრაიდი.
იმის მიუხედავად, რომ ოჯახი სფეროს შესახებ აღარ საუბრობდა, ხალხი მაინც აღტაცებული იყო მისით და მათი ინტერესი არ ცხრებოდა. ზოგიერთს ისეთი გიჟური თეორიაც კი ჰქონდა, რომ თუ ბურთს გაბურღავდნენ, ის ატომური ბომბივით აფეთქდებოდა.
ყველაფერს ფარდა 2012 წელს ერთ-ერთ საგამოძიებო პოდკასტში, Skeptoid-ში აეხადა და ბევრად უფრო დამაჯერებელი ინფორმაცია გავრცელდა. Skeptoid-ის ინფორმაციით, ბეტზის სფერო ბურთის ფორმის სარქველი იყო, რომელიც Bell & Howell-მა აწარმოა. მათ აღმოაჩინეს, რომ სფერო თავისი ზომით, წონით და შემადგენლობით (მასალით) ამ აღწერილობას ემთხვეოდა. (Bell & Howell საყოფაცხოვრებო ნივთებს ამზადებს, მათ შორის ტაქტიკურ სანათებს, ჰაერის დამატენიანებლებს და სახლის გარეთ დასამონტაჟებელ განათებებს).
საგამოძიებო მასალების მიხედვით დაასკვნეს, რომ ბურთის დამოუკიდებლად გადაადგილების შესახებ მოარული ხმები უბრალოდ ზღაპრები იყო და რეალურად ეს არასდროს მომხდარა. მათ თქვეს, რომ სფერო ორი კვირის განმავლობაში ბეტზების ოჯახში გაუნძრევლად იდო და ინფორმაცია იმის შესახებ, რომ ის თავისით გორავდა, ტყუილი იყო.
ბეტზების ოჯახის ნაამბობი ბურთის აღმოჩენის შესახებ
80-იანი წლების ცნობების თანახმად, ბეტზების ოჯახი ფორტ ჯორჯის კუნძულზე საკუთარ სახლში იმყოფებოდა, როცა მახლობლად გაჩენილი პატარა ხანძრის შემდეგ სფერო შენიშნეს. მათ თავდაპირველად ის იფიქრეს, რომ ეს ქვემეხის ტყვია უნდა ყოფილიყო. ერთი შეხედვით, მხოლოდ მძიმე ბურთულას ჰგავდა, მაგრამ რამდენიმე დღის შემდეგ მათ მრავალი პასუხგაუცემელი კითხვა დარჩათ.
ოჯახის ერთ-ერთი წევრის, 21 წლის ტერის თქმით, მან ბურთის მოძრაობა მაშინ შენიშნა, როცა თვითონ გიტარაზე უკრავდა. როგორც ტერი ჰყვება, ბურთი მუსიკის ხმაზე გუგუნის ხმას გამოსცემდა, შემდეგ კი სახლის გარშემო მოძრაობაც დაიწყო. მას შეეძლო თავისით გაჩერებულიყო, მიმართულება შეეცვალა ან ებზრიალა.
ტერიმ სფეროზე ექსპერიმენტების ჩატარება მას შემდეგ დაიწყო, რაც მიხვდა, რომ ის ქვემეხის ბურთი არ იყო. როცა ბურთს ჩაქუჩს ურტყამდნენ, ძირს დადების შემდეგ ის ზანზარებდა. ბეტზები ერთხმად აცხადებდნენ, რომ სფეროს სახლში თავისუფლად გადაადგილება შეეძლო და რომ ბურთი მათ ისე დაჰყვებოდა, თითქოს საკუთარი გონება ჰქონდა. ოჯახმა დასძინა, რომ ბურთი ისეთ უცნაურ ხმას გამოსცემდა, რომ ძაღლები გიჟდებოდნენ და შიშით გარბოდნენ.
საბოლოოდ, მისტიკური სფეროს ისტორია იმით დასრულდა, რომ ბეტზების ოჯახმა გადაწყვიტა, სფერო სახლის უჯრაში "გამოეკეტათ" და მხოლოდ იშვიათ შემთხვევებში გამოეტანათ სტუმრებზე შთაბეჭდილების მოსახდენად.
წყარო: thesun
მოამზადა: ანა სიბოშვილმა
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კიი აბა, მართლა გაურკვეველი წარმოშობის ყოფილიყო ეგ სფერო და დაუტოვებდნენ კარადის უჯრაში ჩაკეტილს. წაიღებდა ნასა ან სხვა რომელიმე ორგანიზაცია და თვალითაც ვეღარ ნახავდნენ.
რა ვქნათ ახლა დავიჯეროთ ამერიკის ამერიკული განდიდების სულელური ზღაპრები? ჩვენ ქართველები ვართ და ვაზროვნებთ.