"არ ვმალავ ჩვენს ურთიერთობას, მაგრამ ხალხს ჰგონია, რომ სხვისი ოჯახი დავანგრიე" - რას ამბობს 22 წლის მომღერალი მისი და მელაძის რომანზე გავრცელებულ ჭორებზე?
ცოტა ხნის წინ ცნობილი გახდა, რომ კონსტანტინე მელაძე ვერა ბრეჟნევას ოფიციალურად დაშორდა. მკითხველს შევახსენებთ, რომ იქამდე მელაძემ სამი შვილი და ცოლი დატოვა, რათა საყვარელ ქალზე იქორწინა.
წყვილის დაშორების შემდეგ გაჩნდა ჭორები, რომ მიზეზი 60 წლის პროდიუსერის ფავორიტი VIA Gra-ს ახალი შემადგენლობის ერთ-ერთი წევრი სოფია ტარასოვა გახდა.
ამ დროისთვის მელაძის მუსიკალური პროექტის სახელწოდებით „ვია გრა“ საქმიანობა შეჩერებულია. როდის განაახლებს გუნდი საქმიანობას, უცნობია. სოფიას სახელი კი ჭორების ეპიცენტრშია. როგორც მედია წერს, 60 წლის პროდიუსერს 22 წლის სოფიასთან რომანი აქვს. გოგონა იძულებული გახდა, ამ თემაზე საჯაროდ ესაუბრა.
"ჩემთვის მნიშვნელოვანია ამაზე საუბარი. მიუხედავად იმისა, რომ თითქმის არასოდეს წამიკითხავს კომენტარები, სადაც ჩვენს რომანზე წერენ, ჩემი მეგობრები მიგზავნიან. მე და კონსტანტინემ გამოვაქვეყნეთ სიმღერა, რომელიც სხვა პროექტისთვის მზადდებოდა. ეს მათი მოთხოვნა იყო, რადგან ლოდინი აღარ სურდათ. ამის შემდეგ გაჩნდა აურზაური და ჭორები ჩვენი რომანის შესახებ," - ამბობს სოფია Next Door-თან ინტერვიუში YouTube არხზე.
მომღერალმა ხაზგასმით აღნიშნა, რომ კონსტანტინე მელაძე მისთვის, უპირველეს ყოვლისა, მენტორია და მასთან მხოლოდ სამუშაო აერთიანებს და არა ძლიერი გრძნობები.
"არაფერი გვაკავშირებს მუსიკის გარდა. არ ვიცი, როგორი გიჟი უნდა იყო, რომ დაიჯერო ჩვენი რომანის ამბები. ასაკობრივი სხვაობა დიდი გვაქვს. ჩემთვის ის ნიჭიერი და ბრწყინვალე კომპოზიტორია. გამიმართლა რომ მასთან ვმუშაონ. მან მომცა ისეთი რამ, რასაც სხვა საპროდიუსერო პროექტებში ვერ მივიღებდი. როდესაც ადამიანი ვიწროდ აზროვნებს, ჰგონია, რომ ყველაფერს ფულის ან საწოლის მეშვეობით ვაღწევ. სამწუხაროა, როცა ხალხი ასე ფიქრობს. ჩემთვის სასაცილოა, როცა მწერენ, რომ კოსტიას ოჯახი დავანგრიე“, - დასძინა მან.
ტარასოვას ახალგაზრდა შეყვარებული ჰყავს. თუმცა ისინი იშვიათად აქვეყნებენ საერთო ფოტოებს. "მე არ ვმალავ ჩვენს ურთიერთობას, მაგრამ ხალხს რატომღაც ჰგონია, რომ სხვისი ოჯახი დავანგრიე", - ჩივის 22 წლის სოფია.
სოფია ტარასოვა ცდილობს ყურადღება არ მიაქციოს მის მიმართ წამოსულ ცილისწამებას. ის აგრძელებს სოლო ნამუშევრებზე მუშაობას და იმედოვნებს, რომ VIA Gra დაბრუნდება დიდ სცენაზე. მომღერლის თქმით, ჯგუფს ბევრი გრანდიოზული გეგმა აქვს, რომელიც უნდა განხორციელდეს.
წაიკითხეთ ასევე: