ზელენსკი რამდენიმე დღეში ზალუჟნის თანამდებობიდან ოფიციალურად გაათავისუფლებს - ვის განიხილავენ მის შემცვლელად?
გავრცელებული ინფორმაციით, უკრაინის შეიარაღებული ძალების მეთაური ვალერი ზალუჟნი ორშაბათს თანამდებობიდან გაათავისუფლეს - ოფიციალური განცხადება ჯერ არ გაკეთებულა, თუმცა, პრეზიდენტის ბრძანებულება კვირის ბოლომდე გახდება ცნობილი.
ორშაბათს, პრეზიდენტის სპიკერმა სერხი ნიკიფოროვმა CNN-ს განუცხადა, რომ არმიის მეთაურის თანამდებობიდან გადაყენების შესახებ ჭორები სიმართლეს არ შეესაბამება. თავდაცვის სამინისტრომ ასევე გაავრცელა შეტყობინება სოციალურ მედიაში: „ძვირფასო ჟურნალისტებო, დაუყოვნებლივი პასუხი ყველას: არა, ეს სიმართლეს არ შეესაბამება“.
- არმიის მეთაურის თანამდებობაზე ამჟამად ორი კანდიდატი განიხილება: ერთ-ერთი მათგანი თავდაცვის დაზვერვის სამმართველოს ამჟამინდელი ხელმძღვანელი კირილო ბუდანოვია. ხოლო მეორე, ოლეკსანდრ სირსკი, უკრაინის სახმელეთო ჯარების მეთაური.
ცნობისთვის, ვოლოდიმირ ზელენსკისა და გენერალ ზალუჟნის შორის არსებულ დაპირისპირებაზე საუბარი უკრაინაში გასული წლის ბოლოს დაიწყო. ამის საფუძვლად იქცა გამოცემა The Economist-ის 2023 წლის ინტერვიუ - გენერალმა ზალუჟნიმ მაშინ განაცხადა, რომ ფრონტზე სიტუაცია ჩიხში შევიდა.
ამ კომენტარებს პრეზიდენტის ოფისის მყისიერი კრიტიკა მოჰყვა. მოგვიანებით, გამოცემა The Sun-თან ინტერვიუში ზელენსკიმ თქვა, რომ სამხედროები, რომლებიც პოლიტიკურ საქმიანობას აპირებენ, ომით აღარ უნდა დაკავდნენო.
მიუხედავად ასეთი მინიშნებებისა, უკრაინის პრეზიდენტის ოფისში ზელენსკისა და ზალუჟნის კონფლიქტს უარყოფდნენ.
ნახეთ ასევე: