22
მაისიდღის ზოგადი ასტროლოგიური პროგნოზი
საქართველოში, 2023 წელს მომხდარი ავტოსაგზაო შემთხვევების შედეგად, 442 ადამიანი დაიღუპა, 7 310 კი - დაშავდა.
შინაგან საქმეთა სამინისტროს ინფორმაციით, გასულ წელს, სისხლის სამართლის კოდექსის შესაბამისად, ქვეყანაში 5 594 საგზაო-სატრანსპორტო შემთხვევა მოხდა, მათგან ყველაზე მეტი ფაქტი დედაქალაქში დაფიქსირდა.
ავტოკატასტროფის შემთხვევების სავარაუდო მიზეზებად კი სიჩქარის გადაჭარბება, სატრანსპორტო საშუალების ალკოჰოლური სიმთვრალის მდგომარეობაში მართვა, შემხვედრი მოძრაობის ზოლში გადასვლა, ან გასწრების წესების დარღვევა, ქვეითად მოსიარულეთა გადასასვლელის გავლის წესების დარღვევა, დისტანციის დაუცველობა და სხვა სახის საგზაო მოძრაობის წესის დარღვევა სახელდება.
რაც შეეხება საგზაო-სატრანსპორტო შემთხვევების სახეებს - შსს-ს სტატისტიკური მონაცემების მიხედვით, ყველაზე მეტი - 1 855 შემთხვევა მოძრავი სატრანსპორტო საშუალებების მონაწილეობით მოხდა, რა დროსაც 104 ადამიანი დაიღუპა, 2 898 კი დაშავდა. ამასთან, ამავე პერიოდში, ქვეით მოსიარულეზე შეჯახების 1 638 ფაქტი აღირიცხა, რის შედეგადაც 95 ადამიანი დაიღუპა, 1 665 კი დაშავდა.
ცნობისთვის, 2022 წელს ქვეყანაში, სისხლის სამართლი კოდექსის შესაბამისად, 5 469 ავტოსაგზაო შემთხვევა მოხდა, რის შედეგადაც 430 ადამიანი დაიღუპა, 7 517 კი - დაშავდა.
ზენორმატიულად გადაჭარბებულ სიჩქარეს და ზოგადად არაადეკვატური მართვის სტილს უნდა იექცეს მკაცრი კონტროლი, კანონი შეიძლება გამკაცრდეს მაგრამ ადმინისტრირება ჭირს რადგან ყოველ კუთხეში პოლიციელს ვერ დავაყენებთ. ამიტომ ზოგადად საოგადოების მიდგომები უნდა შეიცვალოს, ჩემი აზრით ვიდეო რეგისტრატორი უნდა იყოს ავტომობილისათვის სავალდებულო და საზოგადოებას უნდა ქონდეს უფლება დაფიქსირებული უხეში და სახიფათო დარღვევა გადაგზავნოს პატრულის სპეციალურ პორტალზე, რომლის საფუძველზედაც დაჯარიმდება მოჯირითე. ეხლა ვიღაც დაიწყებს რომ ეს ჩაშვებაა და ასე შემდეგ. ჩაშვება არის როდესაც შენი ქვეყნის მერთან თანამშრომლობ და აბეზღებ გმირ და მებრძოლ ადამინაებს, ხოლო როდესაც საშიშ კანონდამრღვევს გამოავლენ ამით დიდ სამსახურს უწევ საზოგადოების უსაფრთხოებას. ვიცი ბევრი შემაგინებს მაგრამ მენტალურად უნდა გადაიხარშოს ეს ფსევდო ძველბიჭური საზოგადოება, კეთილგონიერ კანონმორჩილ მოქალაქთა ერთობად, ადვილი არ იქნება მაგრამ შესაძლებელია. გაიხსენეთ პატარა ბიჭი დათი რომლის ცხოვრებაც დაასახიჩრა ერთმა აცუნდრუკებულმა თვითდაჯერებულმა მოჯირეთემ, აბა დაფიქრდით არ ღირს თუნდაც ერთი სიცოცხლის გადარჩენა იმად რომ კანონის ფარგლებში დავეხმაროთ პოლიციას დაიცვას წესრიგი თუნდაც ვინმე გონებაშეზღუდულმა ჩამშვები გვიწოდოს ამის გამო.
ადმინ გაუშვი არ დაბლოკო......
სამწუხაროდ ხალხის მენტალიტეტს ვერ შეცვლი მოკლე დროში, მაგრამ კანონის გამკაცრება ხომ შეიძლება? და აღსრულების გაუმჯობესება? ვინმეს აქვს ეს საარჩევნო პროგრამაში? რაღაც მეეჭვება, არადა საზოგადოებას აწუხებს ეს ამბავი აშკარად.