22
ივლისიდღის ზოგადი ასტროლოგიური პროგნოზი
თითქმის 50 წლის განმავლობაში, იაპონიის პოლიციის განყოფილებების კედლებზე სატოში კირიშიმას ფოტო უცვლელად ეკიდა - მამაკაცი 1970-იან წლებში ტერაქტების სერიის მოწყობაში იყო ეჭვმიტანილი. ნახევარსაუკუნოვანი ძიების მანძილზე პოლიცია მის დაჭერასთან ახლოსაც არ ყოფილა, მაგრამ შესაძლოა ახლა, სრულიად მოულოდნელად, ტერორისტი მართლმსაჯულების ხელში აღმოჩნდეს.
გასულ კვირას, ტოკიოს მახლობლად მდებარე ონკოლოგიური კლინიკის პაციენტმა განაცხადა, რომ სატოში კირიშიმა იყო. ოფიციალურ დოკუმენტში მამაკაცი სხვა სახელითაა მოხსენებული, პოლიცია მისი ვინაობის დასადგენად დნმ-ის ანალიზს იყენებს.
- სატოში კირიშიმა აღმოსავლეთ აზიის ანტი-იაპონური შეიარაღებული დაჯგუფების წევრი იყო - იაპონური მემარცხენე რადიკალური ორგანიზაცია, რომელიც ქვეყნის იმპერიალიზმის წინააღმდეგ იბრძოდა. დაჯგუფება 1972 წელს გამოჩნდა, მისი შემქმნელი კი ტოკიოს უნივერსიტეტის ისტორიის ფაკულტეტის სტუდენტი მასაში დაიდოჯი იყო. უცნობია ზუსტად რამდენი ადამიანი იყო გაწევრიანებული ორგანიზაციაში. 1972 წლიდან 1975 წლამდე მათ რამდენიმე შეიარაღებული ტერაქტის განხორციელება მოახერხეს, რის შედეგადაც ათობით ადამიანი დაიღუპა და ასობით დაშავდა.
1975 წლის მაისში პოლიციამ ორგანიზაციის ხელმძღვანელობის შვიდი წევრი დააკავა, მათ შორის, დაიდოჯი და მისი მეუღლე აიაკო. ძირითადი წევრებიდან მხოლოდ სატოში კირიშიმამ და ჰასაიჩი უგაჯინმა მოახერხეს გაქცევა.
სატოში კირიშიმა დღეს 70 წლის უნდა იყოს. იგი ონკოლოგიურ კლინიკაში კიბოს დიაგნოზით მკურნალობს. ექიმების განცხადებით მისი მდგომარეობა მძიმეა.
კირიშიმას ბრალად ედება 1975 წლის აპრილში, ტოკიოს კომერციულ გარეუბანში მდებარე შენობის აფეთქება, ტერორისტულ საქმიანობაში მონაწილეობა და ასაფეთქებელი ნივთიერებების უკანონო შენახვა და გამოყენება. თუმცა, იმ შემთხვევაშიც კი, თუ დნმ-ის ანალიზმა დაადასტურა, რომ პაციენტი ნამდვილად კირიშიმაა, მას სასჯელი მაინც არ ემუქრება. პოლიციის განცხადებით მისი ჯანმრთელობის მდგომარეობა უარესდება, საქმის იურიდიული დეტალების განხილვას კი აზრი აღარ აქვს.
ვერ მაითმინა, მოუნდა ჯიგარს სიკვდილის წინ გაბლატავება :).