მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ცხოვრება ნახევარ მილიონ მეტრზე გადაჭიმულ სასახლეში, რუსულ-ებრაული ფესვები და "ღალატი მასკისგან" - როგორ ცხოვრობს Google-ის თანადამფუძნებელი, რომელსაც არასტანდარტულ მილიარდერს უწოდებენ
12:03 / 27-01-2024
სერგეი ბრინი - ამერიკელი კომპიუტერების მეცნიერი და მეწარმე, რომელმაც ლარი პეიჯთან ერთად Google დააარსა. შეუპოვრობა, კრეატიულობა, სწორი ხედვა და ემოციური ინტელექტი - ეს ბრინის გამორჩეული თვისებებია.
სერგეი მიხეილის ძე ბრინი დაიბადა 1973 წლის 21 აგვისტოს რუსი ებრაელის ოჯახში, მოსკოვში. მისი მამა, მაიკლ ბრინი მათემატიკოსია, ხოლო დედა, ევგენია ბრინი იყო NASA-ს გოდარდის კოსმოსური ფრენის ცენტრის მეცნიერი. მიუხედავად იმისა, რომ ბრინის ოჯახი მოსკოვში ცხოვრებით ტკბებოდა, მაიკლმა იცოდა, რომ საბოლოოდ, სერგეის მისი საქმიანობა და შესაძლებლობა ეროვნების გამო შეეზღუდებოდა. 1977 წელს ის დაესწრო მათემატიკის კონფერენციას ვარშავაში. დაბრუნებისთანავე კი გამოაცხადა, რომ დადგა დრო, რომ ოჯახი ემიგრაციაში წასულიყო. ავსტრიისა და საფრანგეთის შემდეგ, საბოლოო ადგილსამყოფელად მათ ამერიკა დაიმკვიდრეს, სადაც 1993 წელს სერგეი ბრინმა წარჩინებით დაამთავრა მერილენდის უნივერსიტეტი. ამის შემდეგ კი პრესტიჟული სტენფორდის უნივერსიტეტის ჯერი დადგა.
- გადამწყვეტი მომენტი სერგეი ბრინის ბიოგრაფიაში მოხდა 1995 წლის მარტში, როდესაც ის შეხვდა ლოურენს "ლარი" პეიჯს, რომელიც მოგვიანებით Google-ის აღმასრულებელი დირექტორი გახდა.
1995 წლის ზაფხულში სერგეი ბრინს დაევალა ლარი პეიჯის თანხლება კამპუსში. მალევე აღმოაჩინეს, რომ ორივე მათგანს ძალიან აწუხებდა მონაცემთა დიდი ნაკრებიდან ინფორმაციის მოპოვების პრობლემა. სერგეი და ლარი დამეგობრდნენ და 1996 წლის იანვარში, სადოქტორო დისერტაციის დასაწერად მომზადებისას, მათ დაიწყეს ერთობლივი მუშაობა კვლევით პროექტზე, რომელიც შექმნილია ინტერნეტში ინფორმაციის მოძიების მეთოდების ფუნდამენტურად გასაუმჯობესებლად. ისინი ვარაუდობდნენ, რომ ყველაზე პოპულარული მონაცემები ყველაზე სასარგებლო იყო.
ამიტომ ახალგაზრდა მეცნიერებმა წამოაყენეს ჰიპოთეზა, რომ საძიებო სისტემა, რომელიც აანალიზებს კავშირს ვებსაიტებს შორის და აფასებს მათ პოპულარობის მიხედვით, უფრო ეფექტური უნდა ყოფილიყო.
Google-ის დაარსება
1997 წლის შემოდგომაზე, ლარიმ და სერგეიმ მოიგონეს BackRub-ის უფრო მიმზიდველი სახელი. საბოლოოდ, ლარის მეგობრის, შონ ანდერსონის დახმარებით შეირჩა სახელი Google. თავდაპირველად, საძიებო სისტემის ვებ-გვერდი სტენფორდის უნივერსიტეტის ძირეულ დომენზე, google.stanford.edu - ფუნქციონირებდა, თავად google.com-ის დაბადების თარიღად კი 1997 წლის 15 სექტემბერი ითვლება. Google-ი ძალიან პოპულარული გახდა სტენფორდის სტუდენტებს შორის და მათ დაიწყეს ფიქრი იმაზე, თუ როგორ გაეყვანათ ის სტენფორდის კედლების მიღმა.
პირველ რიგში, ისინი ცდილობდნენ გაეყიდათ თავიანთი იდეა AltaVista-სთვის 1 მილიონ დოლარად, მაგრამ პოლ ფლაჰერტიმ, AltaVista-ს გამომგონებელმა, უარყო მათი წინადადება. სერგეი და ლარი ასევე ცდილობდნენ მის გაყიდვას Yahoo!, Excite-ზე, მაგრამ საქმე სხვაგვარად განვითარდა.1998 წლის 7 სექტემბერს Google დაარსდა როგორც შეზღუდული პასუხისმგებლობის კომპანია, Google Inc. ლარი პეიჯი გახდა აღმასრულებელი დირექტორი, ხოლო სერგეი ბრინი გახდა პრეზიდენტი.
მათი პირველი ოფისი იყო ნაქირავები ავტოფარეხი სუზან ვოიციცკისგან, სერგეი ბრინის შეყვარებულის ენ ვოიციცკის დისგან, რომელიც კალიფორნიაში მდებარეობდა. 1999 წლის ბოლოსთვის Google ამუშავებდა დაახლოებით 7 მილიონ ძიებას დღეში, ხოლო 2000 წლის შუა რიცხვებში დღეში საშუალოდ 18 მილიონ ძიებას ახორციელებდა. კომპანია თვეში 500 000 აშშ დოლარს ხარჯავდა საოპერაციო ხარჯებში მუდმივი ზრდისთვის.
ერიკ შმიდტი - Google-ის ახალი აღმასრულებელი დირექტორი
სერგეი ბრინმა და ლარი პეიჯმა კომპანიის მართვის ტვირთი მანამ აიღეს, სანამ თანამშრომლების რიცხვი 200-ს არ გადასცდა. 2001 წლის აგვისტოში ლარი პეიჯმა აღმასრულებელი დირექტორის კომპეტენცია ერიკ შმიდტს გადასცა, ინდუსტრიის ვეტერანს, რომელიც იყო Sun Microsystems-ის ტექნოლოგიების მთავარი ოფიცერი და Novell-ის აღმასრულებელი დირექტორი. სერგეი ბრინი გახდა ტექნოლოგიების პრეზიდენტი, ხოლო ლარი პეიჯი პასუხისმგებელი პროდუქტის განვითარებაზე იყო. 2001 წლის ბოლოს Google-ის შემოსავალმა 85 მილიონ დოლარს მიაღწია და ის ერთ-ერთი ყველაზე მომგებიანი კომპანია გახდა.
გაფართოება
2000 წლის მაისში სერგეი ბრინმა და ლარი პეიჯმა დაიწყეს Google-ის სერვისების საზღვარგარეთ გაფართოება. მალე Google ათი ენაზე მუშაობდა: დანიური, პორტუგალიური, ფინური, ესპანური, გერმანული, იტალიური, შვედური, ფრანგული, ჰოლანდიური და ნორვეგიული. სერგეიმ და ლარიმ ოთხი თვის შემდეგ ჩინური, კორეული და იაპონური დაამატეს.
2002 წლისთვის Google 72 ენაზე მუშაობდა. 2004 წლის 1 აპრილს ახალგაზრდა ინოვატორებმა საზოგადოებას წარუდგინეს Gmail, პოლ ბუხეიტის მიერ შექმნილი უფასო ელექტრონული ფოსტის სერვისი. 2014 წლის მონაცემებით, Gmail-ში 500 მილიონზე მეტი აქტიური ანგარიში იყო. 2005 წლის 8 თებერვალს ბრინმა და ლერიმ წარმოადგინეს Google Maps, ვებ რუკების სერვისი. 2006 წლის 9 ოქტომბერს Google Inc.-მა YouTube 1,65 მილიარდ დოლარად იყიდა. YouTube არის ვიდეო გაზიარების სერვისი, რომელიც თავდაპირველად სტივ ჩენმა, ჩად ჰარლიმ და ჯაუდ კარიმმა დააარსეს.
პირადი ცხოვრება
2007 წლის მაისში სერგეი ბრინმა ანა ვოიციცკიზე იქორწინა. 2008 წლის დეკემბერში მათ შეეძინათ ვაჟი, ხოლო 2012 წლის დასაწყისში - ქალიშვილი. 2013 წლის 28 აგვისტოს ისინი დაშორდნენ.
2018 წელს ბრინმა მეორედ იქორწინა. ამჯერად მისი რჩეული ნიკოლ შანაჰანი გახდა, რომელთანაც ქალიშვილი შეეძინა, თუმცა 2022 წელს ისინი ერთმანეთს დაშორდნენ. მიზეზი ნიკოლისა და ბრინის მეგობრის, ილონ მასკის ფარული რომანი გახდა.
ცხოვრების წესი
სერგეი ბრინი არის ათობით პუბლიკაციის ავტორი და თანაავტორი წამყვან ამერიკულ აკადემიურ ჟურნალებში. ის ასევე რეგულარულად გამოდის სხვადასხვა ეროვნულ და საერთაშორისო საგანმანათლებლო, ბიზნეს და ტექნოლოგიურ ფორუმებზე.
ხშირად საუბრობს პრესასთან მის შეხედულებებზე საძიებო ტექნოლოგიებზე და თავად IT ინდუსტრიაზე. უყვარს ჯინსი და სპორტული ქურთუკი, თამაშობს ჰოკეის და ცხოვრობს კალიფორნიაში, 557 კვ მეტრზე გადაჭიმულ სასახლეში, მართავს Tesla Roadster-ს და Toyota Prius-ს. ამ დროისთვის, Forbes-ის მონაცემებით, ბრინის სიმდიდრე 121,6 მლრდ დოლარს შეადგენს.
ავტორი: ეკა დარჩიაშვილი
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბოლოს როდის იძებნება მისი ინტერვიუ?
ბოლოს სად ნახეთ მისი მონაწილეობა რომელიმე ღონისძიებაზე?
რომელი წლის სტატიაა თარგმნილი?
ჩვენ ახალგაზრდა სპორტსმენ ბიჭებს და მოხუც ბიზნესმენებს რო დაერიენ ეს გოლდ დიგერები, აგერ ა, 500 კმ სახლები აქვთ ამერიკაში იქაურ მილიარდერებს. პლასტიკური ქირურგის მისამართს მირანდა შელია ასწავლით. წინა სტატიიდან.