"გამომათრიეს, თავი დავარტყი. მე არ მახსოვს, როგორ გამომიყვანეს..." - კეკელიძის ქუჩაზე, სადაც აღსრულების ბიუროს წარმომადგენლებმა ოჯახი გამოასახლეს, აქცია მიმდინარეობს

თბილისში, კეკელიძის N1-ში, იქ სადაც აღსრულების ბიუროს წარმომადგენლებმა მარინა ხატიაშვილის ოჯახი გამოასახლა, აქცია მიმდინარეობს.

ოჯახის მხარდამჭერები მოუწოდებენ საზოგადოებას, რომ ადგილზე მივიდნენ.

როგორც მარინა ხატიაშვილმა "ინტერპრესნიუსს” განუცხადა, მისი გამოყვანა საცხოვრებელი სახლიდან ძალისმიერი მეთოდებით მოხდა.

"გამომათრიეს, თავი დავარტყი. მე არ მახსოვს, როგორ გამომიყვანეს, სასწრაფო დახმარების მანქანაში მოვედი გონს. მე და ჩემი შვილი აქ ვართ, შვილიშვილი კი ბებიასთან წავიყვანეთ. არ ვიცი რა მოახერხეს, ვნახოთ, ჯერ ყველაფერი წინ არის, ვინ რა მოახერხა ამ ყველაფერზე შემდეგ ვისაუბროთ. მე ვიცი ერთი რამ, რომ ეს არის ჩვეულებრივი რეპრესიები. ასე ხდება რუსეთში და ბელარუსში”, - განაცხადა მარინა ხატიაშვილმა.