მნიშვნელოვანი ინფორმაცია
29
ივნისიდღის ზოგადი ასტროლოგიური პროგნოზი
კვირა, მთვარის მეხუთე დღე დაიწყება 09:28-ზე, მთვარე ქალწულს ესტუმრება 15:49-ზე –
ყველაფრის მიღწევა შეიძლება, თუ კრეატიული ხართ და მიზნის მიღწევას ცდილობთ. უნდა დაიცვათ თქვენი პრინციპები და აქტიურად გამოხატოთ თქვენი ემოციები და გრძნობები. გადაიხადეთ ვალები. დაასრულეთ რაც დაიწყეთ. განახორციელეთ ნებისმიერი რადიკალური ცვლილება – ავეჯის გადაწყობიდან ბიზნესის კონცეფციის შეცვლამდე. არ არის რეკომენდებული ფინანსური საქმეების წარმართვა. ახალი საქმეების დაწყება. კარგია ტაძრებისა და მონასტრების მონახულება. კარგია სამზარეულოს დასუფთავება, საყოფაცხოვრებო ტექნიკის შეკეთება, დაუთოება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მიფიქრია, რომ ტყვეობაში ვიყავი, მაგრამ.. " - სიმართლე Playboy-ს 100-მილიონიან სასახლეზე - სკანდალები, სექსუალური გოგონები და ერთი კაცის ახირებები: რა ხდებოდა რეალურად ჰიუ ჰეფნერის "სამოთხეში"
16:13 / 22-01-2024
სულ მალე Playboy-ს დამაარსებლის, ჰიუ ჰეფნერის ცოლის, კრისტალ ჰეფნერის მემუარები, Only Say Good Things: Surviving Playboy and Finding Myself გამოვა. თარიღად 23 იანვარი დასახელდა.
კრისტალ ჰეფნერი Playboy-ს დამფუძნებლის შესახებ აქამდე უცნობ დეტალებზე მემუარების გასაჯაროებამდე, ინტერვიუში საუბრობს და ჰიუსთან ერთად ცხოვრების წლებს იხსენებს.
კრისტალმა ჰიუ ჰეფნერი 2008 წელს, ჰელოუინზე გაიცნო. მაშინ ქალი 21 წლის იყო, ჰიუ კი 82-ის. გოგონამ თავისი ფოტო გაგზავნა და Playboy-ს წვეულებაზე დაპატიჟეს. ჰეფნერმა კრისტალი სხვა ქალებთან ერთად საძინებელში აიყვანა. აქედან რამდენიმე კვირაში კრისტალი უკვე ჰეფნერის ჰარამხანაში ცხოვრობდა, სადაც საბოლოოდ,10 წელი დაყო.
- ჰეფნერი ბრენდი იყო და მისი სასახლე საცხოვრებელი კი არა, კომპანიის სათავო ოფისი. ის იყო ერთგვარი კულტი.
კრისტალს 12 წლის ასაკში მამა გარდაეცვალა და მისი ცხოვრება არ ყოფილა მარტივი.
"ჰიუს გაცნობის შემდეგ, თმის შეღებვა და ისეთი ტანსაცმლის ტარება დავიწყე, როგორიც არ უნდა მცმოდა", - იხსენებს ქალი და ამბობს, რომ თავდაპირველად Playboy-ს სასახლით მოჯადოებული იყო.
"ვფიქრობდი, რომ ეს ყველაზე გასაოცარი რამ იყო, რაც კი ცხოვრებაში მენახა", - იხსენებს კრისტალი. მისივე თქმით, სახლში მოსამსახურეების ჯგუფი ჰყავდათ, კრისტალს კი ევალებოდა, რომ ჰეფნერისთვის სიამოვნება მიენიჭებინა.
ჰეფნერს სჯეროდა, რომ მისი ცხოვრება იმდენად საინტერესო იყო, რომ ადამიანები საუკუნეების განმავლობაში შეისწავლიდნენ, ამიტომ ყოველი დღის დოკუმენტირებას ცდილობდა. ამ საქმისთვის კი თურმე 3 000-მდე წიგნაკი ჰქონდა.
ჰეფნერმა კრისტალს ცხვირის და მკერდის ოპერაცია გააკეთებინა.
"როცა ჩემს ძველ ფოტოებს ვუყურებ, სადაც უდიდესი იმპლანტები და ღია ფერის თმა მაქვს, ცოტა მეცინება. სექს თოჯინას ვგავარ", - ამბობს კრისტალი.
გოგონებს, რომლებიც 24 საათი ჰეფნერის განკარგულებაში იყვნენ, კაცი კვირაში 1000 დოლარს უხდიდა. ქალებს ევალებოდათ, რომ ამ თანხიდან ნაწილი თავიანთ გარეგნობაზე ზრუნვისთვის გამოეყენებინათ.
დროთა განმავლობაში კრისტალი ჰეფნერის ჰარამხანაში იერარქიის მაღალ საფეხურზე ავიდა. ის ჯერ მთავარი გერლფრენდი გახდა, შემდეგ მისი საცოლე, ბოლოს კი მეუღლე.
"ვფიქრობ, იმიტომ ამირჩია, რომ ყველაფერს მსუბუქად ვუდგებოდი. ჰეფნერი შინაგანად ბავშვი იყო. მასთან ქორწინებაზე საერთოდ არ მიფიქრია, სანამ თვითონ არ შემომთავაზა. მახსოვს როგორ მეუბნებოდა ხოლმე, რომ მისგან არასდროს არაფერს ვითხოვდი", - იხსენებს კრისტალი.
მისივე თქმით, მოსაზრება, რომ Playboy-ს სასახლე დიდებული და შესანიშნავი ადგილი იყო, სიცრუეა, - "რეალურად, ყველაფერი ყალბი იყო. შიგნით წვიმდა, წყალი ჩამოდიოდა და საერთოდ... საზიზღარი ადგილი იყო", - დასძენს კრისტალი.
ის იხსენებს, რომ კრისტალს აგორაფობია ჰქონდა (აგორაფობია - გაშლილი სივრცის შიში -. რედ.) და ნარკოტიკებზე იყო დამოკიდებული. "სულ სახლში ჭამდა და არასდროს სურდა რესტორანში წასვლა. ამდენი ფული და ძალაუფლება ამ ყველაფრის შენიღბვაში ეხმარებოდა, მაგრამ ცხადი იყო, რომ როცა გარეთ გავდიოდით, ძალიან ნერვიულობდა", - ამბობს ქალი.
2011 წელს კრისტალმა სასახლე დატოვა და ჯორდან მაკგრაუსთან ჰქონდა ურთიერთობა, მაგრამ როცა ჰეფნერმა დაურეკა, მაინც მასთან დაბრუნდა.
"შესაძლოა მანიპულაციის მსხვერპლი ვიყავი, ან სტოკჰოლმის სინდრომის ბრალი იყო, მაგრამ მასზე ვნერვიულობდი. ეს ადამიანი, რომელსაც შეეძლო ყველაფერი ჰქონოდა, მაინც უბედური იყო. ხშირად მიფიქრია, რომ იქ გამომწყვდეული ვიყავი, მაგრამ ამავე დროს, მისი მიტოვებაც არ შემეძლო, რადგან ვჭირდებოდი", - ამბობს კრისტალი.
ჰეფნერი და კრისტალი 2012 წელს დაქორწინდნენ. მას შემდეგ ორივე მათგანი შეიცვალა. კრისტალი უფრო თამამი გახდა (თვითონ ჰეფნერის მოთხოვნით). "მან ქვეშევრდომებს დაურეკა და უთხრა, - "თუ კრისტალი რამეს გთხოვთ, ეს ისე მიიღეთ, თითქოს ბრძანება ჩემგანაა", - ამბობს კრისტალი.
ქალები, რომლებიც მანამდე ჰეფნერს გარს ეხვეოდნენ, უკვე ასაკოვან მამაკაცს საერთოდ აღარ აინტერესებდა და მთლიანად კრისტალზე იყო დამოკიდებული. ახალგაზრდა ქალმა თმის შეღებვა შეწყვიტა და იმპლანტები ამოიღო. ისე იცვამდა, როგორც სხვა ნებისმიერი ქალი. ის ნამდვილი გახდა.
2016 წელს ჰეფნერმა Playboy-ს სასახლე 100 მილიონ დოლარად გაყიდა და ახლა ის კორპორატიული ღონისძიებებისთვის გამოიყენება.
2017 წელს 91 წლის ჰეფნერი ავად გახდა და ორ კვირაში გარდაიცვალა. როგორც კრისტალი ამბობს, მას ყველაზე მეტად საავადმყოფოები სძულდა და ამბობდა ხოლმე, რომ ადამიანები იქ იმისთვის მიდიოდნენ, რომ მომკვდარიყვნენ.
ჰიუ ჰეფნერის გარდაცვალების შემდეგ, კრისტალი თითქმის 40 ქვეყანას ესტუმრა. ის ამჟამად ჰიუ ჰეფნერის ფონდის საბჭოს პრეზიდენტია და სურს ისეთი ადამიანი გაიცნოს, ვისთანაც სერიოზული ურთიერთობა ექნება. როცა კრისტალს სასახლეში გატარებული წლები ახსენდება, საკუთარ თავს კითხვას უსვამს: "რეალური იყო ეს ყველაფერი?!"
წყარო: dailymail
მოამზადა: ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გამარჯვება პირველივე წუთებზე - ილია თოფურიამ ოლივიერა ნოკაუტში ჩააგდო და ჩემპიონი გახდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კი ვიცოდი ყველაფერი მაინც კარგი იყო