მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ არ კარგავს აქტუალობას "ანე ფრანკის დღიური" და რა სიახლე გელით ახალ გამოცემაში
13:37 / 22-01-2024
დღიური უნიკალური ფანჯარაა, რომელიც ადამიანის სულში გვახედებს. დღიურში ადამიანს შეუძლია ასახოს თავისი აზრები, გრძნობები და გამოცდილება. თუმცა, უამრავ დღიურს შორის განსაკუთრებით გამორჩეული ერთია – „ანე ფრანკის დღიური“, რომელიც არასოდეს კარგავს აქტუალობას.
ანე ფრანკის დღიურის ამბავი
„ანე ფრანკის დღიური“ მეორე მსოფლიო ომის დროს, 15 წლის ებრაელი გოგონას მიერ დაწერილი მემუარებია, რომელიც ამსტერდამში ნაცისტებს ემალებოდა. მისი დღიური იმდროინდელი საშინელი მოვლენებისა და ჰოლოკოსტის შესახებ ინფორმაციის მნიშვნელოვან წყაროდ იქცა და მრავალ ენაზე, მრავალ ქვეყანაში, მრავალჯერ გამოიცა წიგნად. დღიურში ანეს წერილები ასახავს გოგონას ბრძოლას საიდუმლო ცხოვრების სირთულეებთან და ნათელი მომავლის იმედებთან . 1947 წელს, ანეს მამამ, ოტო ფრანკმა პირველად გამოაქვეყნა დღიური და მას შემდეგ, იგი მსოფლიო ბესტსელერი გახდა.
დღიურის მნიშვნელობა:
ანე ფრანკის დღიურს უდიდესი მნიშვნელობა აქვს, როგორც ისტორიულ დოკუმენტს, რომელიც ამხელს ჰოლოკოსტის საშინელ რეალობას. ეს არის არა მხოლოდ ანე ფრანკის პირადი ისტორია, არამედ ნაციზმის ათასობით უდანაშაულო მსხვერპლის ხმა. ის გვახსენებს ადამიანის ღირსების შენარჩუნების, თავისუფლებისა და სამართლიანობისთვის ბრძოლის მნიშვნელობის შესახებ. დღიური ასევე დიდ როლს თამაშობს ახალი თაობების განათლებასა და აღზრდაში, ეხმარება მათ ომისა და რასიზმის საშინელებების გააზრებაში/ დღიურის კითხვით ადამიანები იძენენ თანაგრძნობას და აცნობიერებენ, თუ რამდენად ძლიერი შეიძლება იყოს ადამიანის სული ყველაზე რთულ სიტუაციებში.
30000 გამოკითხული მკითხველის არჩევანი
ანე ფრანკის დღიური რჩება პოპულარულ და აქტუალურ წიგნად მისი დაწერიდან მრავალი ათწლეულის შემდეგაც კი. 30 000-ზე მეტი ქართველი მკითხველის არჩევანმა დაგვანახვა, რომ ეს წიგნი კვლავ ლიდერია ლიტერატურულ ნაწარმოებებს შორის. 15 იანვრიდან ანე ფრანკის დღიურის ახალი გამოცემის შეძენა უკვე შესაძლებელია ონლაინ. ყველა დროის ყველაზე მოთხოვნადი წიგნების სერიის "50 წიგნი, რომელიც უნდა წაიკითხო სანამ ცოცხალი ხარ“ გაგრძელება "კიდევ 15 წიგნი, რომელიც უნდა წაიკითხო სანამ ცოცხალი ხარ“-ის ფარგლებში. ანე ფრანკის "უკანა სახლი (დღიური წერილების სახით)" ამ სერიის პირველი წიგნია, რომელიც 30 000-ზე მეტმა ადამიანმა შეარჩია.
წიგნი მაღაზიების თაროებზე ხელმისაწვდომი იქნება 19 თებერვლიდან, თუმცა მანამდე შანსი გაქვთ, რომ ის ექსკლუზიურად პირდაპირ სტამბიდან შეიძინოთ. წიგნს სასურველ მისამართზე კურიერი მოგიტანთ. გარდა ამისა, „პალიტრა L“-მა განსაკუთრებული სიურპრიზი მოუმზადა მათ, ვინც წიგნს წინასწარ ონლაინ შეიძენს. წინასწარი შეძენის შემთხვევაში საჩუქრად მიიღებთ ორ მოსაწვევს სერიის პრეზენტაციის დახურულ ღონისძიებაზე, რომელიც ეროვნულ ბიბლიოთეკაში გაიმართება.
„თითქმის რვა ათეული წელი გავიდა იმ დღიდან, რაც წიგნად გამოიცა და ნებისმიერი დაინტერესებული ადამიანისთვის ხელმისაწვდომი გახდა ფაშიზმის მილიონთაგან ერთი მსხვერპლის, 15 წლის ებრაელი გოგონას სულისშემძვრელი ამბავი. ამ წლების განმავლობაში წიგნი ითარგმნა მსოფლიოს თითქმის ყველა ენაზე და მისი მილიონობით ეგზემპლარი გაიყიდა. დაახლოებით სამოცი წლის წინ წიგნს გაეცნო ქართულენოვანი მკითხველიც და მას შემდეგ არ დაუკარგავს მისდამი ინტერესი. თუმცა არის გარკვეული გარემოები, რომელთა გამოც ჩვენს ახალ გამოცემას შეგვიძლია თამამად ვუწოდოთ განსაკუთრებული. საქმე ის არის, რომ „ანე ფრანკის დღიურის“ სახელით ცნობილი გამოცემა, რომელიც გასული საუკუნის 60-იანი წლების დასაწყისში ითარგმნა ქართულად, ეფუძნება ოტო ფრანკის, დღიურის ავტორი გოგონას მამის, მიერ გამოსაცემად მომზადებულ შემოკლებულ ვერსიას. მამის მიერ ტექსტის შემოკლებას ჰქონდა მორალურ-ეთიკური მიზეზები - ოტო ფრანკი ფიქრობდა, რომ ზოგიერთი ჩანაწერი, რომლებშიც მისი მოზარდი ქალიშვილი საკმაოდ ხისტად ეხებოდა კონკრეტულ ადამიანებს, გულახდილად მსჯელობდა ინტიმურ თემებზე და ა.შ., უხერხული და შეუფერებელი იქნებოდა. შესაბამისად, მკითხველამდე მივიდა უაღრესად მნიშვნელოვანი დოკუმენტური მასალა, თუმცა არა სრული და ავთენტური სახით. სწორედ ეს ტექსტი ითარგმნა ქართულად და, რაც ასევე მნიშვნელოვანია, ითარგმნა თარგმანიდან. სწორედ ამით აიხსნება ჩანაწერების ავტორი გოგონას სახელის შეცვლილი ვერსიის დამკვიდრებაც. Anneliese Marie Frank - ასე ერქვა გოგონას, რომელიც ამსტერდამის ერთ-ერთი სახლის საიდუმლო ნაწილში თავის ოჯახთან და ახლობლებთან ერთად ორ წელიწადზე მეტხანს ემალებოდა ფაშისტების დევნას და საბოლოოდ მაინც ვერ დააღწია თავი,“ - განმარტავს „პალიტრა L-ის“ მთავარი რედაქტორი მაია ალუდაური.
დღიურის პოპულარობა განპირობებულია ისტორიული ღირებულების უნიკალური კომბინაციით, ღრმა ფილოსოფიური რეფლექსიით და პატარა ავტორის უნარით, გამოხატოს თავისი გრძნობები ისე, რომ ისინი უნივერსალური გახდეს ყველა ასაკის მკითხველისთვის.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აქამდე ანა ფრანკის დღიური იყო,თუ ეს უოშინგთაუნის მიბაძვითაა