ქეთა თოფურიამ შვილის დაბადების დღე სეიშელის კუნძულებზე აღნიშნა
ჯგუფ "A'Studio"-ს სოლისტმა ოჯახური დღესასწაული სეიშელის კუნძულებზე აღნიშნა. ქეთას ორი შვილი ჰყავს. ყოფილი მეუღლის, ბიზნესმენ ლევ გეიხმანისგან რვა წლის ქალიშვილი, ოლივია, ამჟამინდელი მეუღლისგან, ბიზნესმენ ლევ ძენგოვისგან კი ვაჟი, ადამი, რომლის 3 წლის იუბილე ახლახან აღნიშნეს.
თოფურია საყვარელ მამაკაცთან და ორ შვილთან ერთად ადამის იუბილეზე გადაღებულ ფოტოს სოციალურ ქსელში აქვეყნებს.
"ადამი, 3 წლის. შენ, რა თქმა უნდა, შეგიძლია თქვა, რომ უკვე 5 წლის ხარ. დღეს ყველაფერი შეგიძლია“, - წერს თოფურია.
მომღერლის თაყვანისმცემლები პოსტზე მილოცვებს წერენ:
"ვულოცავ დაბადების დღეს ლამაზ ადამს", "რა ლამაზი ოჯახია", "მიხარია, რომ გიყურებ, ბედნიერი იყავი!", "ოლივია ბედნიერად გამოიყურება. იშვიათია, რომ სხვა კაცს შვილის გარდა ვინმე ასე ძალიან უყვარდეს“, - წერენ ავტორები.
მიუხედავად იმისა, რომ ადამი უკვე სამი წლის არის, ქეთა ოლივიასგან განსხვავებით მეორე შვილის სახეს ფოტოებზე სრულად არ აჩენს. ადამს, სახე ძირითადად "სტიკერებით“ აქვს დაფარული ან ზურგით ან პროფილით არის გადაღებული.
წაიკითხეთ ასევე: