მორიგი "საშიში ექსპერიმენტი" - ჩრდილოეთ კორეამ "წყალქვეშა ბირთვული იარაღის სისტემის გამოცდა" ჩაატარა

ჩრდილოეთ კორეამ "წყალქვეშა ბირთვული იარაღის სისტემის გამოცდა" ჩაატარა - ინფორმაციას სახელმწიფო მედია ავრცელებს. ექსპერიმენტი მის აღმოსავლეთ სანაპიროზე ჩატარდა. სამხრეთ კორეას და მოკავშირე ქვეყნებს მომხდართან დაკავშირებით კომენტარი არ გაუკეთებიათ.

ჩრ. კორეის განცხადებით, ბირთვული იარაღის სისტემის გამოცდა სამხრეთ კორეის, იაპონიისა და აშშ-ის ერთობლივი წვრთნის საპასუხოდ ჩატარდა.

ბოლო კვირებში, ჩრდილოეთ კორეამ სამხედრო წვრთნები გააძლიერა, უფრო აგრესიული გახდა კიმ ჩენ ინის პოლიტიკაც - მან დაასრულა რამდენიმე შეთანხმება, რომელიც მშვიდობის შენარჩუნებას ისახავდა მიზნად.

მისივე თქმით, ჩრ. კორეა ავითარებს სამხედრო არსენალს ომისთვის, რომელიც ნახევარკუნძულზე შესაძლოა "ნებისმიერ დროს დაიწყოს". ამ კვირის დასაწყისში კიმ ჩენ ინმა განაცხადა, რომ სამხრეთ კორეასთან გაერთიანების ყველა მცდელობა დასრულდა.

• 2023 წლის მარტიდან მან ასევე მოითხოვა Haeil სისტემის ტესტების ჩატარებაც - უპილოტო წყალქვეშა ბირთვული იარაღები. ჰეილი კორეულიდან ნიშნავს "ცუნამს". ცოტა რამ არის ცნობილი ამ იარაღის შესახებ. ჩრდილოეთ კორეის მედიის ცნობით, მათ მტრის წყლებში შეღწევა და დიდი წყალქვეშა აფეთქების გამოწვევა შეუძლიათ.

ძლიერდება ჩრ. კორეისა და რუსეთის დიპლომატიური ურთიერთობაც. კიმმა გასულ წელს შეხვედრები გამართა რუსეთის ლიდერ ვლადიმერ პუტინთან და თავდაცვის მინისტრ სერგეი შოიგუსთან. ამ კვირაში მოსკოვში იმყოფებოდა ჩრდილოეთ კორეის საგარეო საქმეთა მინისტრიც...წყარო