როგორ ტოვებს ედუარდ შევარდნაძე პრეზიდენტის კაბინეტს 2023 წლის 26 ნოემბერს, "ვარდების რევოლუციის" შემდეგ - იშვიათ კადრებს, რომელიც მიშა რობაქიძის YouTube არხზე გამოქვეყნდა, გვერდი The Eduard Shevardnadze Center აქვეყნებს.
კადრებში ჩანს, რომ ექსპრეზიდენტი ფანჯარასთან მიდის და პირჯვარს იწერს. იქვე დგას მისი შვილიშვილი სოფო შევარდნაძე, რომელიც ასევე არქივისთვის ვიდეოს იღებს.
ერთ-ერთ მომენტში შევარდნაძე კარადიდან წიგნებს იღებს, მათ შორის არის წიგნი ეთერ თათარაიძის ავტორობით. "ეთერ თათარაიძე, ეს ჩავარიცხინე უგამოცდოდ, თუშია, თუში...“ - ამბობს ექსპრეზიდენტი.
კადრებში ჩანს ასევე პეტრე მამრაძე და სხვა თანამშრომლები, რომლებიც ემოციურად ემშვიდობებიან შევარდნაძეს. კანცელარიას ექსპრეზიდენტი მძღოლთან და შვილიშვილთან ერთად სამუდამოდ ტოვებს.
იხილეთ ასევე:
რამდენიმე ასპექტს დავამატებდი შევარდნაძეზე რაც აქ არავის უთქვია.1978 წელს სსრკ-ს ხელმძღვანელობას უნდოდა რესპუბლიკებში ეროვნული ენების სტატუსის როგორც ოფიციალური ენის გაუქმება და ყველაფერი მხოლოდ რუსულად ყოფილიყო. ხალხის გამოსვლები რომ არა შევარდნაძე მხარს უჭერდა მაგ კანონპროექტს. შემდეგ აფხაზეთის საკითხი. შევარდნაძემ აფსუებს იმხელა უფლებები მისცა (თანაც აფსუები უმცირესობაში იყვნენ აფხაზეთის ავტონომიურ რესპუბლიკაში) რომ არც ართ სხვა ავტონომიურ რესპულიკას არ ჰქონდა: გაუხსნა აფსუური ტელევიზია, უნივერსიტეტი, აფხაზეთში დამყარდა ეთნოკრათია: აფსუები ინიშნებოდნენ წამყვან თანამდებობებზე, და ეს მაშინ როცა უმცირესობაში იყვნენ. ანუ ფაქტიურად აპარტეიდი დამყარდა. ალბათ ისიც არ ახსოვს ზოგს რომ შევარდნაძემ რუსული ჯარები (შავი ზღვის ფლოტის ადმირალ ბალტინის ძალები) შემოიყვანა საქართველოში ზვიად გამსახურდიას წინააღმდეგ. შემდეგ როგორ მოხდა რომ "მსოფლიო დონის" პოლიტიკოსი ასე ადვილად წამოეგო რუსეთის პროვოკაციას რაც გადაიზარდა აფხაზეთის ომში? სოხუმის დაცემამდე ერთი დღით ადრე 26 სექტემბერს ჩემს თვალწინ მაგან და კავსაძემ (სახელმწიფო მინისტრი) დაფეთებულებმა ჩაგვიარეს, გზა აებნათ და აეროპორტი სადააო გვეკითხებოდნენ. გარშემო ხალხი იყო, ქალებიც, ბავშვებიც, არც კი მიაქციეს ყურადღება და მიატოვეს. ეს ყველაფერი ცხადჰყოფს რომ შევარდნაძე იყო ტიპიური კარიერისტი და თავისი კარიერის გულისთვის სამშობლოს ინტერესებს გაწირავდა
ნამდვილი პოლიტიკა ვინ იცოდა?! ამ კაცმა!
აცხონოს!