24
ივნისიდღის ზოგადი ასტროლოგიური პროგნოზი
რუსი პოლიტიკოსის, ბორის ნადეჟდინის პერსონა ბოლო დროს განსაკუთრებით გააქტიურდა, მიზეზი კი ისაა, რომ პარტია "სამოქალაქო ინიციატივამ" ის რუსეთის საპრეზიდენტო კანდიდატად დაასახელა. კანდიდატად რეგისტრაციისთვის ამ ეტაპზე ხელმოწერებს აგროვებს. ხელმოწერების შესაგროვებლად კი შტაბი საქართველოში, თბილისშიც გახსნა.
ნადეჟდინი არის პოლიტიკოსი, რომელიც უკრაინაში ომის დაწყებას "პუტინის დიდ შეცდომას" უწოდებს.
- გამოცემა SOVA-თან ინტერვიუში მან საქართველოს შესახებ ისაუბრა და გასცა პასუხი კითხვას - მიიჩნევს თუ არა აფხაზეთსა და ცხინვალის რეგიონს რუსეთის მიერ ოკუპირებულ რეგიონებად.
2008 წლის ომზე საუბრისას თქვა, რომ ეს ომი, ძირითადად, ექსპრეზიდენტმა მიხეილ სააკაშვილმა მოუტანა ქვეყანას.
"და მე ნამდვილად არ მესმის, რისი იმედი ჰქონდა, როცა საომარი მოქმედებები დაიწყო, რა გამოვიდა?! პატივს ვცემ ქართველ ხალხს, ბუნებრივია და მესმის 2008 წლის ამ ისტორიის ტკივილი. სხვათა შორის, საბოლოო ჯამში, ეს როგორმე უნდა მოვაგვაროთ”, - განაცხადა მან.
კითხვას, არის თუ არა აფხაზეთი და ე.წ. სამხრეთ ოსეთი ოკუპირებული ტერიტორიები, ნადეჟდინმა უპასუხა:
“მე რუსეთში ვიმყოფები, გესმით, რუსეთში. რუსეთს დღეს ამ არაღიარებულ ქვეყნებთან შეთანხმებები აქვს. სხვათა შორის, რუსეთმა ისინი აღიარა. მგონი, რუსეთის გარდა არც არავინ აღიარა. ლუკაშენკომაც არ აღიარა. ამიტომ არის რაღაც საფუძველი ამ თემებზე სასაუბროდ.”
- ნადეჟდინმა განაცხადა, რომ რუსეთის პრეზიდენტად არჩევის შემთხვევაში, მას მოუწევს ყველა ქვეყანასთან კეთილმეზობლური ურთიერთობების აღდგენა.
"ზოგიერთ ქვეყანასთან, მაგალითად, საქართველოსთან კეთილმეზობლური ურთიერთობების აღდგენა უფრო ადვილია“, - დასძინა მან.
მან პირდაპირ არ უპასუხა კითხვას, აღიარებს თუ არა უკრაინის ტერიტორიულ მთლიანობას.
"ეს არის მოლაპარაკების საკითხი, სამშვიდობო ხელშეკრულების საკითხი. მნიშვნელოვანია იმ ადამიანების პოზიცია, ვინც ცხოვრობს ყირიმში, ხერსონში, ზაპოროჟიეში. მათი პოზიცია ბევრად უფრო მნიშვნელოვანია, ვიდრე ჩემი პირადი პოზიცია. ნებისმიერ შემთხვევაში, ამ საკითხს რუსეთის ფედერაციის კონსტიტუციის სრული დაცვით მოვაგვარებ“, - დასძინა მან.
ავტორი: ანრი კურტანიძე
იმედია შეიცვლება უკეთესობისკენ ყველაფერი.
ხელში კბილების საჩიჩქნი ჯოხი რატო უჭირავს?