ვლადიკავკაზში დააკავეს ქალი, რომელსაც რუსეთიდან საქართველოში ინ ვიტრო განაყოფიერების გასაკეთებლად კვერცხუჯრედები გადმოჰქონდა

რუსული მედიის ინფორმაციით, ვლადიკავკაზში, საბაჟოზე დააკავეს რუსეთის მოქალაქე ქალი, რომელიც საქართველოში 2,5 მილიონი რუბლის ღირებულების კვერცხუჯრედების გადატანას სინჯარებით ცდილობდა.

36 წლის ქალს ინ ვიტრო განაყოფიერებისთვის საჭირო ბიოლოგიური მასალა გადაჰქონდა, თუმცა ტრანსპორტირებისთვის შესაბამისი ფედერალური სამსახურისგან ლიცენზია არ ჰქონდა.

გავრცელებული ინფორმაციით, ქალმა ინ ვიტრო განაყოფიერებისთვის მასალა პეტერბურგის ერთ-ერთ კლინიკაში მიიღო, პროცედურა კი თბილისში, კლინიკა Silk Medical-ში უნდა ჩაეტარებინა - საქართველოში ინვიტრო განაყოფიერება შედარებით უფრო იაფი ჯდება. ("სილქ მედიქალში" პროცედურისთვის 6,5 ათასი დოლარი ითხოვეს". )

დაკავებული ქალის მტკიცებით, ქართველმა ექიმებმა დაარწმუნეს, რომ მსგავსი ამანათის ტრანსპორტირება კანონიერი იყო, მაგრამ საბუთებთან დაკავშირებით არაფერი უთხრეს.

მას რუსეთში შვიდ წლამდე თავისუფლების აღკვეთა და ერთი მილიონი რუბლის ჯარიმა ემუქრება. წყარო