"ჩემს შვილებთან ერთად მოვინახულე ჩემთვის ერთ-ერთი უსაყვარლესი წმინდანის, მატრონას უხრწნელი ნაწილები" - რა ვიდეოს აქვეყნებს მეგი გოგიტიძე?

მეგი გოგიტიძემ შვილებთან ერთად მატრონას წმინდა ნაწილები მოინახულა. ქართველი მომღერალი, რომელიც რუსეთში განსაკუთრებულად პოპულარულია, სოციალურ ქსელში წერს, რომ პაკროვსკის დედათა მონასტერს ესტუმრა და წმინდა მატრონას უხრწნელი ნაწილები მოინახულა. მომღერალი აქვე წერს, რომ მატრონა მისი საყვარელი წმინდანია.

მეგი გოგიტიძე:

- დღეს (11.01.24) ჩემს შვილებთან ერთად ვიყავი პაკროვსკის დედათა მონასტერში, სადაც დასვენებულია ჩემი ერთ-ერთი უსაყვარლესი წმინდანის, წმინდა მატრონას უხრწნელი წმინდა ნაწილები.

ასევე მონასტრის ეზოში დაბრძანებულია მისი ხატი, რომელიც სასწაულმოქმედია. დიდება უფალს. მე მჯერა, რომ ყოველი ცუდი გადაივლის… არ დაგვავიწყდეს არავის, რომ უფალი ყველაზე დიდია და მას ვერ აღუდგება ვერავინ. ვერავითარი სულიერი და უსულო… უფალი ამბობს: ,,კლდესა ზედა აღვაშენო ეკლესია ჩემი და ბჭენი ჯოჯოხეთისანი ვერა ერეოდეს მას".

შეგახსენებთ, რომ მატრონას ხატთან დაკავშირებული სკანდალური ბოლო კვირაა საქართველოში ერთ-ერთ ყველაზე აქტუალურ თემად რჩება. სამების ტაძარში დაბრძანებულ მატრონას ხატზე, რომელიც ტაძარს დავით თარხან მოურავმა შესწირა, აღმოჩნდა, რომ სტალინიც იყო გამოსახული, რასაც საზოგადოების მხრიდან პროტესტი მოჰყვა. საპატრიარქოს მიერ გავრცელებული განცხადებიდან ირკვევა, რომ ისინი მიმართავენ შემომწირველთ, თვითონ შეიტანონ სათანადო ცვლილებები ხატში, წინააღმდეგ შემთხვევაში კი ამას თავად გააკეთებენ.

წაიკითხეთ ასევე:

• ვინ იყო ნეტარი მატრონა მოსკოველი, ვისი ხატიც სკანდალად იქცა და მითი, რომლის თანახმადაც, მოსკოვის დაცვისას, სტალინი მისი კურთხევით მოქმედებდა