ვრცელდება ვიდეო, სადაც არსებული ინფორმაციით ჩანს, თუ როგორ კლავენ ისრაელელი სამხედროები თინეიჯერს - ერთ-ერთ მამაკაცს მანქანით გადაუარეს: რას წერს "გარდიანი"

მედიაში ვრცელდება პალესტინის დასავლეთ სანაპიროს ერთ-ერთ სოფელში გადაღებული ვიდეო, სადაც სხვადასხვა გამოცემების, მათ შორის, "გარდიანის" ცნობით, ჩანს რომ ისრაელის სამხედროები 17 წლის პალესტინელ ბიჭს ცეცხლსასროლი იარაღიდან ესვრიან და კლავენ. კიდევ ერთ ვიდეოში ნაჩვენებია ისიც, თუ როგორ გადაუარეს ისრაელის სასაზღვრო პოლიციის მანქანით დაშავებულ პალესტინელ მამაკაცს.

• ამ ვიდეოებმა კიდევ უფრო გაამძაფრა ისრაელის სამხედროების მიერ ომის კანონების დარღვევის შესახებ შეშფოთება.

ვიდეოში ჩანს, როგორ ესვრიან შეიარაღებული სამხედროები 17 წლის ოსაიდ რიმავის. ჩანაწერში გარკვევით ჩანს, როგორ აგროვებდა თინეიჯერი ბიჭი ქაღალდებს და მუყაოს ნაჭრებს, რომ მის მეგობრებთან მიეტანა და გასათბობად ცეცხლი დაენთოთ. აქვე ჩანს, როგორ დაჭრეს მათ სროლისას ორი შეუიარაღებელი მამაკაცი. ოსაიდ რიმავი მაშინ დაიღუპა, როცა მათ დასახმარებლად მირბოდა.

<iframe width="620" height="349" src="https://www.youtube.com/embed/-2s0vkeLgZY" title="Video appears to show Israeli army shooting Palestinians without provocation – report" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

სროლის დასრულების შემდეგ ისრაელის სამხედროები დაჭრილების სანახავად მივიდნენ. ერთ-ერთმა მათგანმა უკვე გარდაცვლილ რიმავის ფეხი წაკრა და შემდეგ მანქანით წავიდა. მათ ისე დატოვეს შემთხვევის ადგილი, რომ არავინ დაუკავებიათ.

ისრაელის სამხედროების მტკიცებით, მამაკაცებს იმიტომ გაუხსნეს ცეცხლი, რომ ისინი ასაფეთქებელ ნივთიერებებს და ბომბებს ისროდნენ, თუმცა საწინააღმდეგოს ამტკიცებენ ადგილობრივები.

მათი თქმით, ასაფეთქებლები არავის უსვრია.

დასავლეთ სანაპიროზე ძალადობის ფაქტების რიცხვის ზრდა Unicef-საც არ გამოჰპარვია. ბოლო დროიდნდელ შემთხვევებს Unicef-ის სპიკერი გამოეხმაურა: "დასავლეთ სანაპიროზე ძალადობამ უპრეცედენტო დონეს მიაღწია.

გასული 12 კვირის განმავლობაში 85 პალესტინელი ბავშვი დაიღუპა. Unicef-ი ძალიან ღელავს აქაური ბავშვების უფლებებზე, მათ უსაფრთხოებასა და დაცვაზე და საბოლოოდ, სიცოცხლის უფლებაზე, რომელიც მათ დაბადებიდან აქვთ."

გავრცელდა დასავლეთ სანაპიროზე გადაღებული კიდევ ერთი ვიდეო, სადაც მორიგი სისასტიკე აღბეჭდილი. ვიდეო ქალაქ ტულკანის უსაფრთხოების კამერამ გადაიღო. ვიდეოში ნაჩვენებია, როგორ ესვრიან ისრაელის ჯარისკაცები ახალგაზრდა მამაკაცებს, რომელთაგან ერთი შეიარაღებულია.

ისრაელის სამხედრო მანქანა ორ გაქცეულ მამაკაცს წამოეწია და ერთ-ერთ მათგანს სხეულზე სამჯერ გადაუარა. ისრაელის სასაზღვრო პოლიციის თქმით, მანქანა ისრაელის ძალების გამოსაყვანად მივიდა ადგილზე, რა დროსაც კაცის ცხედარს უნებურად გადაუარა.

სხვა აზრისაა პალესტინის საგარეო საქმეთა სამინისტრო, სადაც აცხადებენ, რომ მომხდარი "სიძულვილსა და ექსტრემიზმს" ასახავს.

წყარო: theguardian

მოამზადა: ანა სიბოშვილმა