"მე, როგორც მღვდელი, საპატრიარქოსგან მოვითხოვ, რომ ეს მატრონა-სტალინის მკრეხელური ნახატი გამოათრიონ ტაძრიდან და საჯაროდ დაწვან" - დეკანოზი ილია ჭიღლაძე

დეკანოზი ილია ჭიღლაძე სოციალურ ქსელში წერს, რომ წმინდა მატრონას ხატი, რომელზეც წმინდანთან ერთად იოსებ სტალიანია განოსახული, უნდა დაიწვას.

"არათუ საღებავის შესხმა, მართლმადიდებლური კანონიკის მიხედვით, არაკანონიკური და მკრეხელური ხატი უნდა დაიწვას! ამიტომ მე, როგორც მართლმადიდებელი მღვდელი, მიტროსანი დეკანოზი, ჩვენი საპატრიარქოსგან მოვითხოვ კატეგორიულად, რომ ეს მატრონა-სტალინის მკრეხელური ნახატი გამოათრიონ საპატრიარქო ტაძრიდან და საჯაროდ დაწვან, თანახმად საეკლესიო წესისა!" - წერს დეკანოზი.

ცნობისთვის, ცოტა ხნის წინ, გავრცელდა ვიდეო, რომელშიც ჩანს, რომ აღნიშნულ ხატს საღებავი შეასხეს. ფაქტზე გამოძება ვანდალიზმის მუხლით დაიწყო.

ასევე იხილეთ:

• სამების ტაძარში, ხატს, რომელზეც ნეტარ მატრონასთან ერთად სტალინია გამოსახული, საღებავი შეასხეს (ვიდეო)
• ვინ იყო ნეტარი მატრონა მოსკოველი, ვისი ხატიც სკანდალად იქცა და მითი, რომლის თანახმადაც, მოსკოვის დაცვისას, სტალინი მისი კურთხევით მოქმედებდა