მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მამაკაცი არაოფიციალური მეუღლეზე ძალადობას ტელეფონით თვითონვე იღებდა - მძიმე კადრები ცნობილი ექიმის მკვლელობის მცდელობის საქმიდან
18:14 / 05-01-2024
გასული წლის ივლისში ცნობილი გახდა, რომ 45 წლის ლევან გადელიამ არარეგისტრირებულ ქორწინებაში მყოფი მეუღლის, გურანდა აბულაშვილის მკვლელობა ჩაქუჩით, დანითა და სახრახნისით სცადა.
ლევან გადელიას, რომელიც მოქმედი საჯარო მოხელე გახლდათ და აუდიტის სამსახურში მუშაობდა, ბრალდება სისხლის სამართლის კოდექსის 11 პრიმა 19/109-ე მუხლით ჰქოდნა წარდგენილი, რაც ოჯახის წევრის მიმართ განსაკუთრებული სისასტიკით განზრახ მკვლელობის მცდელობას გულისხმობს.
თუმცა როგორც მოგვიანებით გაირკვა, გადელია გურანდა აბულაშვილის მკვლელობის მცდელობის ბრალდებით არა ციხეში, არამედ 4 წლით ფსიქიატრიულ კლინიკაში გაუშვეს.
2023 წლის დეკემბერში ქალმა დახმარებისთვის პროკურატურას მიმართა. ექიმი გურანდა აბულაშვილი მოძალადე კაცისთვის დამატებითი ექსპერტიზის ჩატარებას მოითხოვდა. ის ეჭვობდა, რომ დამნაშავეს ფსიქიატრიულიდან მალე გამოუშვებენ, რადგან გავლენიანი ნაცნობები ჰყავს.
გურანდა აბულაშვილმა გენერალურ პროკურატურას და პრემიერ-მინისტრს მიმართა.
"წერილი დავტოვე გენერალური პროკურორის სახელზე, ბატონ ირაკლი შოთაძის სახელზე. ამ წერილის შინაარსი არის ის, რომ პრეტენზია გამაჩნია პროკურორ ანა კაპანაძის მიმართ და ასევე, პრეტენზია გამაჩნია ექსპერტიზის დასკვნასთან დაკავშირებით, რომელიც დადო სამხარაულის ექსპერტიზამ. მე არანაირად არ ვარ დარწმუნებული, რომ იქნება ჩემი უსაფრთხოება დაცული და ის არ ჩაიდენს კვლავ ასეთ სასტიკ დანაშაულს, ასეთი დამნაშავე, რომელიც შეიძლება 2-3 წელიწადში აღმოჩნდეს ქუჩაში და თავისუფლად გადააგილდეს.
ასევე, მინდა მივმართო საქართველოს პრემიერს, ბატონ ირაკლი ღარიბაშვილს, რომ გაეცნოს ამ საკითხს და დაავალოს შესაბამის ორგანოებს, საქმის სირღმისეული შესწავლა და ხელახალი გამოძიება.
33 ჭრილობა მქონდა, მათ შორის თავზე, მუცელზე, თირკმელზე. თავზე პლასტიკური ოპერაცია ჩამიტარდა და დაზიანებული მაქვს ასევე ხელები", - ამბობდა იმჟამად გურანდა აბულაშვილი.
როგორც ირკვევა, "ტვ პირველმა"გურანდა აბულაშვილის საქმის მასალები მოიპოვა. კადრები, რომლებიც საკმაოდ მძიმე საყურებელია, ტელეკომპანიის ინფორმაციით, უკვე თვეებია დევს საქმეში, თუმცა სასამართლოში საგამოძიებო უწყებას ეს კადრები არ წარუდგენია.
ირკვევა, რომ ქალის წამებას მოძალადე მობილური ტელეფონით თვითონ იღებდა. ვიდეოში ჩანს, როგორ ემუდარება ქალი ქმარს, რომ ჩაკეტილი კარი გააღოს, რომ სხვა ოჯახის წევრებმა მისი დახმარება შეძლონ.
ქალი ასევე დედამთილის პასუხისმგებლობის საკითხსაც აყენებს. დაზარალებული ამბობს, რომ დედამთილმა, რომლის ხმა ვიდეოშიც ისმის, 112-ში დარეკვა და პოლიციისთვის შეტყობინება ვერ მოახერხა ან არ მოახერხა. გურანდა აბულაშვილი ითხოვს, რომ გამოძიება ასაკოვანი ქალით დაინტერესდეს, რომელიც ინფორმირებული იყო, რომ მის სახლში სისხლის სამარ თლის დანაშაული ხდებოდა და მისი შვილი ერთი საათის განმავლობაში აყენებდა ჭრილობებს მის რძალს, თუმცა მას ეს პოლიციისთვის არ შეუტყობინებია. წყარო
00:00 / 00:00
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დედამთილი რაღად უჩივის, იმან არ გადაარჩინა? ეს უფრო შურისძიებას გავს და საერთოდ, ამ მონაცემებით არც მოტივი ჩანს და არც დანაშაულის სრული სურათი.
თუ ვერ ეწყობით გაეცალე, რატო კლავ შე კაი კაცო :/