"მიყვარხართ და მადლობა ამდენი თბილი სიტყვისთვის" - რას წერს სოფო ნიჟარაძე საოცარი შესრულების შემდეგ, რომლითაც სიმღერის იტალიელი ავტორიც კი აღაფრთოვანა
"მთავარი არხის" საახალწლო ეთერში მომღერალ სოფო ნიჟარაძის მიერ შესრულებულ იტალიურ სიმღერას - Ancora, დიდი გამოხმაურება მოჰყვა. სოფო ნიჟარაძის ნამღერით სიმღერის ავტორი, კომპოზიტორი და მომღერალი კრისტიანო მარჯიოლიოც მოიხიბლა.
"ხომ მთელმა სამყარომ იმღერა ეს სიმღერა, მაგრამ ასე არავინ..." - დაწერა ნანუკა ჟორჟოლიანმა სოციალურ ქსელში სოფოს შესრულებაზე.
როგორც ქართველი ემიგრანტი ჟურნალისტი ქეთი ნოგიევა სოციალურ ქსელში წერს, მან სოფო ნიჟარაძის სიმღერა კრისტიანო მარჯიოლიოს გაუგზავნა ტექსტით "ცნობილი ქართველი მომღერალი სოფო ნიჟარაძე თქვენს სიმღერას ასრულებს, ქართველებს ძალიან უყვარხართ". კრისტიანომ საპასუხოდ პოსტი საკუთარ გვერდზე გააზიარა…
"უდიდესი მადლობა ქეთის, ამ ყველაფრის მთავარი გმირი არის ქეთი ნოგიევა" - დაწერა სოფო ნიჟარაძემ "ფეისბუქზე".
მან თბილი სიტყვები არ დაიშურა არც მსმენელისა და შემოქმედებითი ჯგუფისთვის:
"კიდევ ერთხელ გილოცავთ ახალ წელს, ბედობას, სიხარულის, ბედნიერების, ყველა სურვილის ასრულების წელი ყოფილიყოს! მიყვარხართ და მადლობა ამდენი თბილი სიტყვებისთვის და ასეთი შეფასებისთვის, რომელსაც ნამდვილად ვერ დაიმსახურებდა ერთი ბიჭის გარეშე Tornado Gabunia. მას ეკუთვნის ამ გამოსვლის წარმატება და მინდა ცალკე მადლობა ვუთხრა მას საჯაროდ, რომელმაც ერთ ღამეში ყველაფერი გადადო და გააკეთა “ანკორას” ინსტრუმენტალი, მადლობა დათააა. მადლობა ჩემს ალეკო ბერძენიშვილს და ქეთი ორჯონიკიძეს. ასევე მადლობა ჩემს დათუნა სულიკაშვილს ლუქისთვის, ოლგა სპირინას მეიქაფისთვის. დაბოლოს, მთავარი, ჩემს დათო გერსამიას, რომლის კადრი ყოველთვის ყველასგან გამორჩეულია და რა თქმა უნდა, მთავარ სულის ჩამდგმელს ჩემს Nika Gvaramia - სა და ჩემს სუპერ გოგოს Tashka Tamar Chantladze-ს.