წონაში კლების რევოლუციურმა აბებმა შესაძლოა, საკვების მიღება 40%-ით შეამციროს - რას ამბობენ სპეციალისტები Vibe-ს შესახებ?

მასაჩუსეტის ტექნოლოგიური ინსტიტუტის ინჟინრებმა შეიმუშავეს სიახლე, რომელიც ადამიანს სიმაძღრის შეგრძნებას უვითარებს. უფრო კონკრეტულად კი, ისინი ახლებურად მიუდგენენ პრობლემას და შექმნეს ვიბრაციული აბი - Vibe, რომელიც ტვინს აძლევს სიგნალს, რომ საკვების ადგილი აღარ არის.

"ვისაც სურს წონაში დაკლება ან მადის კონტროლი, მისი მიღება შეიძლება ყოველი ჭამის წინ", - ამბობს ინსტიტუტის ყოფილი სტუდენტი შრია სრინივასანი, რომელიც ახლა ჰარვარდის უნივერსიტეტის ბიოინჟინერია.

მისი თქმით, სიახლე მინიმუმამდე აყენებს გვერდითი ეფექტების რისკს, რომლითაც სავსეა სხვა ფარმაკოლოგიური საშუალებები .ყოველი 5 ზრდასრული ამერიკელიდან დაახლოებით 2-ს ზედმეტი წონა აქვს, ხოლო თითქმის მესამედი ჭარბწონიანია. სიახლის გამოყენება საკმაოდ მარტივია.

იგი შედგება 30,65 მილიმეტრიანი სიგრძის კაფსულისგან, დაფარული ჟელატინის გარსით, რომელიც გადაყლაპვიდან რამდენიმე წუთში იხსნება. შიგნით მას აქვს ზამბარით დატვირთული მექანიზმი, რომელიც ჩართავს ვიბრაციულ ძრავს მას შემდეგ, რაც კაფსულა უსაფრთხოდ მოხვდება კუჭში. ამის შემდეგ, ის ტვინს აწვდის სიგნალს იმის შესახებ, რომ კუჭი დანაყრებულია. აბები 10 იორკშირულ ღორებზე გატესტეს.

ცხოველებს თითო აბი ჭამამდე 20 წუთით ადრე მისცეს. ექსპერიმენტმა ხანგრძლივი დაკვირვებით აჩვენა, რომ ღორები უფრო ნელა იმატებდნენ წონაში და უფრო ნაკლებს ჭამდნენ, ვიდრე ის ცხოველები, რომლებსაც წამალი არ დაულევიათ. ამჟამად მკვლევარები ეძებენ ახალ გზებს, რათა გაზარდონ მოწყობილობის მუშაობის დრო და მისი დიზაინი ადამიანებზე კლინიკური კვლევებისთვის გააფართოვონ...წყარო

ავტორი: ეკა დარჩიაშვილი