2023 წლის ყველაზე მდიდრული და ხმაურიანი 11 ქორწილი - ცნობილები, რომლებიც გასულ წელს დაოჯახდნენ
2023 წელი არა მხოლოდ პოლიტიკურად იყო დატვირთული, არამედ შოუბიზნესშიც საინტერესო ამბებით გამოირჩეოდა. მნიშვნელოვანი ამბებიდან ამ სტატიაში 2023 წლის ყველაზე ხმაურიან, მდიდრულ და გრანდიოზულ ქორწილებს წარმოგიდგენთ...
თაკო ნაცვლიშვილი და ოთო ხუროძე
2023 წელს ულამაზესი ქართველი მოდელი თაკო ნაცვლიშვილი დაქორწინდა. მისი რჩეული ოთო ხუროძე გახდა. წყვილმა ქორწილი იტალიაში გადაიხადა. პატარძალს Vera Wang-ის საქორწილო კაბა ეცვა, უზარმაზარი შლეიფით.
ნიკა ხაზარაძე და ნატალია მორჩილაძე
კახეთში იქორწინა ბიზნესმენ და პოლიტიკოს მამუკა ხაზარაძის ვაჟმა. ნიკა ხაზარაძისა და ნატალია მორჩილაძის გრანდიოზული ქორწილი "შატო მუხრანში“ გაიმართა.
თათია შარანგია და ჯარჯი თორაძე
ზაფხულში მესამედ იქორწინა პიანისტმა და ტელეწამყვანმა თათია შარანგიამ. ცნობილი სახე ჯარჯი თორაძეზე ოფიციალურად დაქორწინდა. ქორწილის ცერემონია 5 ივნისს, პატარძლის დაბადების დღეზე გამართა. შარანგიამ და თორაძემ გრანდიოზული ქორწილი მცხეთაში, "მარანი ჰოლში“ გადაიხადეს. ქორწილს უამრავი ცნობილი სახე ესწრებოდა.
რუსკა ქარქაშაძე და ლაშა მოწონელიძე
2023 წელს მსახიობი და ტელეწამყვანი რუსკა ქარქაშაძე დაქორწინდა. რუსკას რჩეული ლაშა მოწონელიძეა, რომელიც ბიზნესის სფეროში საქმიანობს. წყვილი თითქმის ერთი წელია, რაც საზოგადოებაში ერთად ჩნდება. ლუკამ საყვარელ ქალს ხელი იტალიაში სთხოვა, სადაც რუსკას დაბადების დღის აღსანიშნავად, მეგობრებთან ერთად იმყოფებოდნენ.
კატო კოპალეიშვილი და ლევან ბასილაშვილი
თამარ ჩერგოლეიშვილის უფროსმა ქალიშვილმა, კატო კოპალეიშვილმა ჯვარი დაიწერა. ულამაზესი ცერემონია კახეთში, თელავის რაიონში, Silver lakes farm-ში გაიმართა. წყვილს ჯვარი დაწერა უკრაინის მართლმადიდებელი ეკლესიის მღვდელმა, მამა ლეონ გელოვანმა. კატო საკურთხეველთან მამამ, კოტე კოპალეიშვილმა მიიყვანა. მშობლების ჯვრისწერის დროს მოინათლა კატოსა და ლევანის შვილიც, ალექსანდრა-მარიამი. კატოს რჩეული ლევან ბასილაშვილია. წყვილმა ურთიერთობის შესახებ 2020 წელს განაცხადა. 2022 წლის ზაფხულში კი შვილი შეეძინათ.
შალვა რამიშვილი და მარიამ ტარიელაშვილი
შემოდგომაზე PosTV-ის დამფუძნებელი შალვა რამიშვილი მესამედ დაოჯახდა. ქორწილის ამსახველი ფოტოები სოციალურ ქსელში მეგობრებმა გამოაქვეყნეს. ტელეწამყვანის რჩეული მარიამ ტარიელაშვილია. ქალი ერთ-ერთ სატელეკომუნიკაციო კომპანიაში მუშაობს.
მარიამ მათიაშვილი და დათო თოფურია
გრანდიოზული ქორწილი გადაიხადა სუხიშვილების სოლისტმა მარიამ მათიაშვილმა. ცნობილი მოცეკვავის, თეა დარჩიას შვილს, გასულ ზაფხულს ხელი სთხოვეს. მარიამის რჩეული დათო თოფურიაა. ოფიციალური ნიშნობის შემდეგ წყვილმა არდადეგები იტალიაში გაატარა, შემდეგ - პარიზში, საიდანაც მარიამი ულამაზეს კადრებს გვიზიარებდა. მარიამის რჩეული დათო თოფურიაა.
ჯაბა ჩხარტიშვილი და ნატო ყაფლანიშვილი
2023 წელს, საზოგადოების ყურადღების ცენტრში მოექცა მცხეთაში, "მარანი ჰოლში“ გამართული კიდევ ერთი მდიდრული და გრანდიოზული ქორწილი. მილიონერ ვანო ჩხარტიშვილის ძმისშვილმა, ჯაბა ჩხარტიშვილმა, დეპუტატ კახა ოქრიაშვილის დისშვილზე, ნატო ყაფლანიშვილზე იქორწინა.
ქორწილს ცნობილი სახეები დაესწრნენ, მათ შორის ბიზნესმენი ვანო ჩხარტიშვილი და პატარძლის ბიძა, ცნობილი პოლიტიკოსი და ბიზნემენი კახა ოქრიაშვილი. ქორწილს ესწრებოდა ასევე პოლიტიკოსი არჩილ თალაკვაძე, ძმასთან ერთად.
დათუჩა ბურჭულა და ზოზი ქარდავა
კახეთში, წინანდლის მამულში გადაიხადა ქორწილი თავდაცვის მინისტრის, ჯუანშერ ბურჭულაძის ვაჟმა, დათუჩა ბურჭულაძემ. პატარძალი ქართული ჩოგბურთის ამომავალი ვარსკვლავი წალენჯიხელი ზოზია ქარდავა გახლდათ. გრანდიოზულ ქორწილს, როგორც ქართული შოუბიზნესის, ისე პოლიტიკური ელიტა ესწრებოდა. საღამო მსახიობსა და ტელეწამყვან რუსკა მაყაშვილს მიყავდა, ხოლო სცენაზე იდგნენ თეატრალური კვარტეტი და ნატო მეტონიძე. ცნობილ სტუმრებს შორის იყვნენ, ჩოგბურთელი ირაკლი ლაბაძე, მომღერლები ბაბი კირკიტაძე და ნუცა ბუზალაძე. სოციალურ ქსელში გავრცელდა კადრები, სადაც ჩანდა, როგორ მღეროდნენ სცენაზე თეატრალური კვარტეტის ბიჭებთან ერთად დეპუტატი ირაკლი ზარქუა და ინფრასტრუქტურის მინისტრი ირაკლი ქარსელაძე.
ხვიჩა კავარცხელია და ნიცა თავაძე
ფეხბურთის ქართველი ვარსკვლავი, ხვიჩა კვარაცხელია 16 ოქტომბერს დაქორწინდა. "კვარას“ რჩეული ნიცა თავაძე გახლდათ. წყვილმა საქართველოში, სამთავროს მონასტერში დაიწერა ჯვარი.
გიორგი რცხილაძე და აინათ ქსენბაი
შემოდგომაზე კიდევ ერთ გრანდიოზულ ქორწილს უმასპინძლა კახეთმა, რომელსაც საქართველოს პრეზიდენტი სალომე ზურაბიშვილიც კი ესწრებოდა.
წინანდლის მამულში გრანდიოზული ქორწილი ბიზნესმენმა გიორგი რცხილაძემ გადაიხადა. რცხილაძე წლებია, რაც მსახიობ და მოდის დიზანერ აინათ ქსენბაიზეა დაქორწინებული. ქორწილს პრეზიდენტის გარდა, ძირითადად უცხოელი სტუმრები ესწრებოდნენ. წყვილმა ჯვარი ალავერდის საკათედრო ტაძარში დაიწერა.
