შაკირას მშობლიურ ქალაქში 6,5-მეტრიანი ბრინჯაოს ქანდაკება დაუდგეს
კოლუმბიელ მომღერალ შაკირას მშობლიურ ქალაქ ბარანკილაში 6,5-მეტრიანი ბრინჯაოს ქანდაკება დაუდგეს. სხვადასხვა ცნობების მიხედვით, მომღერალი 4 წლის იყო, როდესაც ლიბანურ რესტორანში, სწორედ ამ ქალაქში იცეკვა პირველად ის ცეკვა, რომელიც შემდეგ მის საფირმო მოძრაობებად იქცა.
ქანდაკება მომღერლის ერთ-ერთი ყველაზე ცნობილი მუსიკალური ვიდეოდან Hips Don't Lie მისი ცეკვის მოძრაობას იმეორებს.
გახსნის ცერემონიას შაკირას მშობლები დაესწრნენ. მან ქანდაკების ფოტოები და ვიდეო "ინსტაგრამზე“ გამოაქვეყნა. "ძალიან აღელვებული ვარ ამ მომენტით“, - წერს შაკირა.
