Airbus Atlantic-ის საშობაო ვახშამი საფრანგეთში, რომელზეც 700-ზე მეტი თანამშრომელი მოიწამლა

საფრანგეთის ჯანდაცვის ორგანოების ინფორმაციით, Airbus Atlantic-ის 700-ზე მეტი თანამშრომელი მოიწამლა კომპანიის საშობაო ვახშმის შემდეგ.

კორპორაციულ საღამოზე დამსწრეთა ნაწილს ღებინება და დიარეა აღენიშნებოდა. ჯერ ზუსტად დაუდგენელია, რა იყო სადღესასწაულო სუფრაზე არსებული საკვებში ისეთი, რამაც კომპანიის თანამშრომელთა ნაწილს შობის დღესასწაული კოშმარად უქცია.

კომპანიის წარმომადგენელთა თქმით, საღამოს სტუმართაგან 100- მდე ადამიანის მდგომარეობაა შედარებით რთული.

მათ განცხადებაში ნათქვამია, რომ კომპანია თანამშრომლობს ჯანდაცვის რეგიონულ სააგენტოსთან (ARS) "დაავადების მიზეზის დასადგენად და იმის უზრუნველყოფად, რომ ეს მომავალში აღარ განმეორდეს“.

"ARS-მა არ მოგვაწოდა დეტალები იმის შესახებ, კონკრეტულად რა საკვებს შეიძლება გამოეწვია ადამიანების მასობრივი მოწამვლა სადილის დროს", - აცხადებს კოპანია.

საკვებით მასობრივი მოწამვლის წყაროს დასადგენად გამოძიება დაიწყო. Airbus Atlantic - ი წარმოადგენს თვითმფრინავების მწარმოებელი, მსოფლიოში უდიდესი კომპანიის Airbus - ის შვილობილ კომპანიას, რომელშიც 5 ქვეყნის მასშტაბით 15 000 ადამიანია დასაქმებული.

• მოამზადა ანასტასია შალიკაშვილმა