მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემი შვილი მეზობლის ნაგაზმა შეაშინა, საყვედური რომ ვუთხარი, მიპასუხა? -"შენს შვილს ჩემი ძაღლი მირჩევნიაო!" - რატომ მომრავლდნენ ძაღლებისგან დაკბენილი თუ დაგლეჯილი ადამიანები?
12:18 / 23-12-2023
თითქმის, ერთი კვირაა, რაც მთელი საქართველო დაძაბული ადევნებს თვალს ორი წლის პატარას მდგომარეობას, რომელიც 15 დეკემბერს, პიტბულმა დაგლიჯა! ბავშვს რამდენიმე ოპერაცია ჩაუტარეს, რადგან მისი თავის ქალის დიდი ნაწილი დაზიანებული იყო! იმავე ძაღლმა დაკბინა პაციენტის 6 წლის ძმაც, რომლის მდგომარეობა შედარებით უკეთესია. 20 დეკემბერს, ხაშურის ცენტრალურ საავადმყოფოში, ძაღლის მიერ დაკბენილი ოთხი ადამიანი შეიყვანეს. მათ შორის, ერთ-ერთი - ბავშვია! შარშან, პიტბულმა დაკბინა ჩვილი, რომელსაც თავის არეში ურთულესი ოპერაცია დასჭირდა...
მხოლოდ 2022-2023 წლის მონაცემებს თუ გადავხედავთ, ჩნდება შეკითხვა - მაინც, რა ხდება საქართველოში? რატომ მომრავლდნენ ასე ძაღლებისგან დაკბენილი თუ დაგლეჯილი ადამიანები?
ნინო მეგრელიშვილი - დიდი დიღმის მცხოვრები:
- მესმის, რომ ცხოველთა დამცველების რისხვას დავიმსახურებ, მაგრამ ძალიან ბევრი ადამიანის სათქმელი უნდა ვთქვა: ალბათ, აფრიკის ყველაზე ღატაკ, ჩამორჩენილ სახელმწიფოებშიც კი არ არის ისეთი განუკითხაობა, როგორიც ჩვენთან! - ქუჩის ძაღლები თავიანთ ნებაზე არიან მიშვებული - ყველა უბანში ჯგუფებად დადიან და ბევრი მათგანი აგრესიულია. არც მიკვირს - მშიერ-მწყურვალი, მიუსაფარი ძაღლი აგრესიული იქნება, აბა, რა? მათი შემხედვარე, ვცდილობ, რომ საკვები ზოგჯერ მაინც მივაწოდო, მაგრამ ყოველთვის ვის აქვს იმდენი, ქუჩის ძაღლები გამოკვებოს?! ორიოდე წლის წინ, მიუსაფარმა ძაღლმა დამკბინა და იძულებული გავხდი ცოფის საწინააღმდეგო აცრა გამეკეთებინა - ძაღლი გაიქცა და სადღა ვიპოვიდი? რამდენიმე თვის წინ, ჩემი შვილი მეზობლის ნაგაზმა შეაშინა, საყვედური რომ ვუთხარი, იცით, რა მიპასუხა? - "შენს ცელქ და მოუსვენარ შვილს ჩემი ძაღლი მირჩევნიაო!" ძალიან მაინტერესებს, რა არის ეს - ცხოველების სიყვარული თუ ფანატიზმი?!
არ ვიცი, სხვა უბნებში რა ხდება, მაგრამ ჩვენთან, ძაღლების გამო არც ძილი გვაქვს და არც - მოსვენება! ამ პრობლემას ვინმემ ხომ უნდა მიხედოს?! ამ ქვეყანაში რამდენი მილიონერი ცხოვრობს, გახსნან ამ ძაღლებისთვის თავშესაფრები, ეს ერთი კეთილი საქმე მაინც გააკეთონ! როგორც ვიცი, ბიუჯეტიდან ყოველწლიურად ირიცხება რამდენიმე მილიონი, რომ ცხოველებს კასტრაცია და სტერილიზაცია ჩაუტარონ, ეტყობა, ამ ფულს ვიღაცები ჯიბეში იდებენ, ან წყალს ატანენ, სხვა რა უნდა ვიფიქროთ?! აბა, ეს ცხოველები ასე რატომ მრავლდებიან?
გადასახადებს ვიხდი, არაფერს ვაშავებ, შვილებს ვზრდი და საკუთარ სამშობლოში, ჩემს ქალაქში, თავს ასე დაუცველად რატომ უნდა ვგრძნობდე?!
რეგიონებში უარესი მდგომარეობაა, დასავლეთში სოფელი მაქვს და კარგად ვიცი, იქ რა ხდება. ეს არის ნამდვილი ჯოჯოხეთი, სადაც ადამიანიც დაუცველია და ცხოველიც. სახელმწიფომ რაღაც ხომ უნდა იღონოს, რომ უპასუხისმგებლო ადამიანებმა ქუჩაში ძაღლების გაგდება შეწყვიტონ?! ალბათ, მეტისმეტად ემოციურად ვლაპარაკობ, მაგრამ ეს პრობლმა ყველას გვაწუხებს, მგონი, საქართველოში ოჯახი არ არსებობს, სადაც ძაღლისგან დაკბენილი ერთი ადამიანი მაინც არ ცხოვრობს!
ლიკა ყაზბეგი - სამოდელო სააგენტოს დამფუძნებელი:
- არც კი ვიცი, რა უნდა ვთქვა, რადგან დიდი ტრაგედიაა, როცა პატარა ბავშვი ამხელა განსაცდელში ჩავარდება. თითქმის ყველა იმეორებს, რომ პიტბულია პრობლემა, რომ ეს ჯიში უნდა აიკრძალოს, მაგრამ ჩვენ ოჯახში გვყავს პიტბული, ვერც კი წარმომოდგენია, რომ მან ადამიანს ზიანი მიაყენოს. ვისაც პიტბული ჰყავს, დამეთანხმება, რომ ეს ძალიან თბილი და მოსიყვარულე ჯიშია, მთავარია, როგორ გაზრდი და როგორ მოექცევი. საუბედუროდ, მას ხშირად ზრდიან აგრესიულ, მოჩხუბარ ძაღლად, დაბმული ჰყავთ და აშიმშილებენ, რომ მერე "უკეთესად" იჩხუბოს. როცა ნაშიმშილარ, დაბმულ ძაღლს ქუჩაში გაუშვებ, კარგს რას ჩაიდენს?!
მე ორივე მეცოდება: ადამიანიც და ძაღლიც, რომელიც ასეთ "პატრონს" გამოექცა - "პატრონს", რომელიც აშიმშილებდა და სიბნელეში ჰყავდა დამწყვდეული...
ჩვენ ხომ ვიცით, რა მდომარეობაში არიან ძაღლები, განსაკუთრებით, პროვინციებში? - იქ ნამდვილი ჯოჯოხეთი ტრიალებს! თუ ძაღლი, რომელმაც 2 წლის ბავშვი და მისი ძმა დაკბინა, ასეთი ვაი-პატრონის ხელში იყო, მე მას პირდაპირ პასუხისგებაში მივცემდი. ხოლო იმის დასამტკიცებლად, რომ ადამიანები ძაღლებს სასტიკად ექცევიან, ერთ ფაქტს გიამბობთ, რომელიც ვერაზე, ჩემ თვალწინ მოხდა...წაიკითხეთ სრულად
ნახეთ ასევე:
- "ჩემმა მეგობარმა ძლივს გამოსტაცა ძაღლს ბავშვი პირიდან" - რას ჰყვება პიტბულის დაკბენილი, 2 წლის ლაზარეს მამა
- NDI-ის კვლევის მიხედვით, გამოკითხულთა 68%-ს ქუჩის/უპატრონო ძაღლების პრობლემა აწუხებს
- ამოქმედდა რეგულაცია: თუ ღია სივრცეში ძაღლს ალიკაპის ან საბმელის გარეშე გაიყვანთ, 150 ლარით დაჯარიმდებით
მკითხველის კომენტარები /
35 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მალე ჩვენს პლანეტაზე შვილების მაგივრად ოჯახებს ეყოლებათ ძაღლები და კატები, გადავჯიშდით გადავშენდებით მალე უპატრონო საქართველოში, ვინც ასე კნავის და გამოდიან " ძალიან დიდი ჰუმანურები' და ძალიან დიდი ადამიანები იმათმა სახლებში იყოლიონ მთელ საქართველოში რაც კია უპატრონო ძაღლებია, განახათ რეგიონებში მთლად რა უპატრონობაა, ტურისტები აჭმევენ უპატრონო ძაღლებს ქუჩაში და მერე ადგილობრივ მოსახლეობას პარკით ხელში თუ დაინახავენ დასდევენ და კბენენ ადამიანებს....... კანონი კი ასეთია თუ ძაღლს ან სცემე და ან რამე აკადრე გაგაციმბირებენ, ძაღლს კი დაიკავეს ჩვენს ქვეყანაში.
ასე რამ გაგაბოროტათ ძაღლების მოძულეებო? თქვენი ამგვარი კომენტერების გამო არის, რომ მოზარდები და არა მარტო ისინი, სასტიკად ეპყრობიან ძაღლებს და კატებს. თქვენგან სწავლობენ სიბოროტეს, სამწუხაროდ!!!