პირველად მსოფლიოში, 15 წლის მოზარდს კოვიდ 19-ის საფუძველზე ხმის იოგების დამბლა დაუდგინდა - რას ამბობენ სპეციალისტები?
კოვიდით დაინფიცირების შემდეგ რამდენიმე დღეში, ჯანმრთელ გოგონას სუნთქვის პრობლემა შეექმნა. როგორც აღმოჩნდა, ვირუსმა მისი ხმის იოგების პარალიზება გამოიწვია. მას დასჭირდა ქირურგიული ტრაქეოსტომია - სუნთქვის შესანარჩუნებლად წელიწადზე მეტი ხნის განმავლობაში. მოვლენის კვლევის თანახმად, კოვიდის გავლენამ ნერვულ სისტემაზე იშვიათ შემთხვევებში, შეიძლება ხმის დამბლა გამოიწვიოს.
"ვირუსი იწვევს ნევროლოგიურ გართულებებს, თავის ტკივილითა და პერიფერიული ნევროპათიით", - წერენ ოტორინოლარინგოლოგები, დენიელ ლაროუ და კრისტოფერ ჰარტიკი, ჰარვარდის სამედიცინო სკოლიდან.
"ეს შემთხვევა გვიჩვენებს, რომ ხმის იოგების პარალიზება შესაძლოა, ვირუსის ნეიროპათიური შედეგი იყოს".
15 წლის გოგონას, რომელსაც ჰქონდა ასთმისა და შფოთვის ისტორია, მისცეს სტეროიდები და ბრონქოდილატორები საეჭვო ასთმის შეტევისთვის, მაგრამ ეს მას არ დაეხმარა. ოტოლარინგოლოგებმა გამოიკვლიეს მისი ვოკალური იოგები და დაუდგინეს პარადოქსული ვოკალური მოძრაობა, სადაც ხმოვანი თოკები იხურება, გახსნის ნაცვლად.
ცოტა ხნის მერე, ოტოლარინგოლოგებმა კვლავ შეამოწმეს მისი ვოკალური იოგები და ამჯერად დაადგინეს ორმხრივი ვოკალური დამბლა, მაგრამ დამბლის მიზეზს მაინც ვერ მიაკვლიეს.
ბოლოს ექიმებმა დაასკვნეს, რომ მოზარდის წინა COVID-19 ინფექციამ, როგორც ჩანს, შეასუსტა მისი ვოკალური იოგები და შესაძლოა, სწორედ ეს ყოფილიყო მისი დაბუჟებისა და სისუსტის მიზეზი. სამედიცინო ჯგუფმა რამდენჯერმე სცადა დაენახა, შეეძლო თუ არა სუნთქვა ტრაქეოსტომიის გარეშე, მაგრამ საბოლოოდ, მე-15 თვემდე მან დამოუკიდებლად სუნთქვა ვერ შეძლო...წყარო
ავტორი: ეკა დარჩიაშვილი