მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კიდევ ერთი საინტერესო ექსპერიმენტი: ამერიკული ბიოტექნოლოგიური კომპანია გადაშენებული სახეობების აღდგენაზე მუშაობს - ჯერ ტასმანიური მგლის, შემდეგ კი უკვე მამონტის "გაცოცხლება" იგეგმება
17:20 / 21-12-2023
ბიოტექნოლოგიური კომპანია უკვე გადაშენებული სახეობის, ტასმანიური მგლის, იგივე თილაცინის, ანუ ჩანთოსანი მგლის აღდგენას და მის ბუნებაში დაბრუნებას გეგმავს.
გამოცემა Newsweek-ის ინფორმაციით, ინიციატივა დალასში დაფუძნებულ ბიოტექნოლოგიურ კომპანია Colossal Biosciences-ს ეკუთვნის, რომელმაც უკვე განაცხადა, რომ ჩამოაყალიბა მრჩეველთა კომიტეტი და ტასმანიური მგლის გარდა, მომავალში მამონტისა და ფრინველი დოდოს ჯიშის აღდგენას გეგმავს.
Colossal Biosciences იმედოვნებს, რომ ტასმანიური მტაცებლის აღდგენით, ეკოსისტემა მის ბუნებრივ წონასწორობას დაიბრუნებს. მეცნიერები კი მიიჩნევენ, რომ თილაცინის დაბრუნება მნიშვნელოვანი ნაბიჯია ბიომრავალფეროვნების უზრუნველსაყოფად და მომავალი თაობებისთვის შესანარჩუნებლად.
ოფიციალური თარიღი, თუ როდის შეიძლება დაიბადოს ტასმანიური მგლის პირველი ლეკვი, ცნობილი არ არის. თუმცა კომპანიამ განაცხადა, რომ პირველ მამონტს, სავარაუდოდ, 2028 წელს გამოიყვანს.
ტასმანიური მგელი არის ხორცისმჭამელი ძუძუმწოვარი ცხოველის გადაშენებული სახეობა, რომელიც სრულად 1930-იან წლებში განადგურდა. თილაცინი ტასმანიაში, ავსტრალიასა და ახალ გვინეაში ბინადრობდა. პირველად მათი გავრცელების არეალი მას შემდეგ შემცირდა, რაც ადამიანებმა გვინეაზე ავსტრალიური ველური ძაღლი - დინგო შეიყვანეს. ძაღლებმა ჩანთოსანი მგლები შეავიწროვეს და ისინი იძულებული გახდნენ, საცხოვრებლად კუნძულ ტასმანიაზე გადაენაცვლათ.
ბევრი ავტრალიელი ფერმერი მიიჩნევდა, რომ ეს მგლები საშიშროებას წარმოადგენდნენ მათი ცხვრის ფარებისთვის და ამიტომ მასიურად ანადგურებდნენ მათ. ითვლება, რომ უკანასკნელი ჩანთოსანი მგელი 1930 წელს მოკლეს, ხოლო 1936 წელს სიბერისგან ზოოპარკში დაიღუპა მისი ბოლო ეგზემპლარი. ტასმანიური მგლის გადაშენების ზუსტ თარიღად 1936 წელი მიიჩნევა.
მოამზადა: თეონა რამაზაშვილმა
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ანუ კოპრუს კორპუს რამდენიმე წელში მაწანწალა ძაღლებივით გვეყოლება მაწანწალა ტასმანიური მგლები და რომ გაღეჭავს ბავშვებს, ბავშვი იქნება დამნაშავე. რადგან ბავშვს გემრიელი ხორცი აქვს. მაწანწალა სულ მართალია...
ჯერ სტალინი და რუზველტი აღადგინეთ