მნიშვნელოვანი ინფორმაცია
15
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბრალდებულებმა დაზარალებული შებოჭეს და დაახრჩვეს, რის შემდეგაც ოჯახის კუთვნილ ნივთებს დაეუფლნენ და შემთხვევის ადგილიდან მიიმალნენ" - პროკურატურის განცხადება
17:14 / 21-12-2023
თელავის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ჯგუფურად ყაჩაღობის და დამამძიმებელ გარემოებაში ჩადენილი განზრახ მკვლელობისთვის ბრალდებული დ.პ. დამნაშავედ ცნო.
პროკურატურის ინფორმაციით, სასამართლო პროცესზე გამოკვლეული მტკიცებულებებით დადგინდა, რომ 2019 წლის 5 ნოემბერს, ბრალდებული სამ პირთან ერთად დედოფლისწყაროს რაიონის სოფელ არბოშიკში, ყაჩაღობის მიზნით თავს დაესხა თ.ბ.-ს. თავდამსხმელები დაზარალებულზე ძალადობით მისგან ფულს და ოქროს ნივთებს ითხოვდნენ. თ.ბ.-ს წინააღმდეგობის შეწყვეტისა და თანხის დაუფლების მიზნით ბრალდებულებმა იგი შებოჭეს და დაახრჩვეს, რის შემდეგაც დაზარალებულის ოჯახის კუთვნილი 7 900 ლარის ღირებულების ოქროს ნივთებს, 3 100 ლარს და 1 600 ლარად ღირებულ "ლენოვოს’’ ფირმის ლეპტოპს დაეუფლნენ და შემთხვევის ადგილიდან მიიმალნენ.
ვინაიდან დ.პ. მიმალვაში იმყოფებოდა, მას ბრალდება სისხლის სამართლის კოდექსის 109-ე მუხლის 1-ლი ნაწილის "გ’’ ქვეპუნქტით, მე-2 ნაწილის "ე’’ ქვეპუნქტით, მე-3 ნაწილის "გ’’ და "ე’’ ქვეპუნქტით (განზრახ მკვლელობა დამამძიმებელ გარემოებაში სხვა დანაშაულის დაფარვის მიზნით, ჩადენილი ჯგუფურად, ანგარებით, არაერთგზის ) და 179-ე მუხლის მე-2 ნაწილის "ბ’’ ქვეპუნქტით, მე-3 ნაწილის "ბ’’ და "გ’’ ქვეპუნქტით (ყაჩაღობა ჯგუფურად, ბინაში უკანონო შეღწევით, დიდი ოდენობით ნივთის დაუფლების მიზნით) წარედგინა, აღკვეთის ღონისძიების სახით პატიმრობა შეეფარდა და მის მიმართ გამოცხადდა ძებნა.
წითელი ცირკულარით ძებნილი დ.პ. საქართველოს მხარის მოთხოვნით, საფრანგეთში სამართალდამცველებმა დააკავეს. მისი საქართველოში ექსტრადირება 2023 წლის 29 მარტს განხორციელდა.
„თელავის რაიონულმა სასამართლომ ბრალდებული დამნაშავედ ცნო წარდგენილ ბრალდებებში და სასჯელის სახედ და ზომად 20 წლით თავისუფლების აღკვეთა განუსაზღვრა.
საზოგადოებას შევახსენებთ, რომ აღნიშნულ სისხლის სამართლის საქმეზე, 2020 წელს თელავის რაიონულმა სასმართლომ ჯგუფის სხვა წევრები დამნაშავედ ცნო წარდგენილ ბრალდებებში და სასჯელის სახედ და ზომად ორ პირს 20-20 წლით, ხოლო ერთს 17 წლით თავისუფლების აღკვეთა განუსაზღვრა“-ნათქვამია პროკურატურის მიერ გავრცელებულ ინფორმაციაში.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს - რა გეგმა აქვს აშშ-ის პრეზიდენტს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბოდიშს გიხდით თუ ვცდები, მაგრამ მე მგონი ეს ის საქმეა, "დამნაშავეთა" სიაში დავით ჯავახიშვილი რომ ფიგურირებს, რომელიც ამჟამად გლდანის ციხეში იხდის სასჯელს ამ ე.წ. მოსამართლეების "წყალობით", რადგან სასამართლო პროცესზე ადვოკატებს არც საკმარისი დრო მისცეს სალაპარაკოდ და არც მათი მოსმენით შეიწუხეს თავი, რადგან მოსამართლეები ტელეფონებში თავჩაქინდრულები თამაშობდნენ და ადვოკატების მოსასმენად არ ეცალათ. საქმე კი იმაშია, რომ დავით ჯავახიშვილი ამ დანაშაულში არ მონაწილეობდა, კამერებმა მისი იქ ყოფნა არ დააფიქსირა, მაგრამ ვიღაც არარაობა პოლიციის თანამშრომელმა მაღალჩინოსანმა მაინც მოახერხა მისი ამ საქმეში "ჩატენვა", რადგან ამით იყო დაინტერესებული, და მიზეზად დაასახელეს, რომ ამ პიროვნებებს თურმე იცნობდა და წინა დღეებში შეხვედრია. ვთხოვთ და მოვითხოვთ, სახალხო დამცველმა და ჟურნალისტებმა, იქნებ როგორმე მოიცალოთ და მოინახულოთ დავით ჯავახიშვილი და გამოკითხოთ ის და მისი ადვოკატი, რადგან ადამიანი, რომელსაც დანაშაული არ ჩაუდენია, ციხეში არ უნდა აყურყუტოთ 20 წელი!!!!!
თქვენ უნდა ნახოთ ბათუმის მოსამართლეები რა არასწორ გადაწყვეტილებებს იღებენ. 100 პროცენტი მართალი რო იყო გაგაწამებენ