8
ივლისიდღის ზოგადი ასტროლოგიური პროგნოზი
28 წლის ქართველი ლანა კ. საფრანგეთში დააკავეს, ქალს ბრალად ედება ქმრის გაგუდვა. შემთხვევა კვირას, 17 დეკემბერს, ტულონში მოხდა. წყვილს ხუთი შვილი ჰყავს, ყველა მათგანი მცირეწლოვანია, მათზე მზურნველობა სპეციალურმა სოციალურმა სამსახურმა აიღო.
ფრანგული მედია წერს, რომ მეზობლებმა ხმაური 00:30 საათზე გაიგეს, კარზე დაკაკუნების შემდეგ აღმოაჩინეს მცირეწლოვანი ბავშვები, რომლებმაც უთხრეს, რომ მათი მშობლები ჩხუბობდნენ. მეზობლებმა პოლიცია გამოიძახეს.
ადგილზე მისულ სამართალდამცავებსა და სასწრაფო დახმარების ჯგუფს მამაკაცი უგონო მდგომარეობაში დახვდათ და მისი რეანიმირება ვეღარ მოხერხდა.
"მთავარ არხთან“ საუბარში, ეჭვმიტანილი ქალის დედა ეკატერინე ხარებავა აცხადებს, რომ მისი სიძე წამალდამოკიდებული იყო და ცოლზე ძალადობდა.
"ინვალიდი შვილი ჰყავდათ და ამის გამო წავიდნენ უცხოეთში. თურმე ჩემ შვილზე ძალადობდა, წამალდამოკიდებული გამხდარა და ფულს სთხოვდა, სულ ჩხუბი ჰქონიათ. მაგრამ ჩემი შვილი ერთი პატარა, ჭია გოგოა, ათასი დარდი და პრობლემა გამოვლილი, როგორ შეეძლო ბიჭი გაეგუდა. არსად გაქცეულა. ადგილზე აიყვანეს ჩემი შვილი. მირჩევნია დღეს ჩემი შვილი იყოს მკვდარი, ვიდრე სიძე. არ მინდა ასეთი სირცხვილით ცხოვრება, ბავშვებს რა უნდა ვუთხრა.
ამ ჩემს სიძეს დიდი დოზა ხომ არ ჰქონდა გაკეთებული და ამით მოკვდა. ხომ არის, რომ მერე ცუდად ხდებიან.
ტულონის პროკურატურის ცნობით, ახალგაზრდა ქალმა თავდაპირველად აღიარა დანაშაული და მომხდარი დაწვრილებით აღწერა, თუმცა მოგვიანებით ყველაფერი უარყო. უწყების ინფორმაციით, წარმოშობით ქართველი წყვილის 5 ბავშვი გადასცეს ტულონის ბავშვთა სოციალურ სამსახურს. ხუთივე ბავშვი მომხდარისას შინ იმყოფებოდა, თუმცა დაზუსტებით უცნობია, ისინი შეესწრნენ თუ არა დანაშაულს. გამოძიება მკვლელობის მუხლით დაიწყო. იგეგმება ეჭვმიტანილის ფსიქოლოგიური მდგომარეობის შეფასება.
იხილეთ ასევე:
იცით რას გეტყვით ქალბატონო ბრალდებულის დედავ? თუ ცუდი იყო ძალადობდა 5 შვილს ამისთანა კაცისგან რატომ აჩენდა? და კიდევ თუ მერე გახდა წამალდამოკიდებული რატომ არ განაცხადა სადაც საჭირო იყო? ..ვინ მისცა უფლება სხვისი შვილისათვის სიცოცხლე მოესპო? ...დიახ დამნაშავეა და კანონის სრული სიმკაცრით უნდა დაისაჯოს....შვილები კი მკვლელი დედის გარეშე უკეტესები დაიზრდებიან.....
„მირჩევნია დღეს ჩემი შვილი იყოს მკვდარი, ვიდრე სიძე.“ აი აქ ძალიან ცდებით. ახლა სჭირდება თქვენ შვილს დედის გვერდით დგომა. მას ის ტანჯვაც ეყოფა რაც გამოიარა. მამლის ყივილამდე ძალადობის ქვეშ მყოფი ქალი დედამ უარყო. ფუუუ.... მოღალატე დედა ხართ. მასე რომ ედექით გვერდით იმიტომაც დადგა ეს შედეგი.