გრანდიოზული წვეულება ნიუ-იორკში, საყვარელი ადამიანის გარეშე - როგორ აღნიშნა ტეილორ სვიფტმა 34 წლის იუბილე: "არ მჯერა, რომ ეს წელი სინამდვილე იყო"

ტეილორ სვიფტმა თავისი 34 წლის იუბილე უახლოეს მეგობრებთან ერთად ნიუ-იორკში აღნიშნა. მეორე დღეს მომღერალმა სოციალურ მედიაში გადაინაცვლა და საკუთარ თაყვანისმცემლებს რამდენიმე ფოტო გაუზიარა. "არ მჯერა, რომ ეს წელი სინამდვილე იყო. ყველას მადლობას გიხდით გუშინდელი ლამაზი მოლოცვებისთვის" - დაწერა მომღერალმა ფოტოების აღწერაში.

როგორც მომღერლის ფოტოებიდან ვიგებთ, მისი დაბადების დღის წვეულებას არაერთი ცნობილი სახე დაესწრო, მათ შორის ბლეიკ ლაივლი, ზოი კრავიცი, საბრინა კარპენტერი, მაილს ტელერი და მრავალი სხვა.

მომღერალს დაბადების დღის ტორტი მისმა უახლოესმა მეგობრებმა მიართვეს.

სვიფტის ატვრთულ ერთ-ერთ ფოტოში ის სუპერმოდელ ჯიჯი ჰადიდსა და მსახიობ ბლეიკ ლაივლისთან ერთად პოზირებს.

წვეულების შემდეგ, სვიფტმა, ლაივლიმ, მაილს ტელერმა და მისმა მეუღლემ, კელი სპერიმ ცნობილ ღამის კლუბში, The Box-ში გადაინაცვლეს.

ადვილი შესამჩნევია, რომ მომღერლის განსაკუთრებულ დღეს მისი შეყვარებული, ტრევის კელსი აკლდა. ამერიკული ფეხბურთის ვარსკვლავს სავალდებულო ვარჯიში ჰქონდა და ამის გამო მოუწია წვეულების გამოტოვება. სვიფტი სულ ცოტა ხნის წინ გამოტყდა, რომ 34 წლის ათლეტს ზაფხულიდან ხვდებოდა და ერთმანეთის უკეთ გაცნობის შემდეგღა გაასაჯაროვეს თავიანთი ურთიერთობა. მას შემდეგ მომღერალი არაერთხელ ესტუმრა საგულშემატკივროდ კელსის თამაშებს, ტრევისი კი, სვიფტის ერთ-ერთ კონცერტს დაესწრო.

წყარო: pagesix

მოამზადა: ანა სიბოშვილმა