როგორია ქობულეთში პიროტექნიკის აფეთქების შედეგად დაშავებული არასრულწლოვანის მდგომარეობა

დამწვრობის ცენტრის ხელმძღვანელის, გუგა ქაშიბაძის განცხადებით, ქობულეთში პიროტექნიკის აფეთქების შედეგად დაშავებული არასრულწლოვანის მდგომარეობა სტაბილურია. ამის შესახებ ქაშიბაძემ „ინტერპრესნიუსთან“ საუბრისას განაცხადა.

„სტაბილურად არის ამ წუთისათვის ბავშვი, ჯანმრთელობის მდგომარეობა არ შეცვლილა. გაუარესების გარეშე მივდივართ. აღენიშნება მეორე, მესამე ან მესამე ბე ხარისხის დაზიანებები“,- განაცხადა ქაშიბაძემ.

ცნობისთვის, 11 ნოემბერს ქობულეთში, ერთ-ერთ სოფელში პიროტექნიკის აფეთქების შედეგად 12 წლამდე ბავშვი მძიმედ დაშავდა. მოზარდის მიერ ნასროლი პიროტექნიკა ბენზინის ავზში ჩავარდა, რამაც აფეთქება გამოიწვია.

ასევე იხილეთ:

• "ღირს კი გართობა სხვისი სიცოცხლის ფასად?!" - რატომ არ კრძალავს ხელისუფლება საფრთხის შემცველი პიროტექნიკის რეალიზაციასა და გამოყენებას