ტომ კრუზის რომანი რუსი ოლიგარქის ყოფილ ცოლთან - რა ფოტოებს აქვეყნებს მედია რუსული წვეულებიდან, სადაც 61 წლის მსახიობმა ახალ რჩეულთან ერთად მოილხინა

ტომ კრუზის პირად ცხოვრებაზე ბოლო დროს მედიაში ნაკლებად იწერება. მსახიობ კეიტ ჰოლმსთან განქორწინების შემდეგ ტომს რამდენიმე რომანი ჰქონდა, მაგრამ არცერთი მათგანი სერიოზულ ურთიერთობამდე არ მისულა. ბოლოს დროს, ჰოლივუდის მსახიობი საცხოვრებლად დიდ ბრიტანეთში გადავიდა, რადგან მისი ჯაშუშური ფილმების სერიის „მისია შეუძლებელია“ გადაღებები ევროპაში მიმდინარეობდა. საბოლოოს მსახიობი ლონდონში დასახლდა.

ტომი მდიდრულ პენტჰაუსში Knightsbridge-ში, ბრიტანეთის დედაქალაქის პატივსაცემი უბანში მდებარეობს, თავად კრუზი კი ხშირად სტუმრობს მდიდრულ წვეულებებს. Daily Mail-ის ცნობით, ერთ-ერთ ასეთ საღამოზე 61 წლის კრუიზს ახლდა მისი ახალი გატაცება - შავგვრემანი ქალი ელსინა ხაიროვა. 36 წლის ქალი წარმოშობით რუსეთიდანაა, ის თათარსტანის რესპუბლიკის სახელმწიფო სათათბიროს ყოფილი დეპუტატის რინატ ხაიროვის ქალიშვილია.

როგორც გამოცემა წერს, წვეულება მთლიანად რუსულენოვანი იყო: სტუმრებმა Miss Europe 2006 კონკურსის ყოფილი მონაწილის, მოდელის ალინა ავრამენკოს დაბადების დღე აღნიშნეს. ტომი დიდი სიყვარულით ექცეოდა თავის კომპანიონ ქალს, თვითმხილველების თქმით, აშკარად შეყვარებულია მასზე.

"ისინი სულ ერთად იყვნენ, აშკარად წყვილია", - განუცხადა ერთ-ერთმა სტუმარმა Daily Mail-ს. "ის გიჟდება მასზე."

ტომი და ელსინა გასულ შაბათს საღამოს 22 საათზე გამოჩნდნენ წვეულებაზე და მაშინვე მიიპყრეს ყველას ყურადღება. ელსინას შავი კაბა ეცვა, მკერდზე მოქარგული rhinestone-ის ბაფთით. შეყვარებულები სიამოვნებით ესაუბრებოდნენ სხვა სტუმრებს, შემდეგ კი საცეკვაო მოედანზე მოხვდნენ. კრუზი და მისი რჩეული თითქმის დილამდე დარჩნენ და წვეულება ერთად დატოვეს.

”კრუზი ძალიან მეგობრული იყო - მას მუდმივად სთხოვდნენ სურათების გადაღებას, მაგრამ ის თავაზიან უარს ამბობდა. საბოლოოდ დიჯეიმ რუსულად გამაოცხადა, რომ მისტერ კრუზს არ სურდა ფოტოების გადაღება. მთელი ღამის განმავლობაში ცეკვავდა ელსინა ხაიროვასთან ერთად“, - განაცხადა საღამოს ერთ-ერთმა სტუმარმა.

ელისინა ხაიროვას ფიგურა იქამდეც მოხვედრილა ყურადღების ცენტრში. ის არის ყოფილი მოდელი რუსეთიდან, რომელსაც აქვს ბრიტანეთის მოქალაქეობა. ქალი დაქორწინებული იყო რუს ბიზნესმენ დიმიტრი ცვეტკოვზე. ელისინა თავის ყოფილ პარტნიორთან ერთად ფლობდა უამრავ სასახლეს ინგლისში, რომელთა ღირებულება 20 მილიონ დოლარს შეადგენდა. მათ ასევე ჰქონდათ ქონება დუბაიში და კვიპროსში, ასევე ძვირადღირებული მანქანების, სამკაულების, ჩანთების და ხელოვნების ნიმუშების კოლექციები.

ელისინა რამდენიმე თვის წინ დაშორდა დიმიტრის, რის შემდეგაც მათი განქორწინება ყურადღების ცენტრში მოექცა, რადგან ქალს ყოფილმა მეუღლემ სასამართლოში უჩივლა. დიმიტრიმ ელისინა დაადანაშაულა აქტივების დამალვაში, მათ შორის ძვირადღირებული ჩანთების კოლექციის, რომლის ღირებულება 1 მილიონი აშშ დოლარი გახლდათ. იმავდროულად, ელისინამ თქვა, რომ მისი ყოფილი ქმარი იყო კრემლის ძებნილთა სიაში იყო.

ელსინას მამა, რინატ ხაიროვი, რომლის საპარლამენტო უფლებამოსილება სახელმწიფო სათათბიროში 2021 წელს დასრულდა, ხშირად საუბრობდა მისი ქალიშვილის სიმდიდრეზე. კაცის თქმით, ელსინას მდიდარი ქმარი სრულად უჭერდა მხარს.

"ჩემი ქალიშვილი უკვე ზრდასრულია. მისი ქმარი ბიზნესმენია და ჰყავს ორი შვილი. სკოლის დასრულების შემდეგ გათხოვდა და მოგვიანებით დაამთავრა ლონდონის ვესტმინსტერის უნივერსიტეტი“, - განაცხადა ხაიროვმა.

შეგახსენებთ, რომ ტომ კრუზი სამჯერ იყო დაქორწინებული. 1987 წლიდან 1990 წლამდე - მსახიობ მიმი როჯერსზე. მოგვიანებით ნიკოლ კიდმანზე, წყვილმა ორი ბავშვი ვაჟი კონორი და ქალიშვილი იზაბელა იშვილეს. მათ ქორწინებაში 11 წელი იცხოვრეს. 2001 წელს კრუიზმა განქორწინება მოითხოვა და განშორების მიზეზად "შეურიგებელი უთანხმოება" დაასახელა.

2006 წელს ტომი დაქორწინდა მსახიობ კეიტ ჰოლმსზე. ქორწილი მდიდრული იყო, მსახიობმა ულამაზესი ცერემონია იტალიაში მოაწყო. ექვსი თვით ადრე ახალდაქორწინებულებს შეეძინათ ქალიშვილი სური. 2012 წელს ჰოლმსმა ქმრისთვის მოულოდნელად, განქორწინება მოითხოვა და ქალიშვილზე სრული მეურვეობა მოითხოვა. მსახიობმა თქვა, რომ ის უარს ამბობდა საიენტოლოგიურ რწმენაზე, რომელსაც ტომი მისდევდა და სურის კათოლიკურ რწმენაში აღზრდიდა...წყარო