მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მიღწეულია შეთანხმება, რომ გალის კონფლიქტების პრევენციის ფორმატი აღდგეს, მაგრამ ქართული მხარე არ აპირებს იქ საზღვარგარეთის პასპორტით გადავიდეს" - რას ამბობს აფხაზეთის უმაღლესი საბჭოს თავმჯდომარე
13:47 / 05-12-2023
"ჟენევაში, ფაქტობრივად, მიღწეულია შეთანხმება, რომ გალის კონფლიქტების პრევენციისა და მათზე რეაგირების მექანიზმის ფორმატი აღდგეს, მაგრამ ქართული მხარე არ აპირებს იქ საზღვარგარეთის პასპორტით გადავიდეს და მას იქ რაღაც შტამპი ჩაურტყან", - ამის შესახებ აფხაზეთის უმაღლესი საბჭოს თავმჯდომარემ ჯემალ გამახარიამ მედიაჰოლდინგ "კვირას“ პრესკლუბში გამართულ პრესკონფერენციაზე განაცხადა.
- მისი განმარტებით, სწორედ ეს საკითხი გახდა შემაფერხებელი, რის გამოც, გალის ფორმატის აღდგენა რამდენიმე თვით გადავადდა.
"არსებობდა გალის ფორმატი - კონფლიქტების პრევენციისა და მათზე რეაგირების მექანიზმი. ჟენევაში, ფაქტობრივად, მიღწეულია შეთანხმება, რომ ეს ფორმატი აღდგეს, მაგრამ აქ წარმოიშვა სხვა საკითხი - ქართული მხარე არ აპირებს იქ საზღვარგარეთის პასპორტით გადავიდეს და მას იქ რაღაც შტამპი ჩაურტყან, კატეგორიული უარი არის ამაზე ნათქვამი და ამან შეაფერხა რამდენიმე თვით ამ ფორმატის განახლება.
ჩვენ ახლახან მოვისმინეთ გალის დე ფაქტო გამგებლის, ფილიას განცხადება, რომ ენგურის პირას, იქითა მხარეს, მიმდინარეობს რაღაც სივრცის მოწყობა, არ მისული საგუშაგომდე, ხიდს რომ გადალახავ იქვე, სივრცე გაიხსნება, სადაც გაიმართება ეს შეხვედრები. ეს ისევ და ისევ ჟენევის ფორმატის შემადგენელი ნაწილია. ცხინვალში რასაც ვხედავთ პერიოდულად, იგივე ფორმატი იქნება“, - განაცხადა ჯემალ გამახარიამ.
- გარდა ამისა, მან აფხაზეთის დე ფაქტო უშიშროების საბჭოს მდივნის, სერგეი შამბასა და აფხაზეთის ა/რ-ის უმაღლესი საბჭოს წევრისა და ყოფილი თავმჯდომარის, ვახტანგ ყოლბაიას ონლაინ-შეხვედრის საკითხიც შეაფასა და აღნიშნა, რომ არანაირი ახალი პოლიტიკა და პოლიტიკის ცვლილება ოკუპირებულ აფხაზეთთან მიმართებით ამის უკან არ დგას.
"თვითონ ფაქტი ძალიან საინტერესოა, იმიტომ, რომ ჩვენ ასეთი რამ 2008 წლის შემდეგ არ გვახსოვს - აქ არავითარ შეხვედრას ადგილი არ ჰქონია. იყო ჟურნალისტის ინიციატივა, რომ მას ინტერვიუ ჩამოერთმია როგორც ერთი, ისე მეორისთვის და დაესვა ერთი და იგივე საკითხები. ალბათ, მიაქციეთ ყურადღება, რომ შამბა არც მისალმებია ბატონ ყოლბაიას, ისე დაიწყო კითხვაზე პასუხის გაცემა. მინდა გითხრათ დარწმუნებით და კატეგორიულად, რომ არანაირი ახალი პოლიტიკა ამის უკან აბსოლუტურად არ არის. მე, როგორც აფხაზეთის უმაღლესი საბჭოს თავმჯდომარე, გიდასტურებთ, რომ პოლიტიკის არანაირ ცვლილებას, არანაირი ახალი ფორმატის ჩამოყალიბებას აქ ადგილი არ აქვს. არ არის ეს დაკავშირებული არც რკინიგზასთან, რომლის აღდგენა ასევე მინდა დაგარწმუნოთ, რომ სანამ ეს ტერიტორია ოკუპირებულია, არ მოხდება. ამას არ აქვს არანაირი კავშირი ტერმინალთან. ეს იყო მხოლოდ და მხოლოდ ამ ჟურნალისტის ინიციატივა. ეს კონფლიქტის მხარეც არ არის ჩვენთვის, იმიტომ რომ ეს ტერიტორია ოკუპირებულია და კონფლიქტის მხარე არის ოკუპანტი და არა სერგეი შამბა, ბჟანია და ა.შ. ამ ადამიანებთან არავითარი მოლაპარაკება არ ყოფილა, არ არის და არც მომავალში იგეგმება“,- განაცხადა გამახარიამ.
- კიდეც ერთი საკითხი, რომელზეც მან ისაუბრა, ოკუპირებული აფხაზეთის მიერ ტერმინალის მშენებლობაა, რომელსაც აფხაზეთის უმაღლესი საბჭოს თავმჯდომარემ უკანონო ტერმინალი უწოდა.
"რა თქმა უნდა, ეს არის უკანონო ტერმინალი, ისევე როგორც ის საგუშაგო, რომელიც იქ ფუნქციონირებს. თვითონ ეს ე.წ. საზღვარი ასევე უკანონოა და ასევე, ის ტერმინალი, რომელიც იქ შენდება, არის უკანონო. აფხაზურ საზოგადოებაში წლების განმავლობაში მიმდინარეობს დავა, კამათი ამ საგუშაგოსთან და იმ ე.წ. ტერმინალთან დაკავშირებით. მთელი ამ 30 წლის განმავლობაში, ფაქტობრივად, არ შეწყვეტილა ადამიანების მიმოსვლა როგორც იქით, ისე აქეთ. აქეთ რაღაც გადმოაქვთ, იქით ბევრად მეტი გადააქვთ. ბაზრობებზე ნახავთ უამრავ აფხაზს ჩანთებით დატვირთულს და ეს ხდება ყოველ დღე, გადადიან, გადმოდიან, ვაჭრობენ და ძალიან ბევრი ადამიანი ცხოვრობს ამით. ე.წ. საზღვართან ვინც დგანან, ძალიან დიდ ფულს აკეთებენ ამით - რიგით ადამიანს პატარა ჩანთა რომ მიაქვს, ისიც რაღაცას იხდის არაოფიციალურად. ამასთან დაკავშირებით წლებია აფხაზურ საზოგადოებაში მიმდინარეობდა ძალიან დიდი დისკუსია, ყოველთვის ოპოზიცია პოზიციას აკრიტიკებს, თქვენს ჯიბეებში მიდის ეს ფულიო და ხომ არ სჯობს, რომ ოფიციალურად ტერმინალი აშენდეს, ოფიციალური საბაჟო გაფორმდეს და ეს ფული, რომელიც თქვენს ჯიბეებში მიდის, ეუბნება ოპოზიცია ხელისუფლებას, წავიდეს ბიუჯეტშიო. ამან გამოიწვია ეს მშენებლობა, რომელიც დასრულებული არ არის“,- განაცხადა აფხაზეთის უმაღლესი საბჭოს თავმჯდომარემ.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ყველაფერი იცვლება და ეს ხალხი ვინ მწარედ ახსოვს იქაურ ხალხს, ისევ იმათ უშვებთ?? 30 წელი ვერაფერი მოიგონეს და ეხლა??? სადაა ახალგაზრდობა?? გამოცდილი ნიწიერი???? ესე არ შეიძლება მე ასე ვფიქრობ??? რატომ არ შეიცვალა ამდენი ხანი ეს მტავრობა?? თუ ამათ გარდა სხვა არვინ გვაყვს აბხაზეთიდან????? სირცხვილია უბრალოდ და კიდევ მისას დანიშნული სამხრეთ ოსეთის პრეზიდენტი ისევ ტანამდებობაზეა და ისევ იღებს ხელფასს ჩვენგან??? არც ოსური და არც ქარტლი რომ არ გაეგება??? სად მიდის ამდენი ფული ????? რა ს ძლებს ეს ქვეყნა დ ხალხი???
აფხაზეთის მთავრობას დიდი მახათი!