მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კითხვები ახლა დაიწყება! ეკონომიკა რომ იზრდება, რატომ მიდის ის 20-25 ოჯახის ჯიბეში? ყველას ყველაფერი მოეკითხება" - გახარია
13:45 / 04-12-2023
ქვეყანაში ეკონომიკა იზრდება. დიახ, მართალია, იზრდება, მაგრამ ეს გაზრდილი ეკონომიკა 20-25 ოჯახის კეთილდღეობას ხმარდება და კონკრეტული ოჯახების ჯიბეში მიდის. ყველას ყველაფერი მოეკითხება,- ამის შესახებ პარტია "საქართველოსთვის“ ლიდერმა, გიორგი გახარიამ რეგიონის მოსახლეობასთან და მხარდამჭერებთან შეხვედრისას განაცხადა.
როგორც მან აღნიშნა, ადამიანები ეჩვევიან თანამდებობებს, ფულის მოპარვას და დაუსჯელობას. ამასთან, განმარტავს, რომ "ოცნების“ ამოცანაა შექმნას ილუზია, რომ ქვეყანაში სხვა არჩევანი არ არსებობს.
"საქართველო პატარა ქვეყანაა. არ შეიძლება თორმეტი წელი სარგებლობდე ხალხის ნდობით და გაცვითო ეს ნდობა. ადამიანები ეჩვევიან თანამდებობებს, ფულის მოპარვას, დაუსჯელობას… ამათ ახლა სახლში იმდენი აქვთ წაღებული, რომ იმას ფიქრობენ როგორ დაიცვან, შეინარჩუნონ ეს ყველაფერი, თან დაჭერისაც ეშინიათ... ეს ხალხი არ უნდა გაქრეს, მაგრამ რაც გაუფუჭებიათ, იმაზე პასუხი უნდა აგონ! კითხვები ახლა დაიწყება, ვის რამდენი აქვს წაღებული, ვის რამდენი აქვს მოპარული, ვის რამდენი - გაფუჭებული. აცხადებენ, რომ ქვეყანაში ეკონომიკა იზრდება, დიახ, მართალია, იზრდება, მაგრამ ეს გაზრდილი ეკონომიკა 20-25 ოჯახის კეთილდღეობას ხმარდება და კონკრეტული ოჯახების ჯიბეში მიდის! ყველა ზეპირად ვიცი! ვიღაც ძალიან მდიდრდება, ვიღაც კი ქვეყნიდან გარბის. მე რატომ არ მეშინია, ან რომ გადავდექი, რატომ არ შემეშინდა? იმიტომ რომ ვერაფერს დამაბრალებენ, საქმის გარდა არაფერი მიკეთებია და სახლში არაფერი წამიღია! ყველას ყველაფერი მოეკითხება...“ოცნებამ“ არჩევნებში რომ გაიმარჯვოს, ძალიან ცოტა ხალხს უნდა, მაგრამ კიდევ უფრო ნაკლებს უნდა, რომ "ნაცები“ დაბრუნდნენ ხელისუფლებაში, ამიტომ გვებრძვიან ჩვენ. "ოცნების“ მთავარი ამოცანაა, შექმნას ილუზია, რომ ქვეყანაში სხვა არჩევანი არ არსებობს. მათი ისტერიკა გაიზრდება, ათას სისულელეს დაგვაბრალებენ, მაგრამ უნდა გაითვალისწინოთ, რომ რაც უფრო დიდია ისტერიკა, მით უფრო ახლოს ვართ მიზანთან!“ - განაცხადა გიორგი გახარიამ, რომლის კომენტარსაც პარტია "საქართველოსთვის“ ავრცელებს.
მათივე ცნობით, პარტიის თავმჯდომარე გიორგი გახარია და პარტიის სხვა ლიდერები სამეგრელოში, გურია-აჭარასა და იმერეთში გუნდის წევრებს და ადგილობრივ მოსახლეობას შეხვდნენ. 1, 2 და 3 დეკემბერს შეხვედრები გაიმართა სამეგრელოში, მარტვილში, წალენჯიხაში, ზუგდიდში, ბათუმსა და ქუთაისში.
"გიორგი გახარიასთან ერთად რეგიონულ წარმომადგენლობათა აქტივს და ადგილობრივ მოსახლეობას პარტიის სხვა ლიდერებიც შეხვდნენ: რეგიონული მდივანი, პარლამენტის მაჟორიტარი დეპუტატი შალვა კერესელიძე, პარლამენტის მაჟორიტარი დეპუტატი ალექსანდრე მოწერელია, პარტიის აღმასრულებელი მდივანი ბერდია სიჭინავა, თბილისის საკრებულოს ფრაქციის თავმჯდომარე ზაზა თავაძე, თბილისის საკრებულოს დეპუტატები სალომე კობალაძე და გიორგი შარაშიძე, პარტიის საარჩევნო მიმართულების ხელმძღვანელი გიორგი ბაშარული.
შეხვედრების მთავარი მიზანი ქვეყანაში არსებული პრობლემების იდენტიფიცირება და მათი გადაჭრის გზების გადაწყვეტაა. საუბრები შეეხებოდა პარტიის "საქართველოსთვის“ საქმიანობას, სამომავლო გეგმებსა და 2024 წლის საპარლამენტო არჩევნებთან დაკავშირებულ საკითხებს.
პარტია "საქართველოსთვის“ გუნდის შეხვედრები მოქალაქეებთან ქვეყნის მასშტაბით სისტემატურად გაგრძელდება“,- აღნიშნულია ინფორმაციაში.
მკითხველის კომენტარები /
35 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ კაცისა მას მერე აღარ მჯერა რაცმუხურში მარიამობა დღეს გახარიობა დააწესა, ეს თაღლითი ვაიპოლიტიკოსი!
იცი შენ, რომ სისტემაა უვარგისი და ის ხალხს აფუჭებს ! უვარგისი სისტემა უნდა შეიცვალოს ვარგისით და ხალხი აღარ გაფუჭდება! არ ქენით, როცა შეგეძლოთ ! თუ კიდევ წაართმევთ ვიღაცეებს თუნდაც მითვისებულს, ეს წართმევობანა არ დამთავრდება ! ყველას ნაშრომ ნაშოვნი ერთნაირად უნდა იქნას დაცული წართმევისგან , შესაბამისად ვერავინ ვერავის ვერაფერს ვერ წაართმევს! ბიზნესს უნდა იცავდეს არა ჩინოვნიკი ბიზნესომბუდსმენი, თქვენსავით, არამედ დარგობრივ ტერიტორიულად ინდმეწარმემდე და ფერმერამდე განშლილი ფართოსპექტრიანი მრავალფუნქციური სამრეწველო სავაჭო პალატა, როგორც ინდივიდის და ეკონომიკური აქტიურობის მქონე ნებისმიერი პირის ქოლგა , როგორც სახელმწიფოსგან, ისე ბაზრის დომინანტისაგან, ბუნებრივი და ხელოვნური მონოპოლიიისაგან დამცავი, პალატა, როგორც სამოქალაქო საზოგადოებრივი მთავრობა, ინოვაციათა ფაბრიკა, მასერტიფიცირებელი, ბიზნესის მარეგისტრირებელი და არბიტრი , საწევროთი და არა ბიუჯეტით დაფინანსებული ! ახლა არჩეულები, ეგენი პარპაშებენ საარჩევნო ციკლებს შორის პერიოდში, არავის წინაშე არ აბარებენ ანგარიშს გარდა პირამიდის კენწეროსი , რეფერენდუმზე უნდა მოიპოვოს ნდობის ვოტუმი, პლებისციტზე მიიღოს უნდა პოლიტიკური დაკვეთა ! ამეებს არ იზამთ და გიზამენ იმას პატ გიორგი, რასაც ახლა თქვენ ქოცებს უპირებთ და იმასაც, რასაც ნაცი უზამს , თუ ღმერთმა არა ქნას და მობრუნდა ძალით, აბა არჩევნებით ვერ მოვა ! ისე, ვერც თქვენ, ახალი გვინდა ვიღაც, მაგრამ თქვენ გაახარებთ ახალს, გახარია ?!