მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სამიტიდან "გაქცეული" სუნაკი და მეფე ჩარლზის გზავნილი, ჰალსტუხით - მსოფლიო ლიდერების შეკრება სკანდალების ფონზე: რატომ დაიმსახურა ბრიტანეთის პრემიერმა კრიტიკა?
12:26 / 02-12-2023
დუბაიში გაერო-ს კლიმატის ცვლილების 28-ე კონფერენციის მსოფლიო ლიდერთა სამიტი მიმდინარეობს. სამიტის მონაწილე ლიდერებს მისასალმებელი სიტყვით მიმართეს არაბთა გაერთიანებული საამიროების პრეზიდენტმა, გაერო-ს გენერალურმა მდივანმა და დიდი ბრიტანეთის მეფემ.
სამიტზე დელეგატებმა ღარიბი ქვეყნებისთვის კლიმატის ცვლილებით გამოწვეულ პრობლემებთან გასამკლავებლად ახალი ფონდი დაამტკიცეს. გაეროს კლიმატის ცვლილების სამიტის პრეზიდენტმა სულთან ალ-ჯაბერმა თქვა, რომ ამ გადაწყვეტილებამ "მომენტუმის პოზიტიური სიგნალი გაუგზავნა სამყაროს".
მსოფლიო ლიდერებს შორის სამიტს ესწრებიან ინდოეთის პრემიერ-მინისტრი, ნარენდრა მოდი, საფრანგეთის პრეზიდენტი ემანუელ მაკრონი, დიდი ბრიტანეთიდან კი პრემიერ-მინისტრ რიში სუნაკთან ერთად, მეფე ჩარლზ მესამე. დუბაიში იმყოფება საქართველოს პრემიერ-მინისტრიც.
აღსანიშნავია, რომ დიდი ბრიტანეთის პრემიერ-მინისტრმა დიდი კრიტიკა დაიმსახურა - რიში სუნაკმა დუბაიში მხოლოდ 11 საათი გაატარა. მაშინ როცა, ლეიბორისტების ლიდერი სერ კირ სტარმერი დუბაიში სამი დღე იმყოფებოდა, მეფემ კი სამიტზე ორი დღე გაატარა.
მწვანეთა პარტიის ერთ-ერთი ლიდერის ადრიან რამსის განცხადებით, სუნაკი "როგორც ჩანს, უფრო მეტ დროს ატარებს კერძო თვითმფრინავით მგზავრობაში, ვიდრე კლიმატის კრიზისის გადაწყვეტაზე მუშაობაში“.
კრიტიკოსები თვლიან, რომ სუნაკი "უარყოფს ენერგეტიკის გადასახადების კრიზისს ბრიტანეთში და არ სურს აღიაროს გაერთიანებული სამეფოს პოზიციების შესუსტება. იგი საუბრობდა დიდი ბრიტანეთის წარსულ დიდებაზე, თუმცა სამომავლო გეგმებზე არაფერი უთქვამს“.
პრემიერ-მინისტრი დაჟინებით ამტკიცებდა, რომ გაერთიანებული სამეფოს მთავრობას ჯერ კიდევ შეუძლია "ფეხზე დგომა“ და Cop28-ში "ლიდერ“ სახელმწიფოდ რჩება.
სუნაკის განცხადებით, დიდი ბრიტანეთი კლიმატის საერთაშორისო დაფინანსებისთვის 1,6 მილიარდ ფუნტ სტერლინგს გამოყოფს - მაგრამ ActionAid UK-მა აღნიშნა, რომ ეს მხოლოდ დაპირებაა და სხვა არაფერი.
ყურადღების ცენტრში მოექცა მეფე ჩარლზ III, რომლის ჰალსტუხზეც საბერძნეთის დროშა იყო გამოსახული. საბერძნეთში მეფის ეს ნაბიჯი სოლიდარობის ჟესტად მიიჩნიეს.
ამ ყველაფერს წინ უძღოდა რიში სუნაკისა და საბერძნეთის პრემიერ-მინისტრის, კირიაკოს მიცოტაკის დაპირისპირება - სუნაკამ სამშაბათს კირიაკოსთან დაგეგმილი შეხვედრა დაწყებამდე რამდენიმე საათით ადრე გააუქმა. დაპირისპირების მთავარი მიზეზი ბერძული ქანდაკება გახდა, რომელიც ამჟამად ბრიტანეთში ინახება, საბერძნეთი კი მის დაბრუნებას ითხოვს...წყარო
წაიკითხეთ ასევე:
მკითხველის კომენტარები /
21 /
თარიღის მიხედვით
მოწონების მიხედვით
რუბრიკის სხვა სიახლეები
დღის ვიდეო
00:00 / 00:00
"ეს საღებავია გამოყენებული..." - რას ამბობს სურსათის უვნებლობის სპეციალისტი ატმის შეღებვის ფაქტზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არამც და არამც არ გეთანხმებით, რომ ინგლისის პრემიერი გაიქცა ამ უმნიშვნელოვანესი სამიტიდან!
დიდი ბრიტანეთი გასულ საუკუნეებში მრისხანე იმპერია იყო, რომელიც შიშის ზარს სცემდა არა მარტო დაპყრობილ ქვეყნებს, არამედ დანარჩენ მსოფლიოსაც...
მსოფლიოში უძლიერესი სამხედრო-საზღვაო ფლოტი ჰყავდა, რომელიც იპყრობდა და ძარცვავდა ქვეყნებს და ამით უთვალავი სიმდიდრე შეჰქონდა სამეფოს ხაზინაში.
მარტო ინდოეთი რა ღირს, რომელიც მრავალი ხნის განმავლობაში დიდი ბრიტანეთის კოლონია იყო.
თავისი იმპერიული, ანგლო-საქსური დამპყრობული მენტალიტეტიდან გამომდინარე დიდი ბრიტანეთი ისტორიულად ყოველთვის იყო სხვადასხვა ქვეყნებსა და ერებს შორის ასე ვთქვათ „ჩორტის“ ჩამგდებიც და ომების გამჩაღებელიც.
მაგრამ ყოველივე ამასთან ერთად აუცილებლად სათქმელია, რომ ისინი ნამდვილად, კულტურის, განათლების, ინტელექტისა და განვითარების მაღალი დონის მატარებელი ხალხია და დაპყრობილ ქვეყნებში ცივილიზაცია, კულტურა და განათლებაც შეჰქონდა...
რაც შეეხება მათ მიერ საბერძნეთიდან გატანილ ქანდაკებას.
არა მგონია რომ დააბრუნონ, ვინაიდან ამ პრეცედენტის შექმნის შემთხვევაში დიდი ბრიტანეთის მუზეუმები და რაც მთავარია მათი ბანკები დაცარიელდება...