მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გიორგის რესტორანში მოხდა ქურდობა და მითხრეს, რომ შენ გადებენ ხელსო... ბევრჯერ ვცადე დავლაპარაკებოდი, მაგრამ..." - რა მოხდა თედო ბექაურსა და გიორგი ოვაშვილს შორის?
08:41 / 02-12-2023
9 წლის იყო თედო ბექაური, როდესაც გაღმა ნაპირში განსახიერებული როლით, მსოფლიომ გაიცნო. მას შემდეგ ბევრი წელი გავიდა.... დღეს თედოს ცხოვრება არაფრით ჰყავს მის მიერ განსახიერებულ, „გაღმა ნაპირზე" მცხოვრები ბიჭისას. ის უკვე თავად მამაა და ახლა მისი მთავარი ფიქრი და საზრუნავი 2 წლის დემეტრეს მომავალია (რომელიც მამის ორეულია).
ვინ იცის, როგორ გაგრძელდებოდა თეთრიწყაროს რაიონის სოფელ ორბეთელი ბიჭის ცხოვრება, რომ არა ერთი შემთხვევითი შეხვედრა ფილმის რეჟისორ გიორგი ოვაშვილთან. როგორც ჩვენთან ინტერვიუში აღნიშნავს თედო ბექაური, ამ შეხვედრამ მისი ცხოვრება ძირეულად შეცვალა.
თუმცა როგორც ირკვევა, რეჟისორსა და მსახიობს შორის გარკვეული ინციდენტიც იყო. თედომ ამის შესახებ "სიცრუის დეტექტორში" ისაუბრა. შეკითხვაზე იყო თუ არა ნაწყენი რეჟისორზე, ბექაურმა დადებითი პასუხი გასცა:
"გიორგის და მის მეგობარს ჰქონდათ რესტორანი. ხშირად მიწევდა მისვლა, ერთხელ გიორგის დავურეკე, თუ გაქვს ვაკანსია-თქო, ნებისმიერ რამეზე ვიმუშავებო. მითხრა, მოდიო და ჩემთან დაიწყე მუშაობაო, პრომოს პოზიციაზეო. მივედი და რომ ამიხსნა, სიტუაცია იყო ასეთი - ინგლისური და რუსული უნდა მცოდნოდა. არ ვიცოდი არცერთი ენა კარგად და ვუთხარი, ვერ დავიწყებ ამ პოზიციაზე მუშაობას, არ მინდა-მეთქი. სხვა რამეს მოვძებნი-თქო. ნუ, მუშაობა რომ ვერ დავიწყე, ის პერიოდი ხშირად მივდიოდი გიორგის რესტორანში, მეგობრები შევიძინე. ერთ დღეს გიორგის მივწერე, რომ თუ ხარ ობიექტზე, ნახვა მინდა შენი-თქო. მითხრა, აქ ვარო ახლაო და ისეთ სიტუაციაშიო, ვერ აგიხსნიო, ქურდობა მოხდაო. დავინტერესდი, რა ქურდობა მოხდა, მანამდე იქ მეც ვიყავი.
მეორე დღეს მივედი და ერთ-ერთმა გამომიყვანა და მითხრა, რომ ძალიან მერიდება და შენ გადებენ ხელსო. გარკვეული თანხა დაიკარგა. თუ არ ვცდები 200 ლარი იყო. ძალიან ავნერვიულდი. იმ პერიოდში თან მიჭირდა, მაგრად მიჭირდა, ბანკის ვალი მქონდა, ერთ ადამიანს გამოუტანე და ვერ იხდიდა. რომ დავურეკე შემდეგ გიორგის, ნახვა მინდა-თქო და უარი თქვა. მას შემდეგ ხშირად მივწერე, რომ ნახვა და ახსნა მინდოდა, რომ არაფერ შუაში ვიყავი, მაგრამ არაფრით მოიცალა. ერთხელ დამირეკა, "ამირანში" ვარო და გამოდიო ნახვა მინდაო. არც მაშინ დამელაპარაკა იმ თემაზე, მამაკაცის საუკეთესო როლის შემსრულებლის ჯილდოზე მითხრა. წავიდა და მის შემდეგ არ შემხმიანებია. არ დამლაპარაკებია ამ თემაზე. მე არ მომიპარავს ეს ფული. როგორც გავიგე, მერე გაირკვა ყველაფერი, ისიც, თუ ვინ მოიპარა თანხა", - ჰყვება თედო ბექაური.
ნახეთ ასევე:
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან მომწონს ამ ბიჭის სიხალასე. მისი გმირის ყურებისას ცრემლი მომდის ყოველთვის. რაც შეეხება ოვაშვილის საქციელს, როგორც ჩანს მას პირადად არ დაუდია ხელი ქურდობაზე და არც უსაუბრია ამაზე. ასე რომ ყოფილიყო, თუ გაირკვა მერე ვინც მოიპარა, დაუძახებდა თედოს და ბოდიშს მოუხდიდა, მაგრამ თავად თუ არ დააბრალა, ბოდიში სხვის მაგიერ უნდა მოეხადა. აქედან შევხედოთ ამ ამბავს, რაღაც ბოლომდე არაა გარკვეული და იქნებ ჯობდეს შეხვდნენ ერთმანეთს და საბოლოოდ ამოწურონ ეს თემა. სხვანაირად გაურკვევლობა დიდხანს დარჩება და ეს ორივესთვის ცუდია. თუ მართლა სხვამ აიღო ეს ფული და თედოს დააბრალა, მისი ცოდვა ათასჯერ დიდია და ამას მონანიება ჭირდება.
რა გააკეთა იმ სტომატოლოგმა ცუდი.ბავშვი გაახარა.მაინცდამაინც, ფონდდი უნდა ჩაერიცხა? ნახევარს ჯიბეში რომ იდებენ?