"როგორ მასწავლებელსაც ვისურვებდი რომ მყოლოდა, ისეთი მინდა ვიყო" - 25 წლის მასწავლებელი და "ტიკტოკერი" მაღალმთიანი აჭარიდან

"7 წლის წინ მივხურე სკოლის კარი, კარგად მახსოვს ბავშვური ემოციები, ის არასდროს მინდა დამავიწყდეს. რაც მე მინდოდა პედაგოგებისგან მიმეღო, ვცდილობ, იგივე მივცე ჩემს მოსწავლეებს“, - გვეუბნება ქართული ენისა და ლიტერატურის 25 წლის მასწავლებელი, რომელიც ხულოს მუნიციპალიტეტის ღორჯომის თემის სოფელ გორგაძეების სკოლაში ასწავლის.

ლუი შანიძე ქობულეთში დაიბადა, სკოლაც იქ დაამთავრა. 8 წელი ბათუმში იცხოვრა, რადგან უნივერსიტეტში სწავლობდა - ქართული ფილოლოგიის ფაკულტეტი დაამთავრა.

"დედაც მასწავლებელია, მაგრამ ამის გამო არ გადამიდგამს ეს ნაბიჯი. პროფესია ჩემი ქართულის მასწავლებლის გავლენით ავირჩიე. მან ჩემს ცხოვრებაში დიდი მოტივაცია გააჩინა. ცხადია, ლიტერატურაც ძალიან მიყვარდა“, - გვეუბნება ლუი მასწავლებელი, რომელმაც არც მეტი, არც ნაკლები, საკუთარი ნებით გადაწყვიტა პედაგოგიური პრაქტიკა მაღალმთიან რეგიონში გაევლო და ეს სურვილი სწრაფად აუსრულდა.

<blockquote class="tiktok-embed" cite="https://www.tiktok.com/@luissashanidze/video/7279019385023499538" data-video-id="7279019385023499538" style="max-width: 605px;min-width: 325px;" > <section> <a target="_blank" title="@luissashanidze" href="https://www.tiktok.com/@luissashanidze?refer=embed">@luissashanidze</a> <p>🏔️</p> <a target="_blank" title="♬ original sound - Luissa🌵" href="https://www.tiktok.com/music/original-sound-7279019431907298049?refer=embed">♬ original sound - Luissa🌵</a> </section> </blockquote> <script async src="https://www.tiktok.com/embed.js"></script>

"ფილოლოგიური რომ დავამთავრე, შემდეგ გამოცდა ჩავაბარე და მასწავლებლის მომზადების 60-კრედიტიანი პროგრამა გავიარე. პარალელურად მუშაობა დავიწყე ქობულეთის ერთ-ერთ სკოლაში. წელს კი მაღალმთიან რეგიონში სივი გადავაგზავნე. გეგმაში აჭარა არ მქონია, რადგან უფრო სიახლეები, გამოწვევები მიყვარს და სამცხე-ჯავახეთი, მცხეთა-მთიანეთი, სვანეთი ჩავწერე, თუმცა ბოლოს აჭარაც დავამატე... ისე მოხდა, რომ პირველი აჭარა დამიკავშირდა და ჩემს მხარეში წასვლა გადავწყვიტე, - ასე დავიწყებ-მეთქი“, - გვიყვება ლუი. ის საკმაოდ წარმატებული "ტიკტოკერია" და ცდილობს მაღალმთიანი აჭარის ცხოვრება ფართო საზოგადოებას აჩვენოს.

- მოკლედ, მიგიწვიათ ღორჯომის თემმა. იყავით მანამდე იქ ნამყოფი?

- ხულოში ნამყოფი ვიყავი, მაგრამ იმის იქით არ წავსულვარ... იქ რომ მივდიოდი, ვიცოდი, რომ სწორად ვიქცეოდი, მაგრამ მარტო სრულიად უცხო გარემოში, სხვა ტრადიციებსა და წეს-ჩვეულებებში რომ მიდიხარ, მაინც ღელავ. როგორც ილია ამბობს, რამდენად მოვერგები მე და რამდენად მომერგება მე ის სოფელი - იყო ეს ფიქრიც.

- და რისკი მაინც გასწიეთ, თამამი ნაბიჯი გადადგით 25 წლის ლამაზმა და ნიჭიერმა გოგონამ...

- ბათუმსა და ქობულეთში საკმაოდ აქტიური ცხოვრება მქონდა, მაგრამ აქ აქტიური ცხოვრება ვერ მექნება. ამ სოფელში, სადაც ვცხოვრობ, ულამაზესი ბუნებაა. შეუძლებელია ამის შემხედვარე ქაოსში იყო. ეს მხოლოდ გამშვიდებს. საერთოდ, მშვიდი ცხოვრება მომწონს. ამ ორ თვეში სწორედ ასეთ ტემპზე გადავერთე. ქალაქში ცხოვრება ბევრად ქაოსურია.

აქაურობით მაშინვე აღვფრთოვანდი, თუმცა პირველი დღეები მაინც გამიჭირდა - შეგუება რთული იყო. მარტო ვიყავი, არ ვიცნობდი ოჯახის წევრებს, სადაც უნდა მეცხოვრა.

- სად ცხოვრობთ?

- თავიდან გასაუბრება სკოლის დირექტორთან მქონდა. მარტო ცხოვრება მინდოდა, მაგრამ დირექტორმა მითხრა, გაგიჭირდება. 2-3 მეტრამდე თოვლი მოდის, კარს თოვლი ფარავს და ელემენტარულად, მარტო ვერ გააღებ, დამხმარე დაგჭირდება, შეშაც გინდაო... დავთანხმდი.

ახლა 7-სულიან შესანიშნავ ოჯახში მე-8 წევრი ვარ. არის ორი მოსწავლე, მათი მშობლები, დედამთილი, მამამთილი და დიდი ბაბუა... დირექტორს უნდა, რომ სკოლაში სამუშაოდ ახალგაზრდები მოვიდნენ. ყველანაირად ცდილობს, ხელი შეუწყოს და დაეხმაროს მათ. სამწუხაროდ, ახალგაზრდებს არ სურთ ასეთ ადგილებში მუშაობა, რაც დიდი პრობლემაა.

მოკლედ, დირექტორი ასევე ჩართულია იმაში, რომ კომფორტულად ვიგრძნო თავი. ამისთვის იპოვა შესანიშნავი ოჯახი, სადაც კომფორტი და კეთილგანწყობა არ მაკლია.

- როგორც ჩანს, ადვილად შესაგუებელი სოფელია...

- ხშირად წვიმს, ტალახია, ახალი ფეხსაცმელი არ უნდა ჩაიცვა, სიცივეა, თოვლი უკვე მოვიდა და აპრილამდე იქნება. ამ ყველაფრის ფონზე, როგორც ვთქვი, ძალიან მშვიდად და კომფორტულად ვარ. თუ იქ ხარ, სადაც შენს საყვარელ საქმეს აკეთებ და ამას აფასებენ, მაშინ ცხოვრებაში სწორი ადგილი გიპოვია. მთავარია, გაფასებდნენ და სად ცხოვრობ, არ აქვს მნიშვნელობა...

<blockquote class="tiktok-embed" cite="https://www.tiktok.com/@luissashanidze/video/7306611100957560082" data-video-id="7306611100957560082" style="max-width: 605px;min-width: 325px;" > <section> <a target="_blank" title="@luissashanidze" href="https://www.tiktok.com/@luissashanidze?refer=embed">@luissashanidze</a> <a title="ვლოგი" target="_blank" href="https://www.tiktok.com/tag/%E1%83%95%E1%83%9A%E1%83%9D%E1%83%92%E1%83%98?refer=embed">#ვლოგი</a> <a title="მასწავლებელი" target="_blank" href="https://www.tiktok.com/tag/%E1%83%9B%E1%83%90%E1%83%A1%E1%83%AC%E1%83%90%E1%83%95%E1%83%9A%E1%83%94%E1%83%91%E1%83%94%E1%83%9A%E1%83%98?refer=embed">#მასწავლებელი</a> 👩🏻‍🏫🏔️<a title="მაღალმთიანიაჭარა" target="_blank" href="https://www.tiktok.com/tag/%E1%83%9B%E1%83%90%E1%83%A6%E1%83%90%E1%83%9A%E1%83%9B%E1%83%97%E1%83%98%E1%83%90%E1%83%9C%E1%83%98%E1%83%90%E1%83%AD%E1%83%90%E1%83%A0%E1%83%90?refer=embed">#მაღალმთიანიაჭარა</a> <a title="ღორჯომი💚🌸" target="_blank" href="https://www.tiktok.com/tag/%E1%83%A6%E1%83%9D%E1%83%A0%E1%83%AF%E1%83%9D%E1%83%9B%E1%83%98%F0%9F%92%9A%F0%9F%8C%B8?refer=embed">#ღორჯომი💚🌸</a> <a target="_blank" title="♬ Calm Vibes - Relaxing Piano ID" href="https://www.tiktok.com/music/Calm-Vibes-7090174910907942913?refer=embed">♬ Calm Vibes - Relaxing Piano ID</a> </section> </blockquote> <script async src="https://www.tiktok.com/embed.js"></script>

- მშობლები როგორ შეხვდნენ თქვენს გადაწყვეტილებას?

- დედა მშვენივრად. მამამ ცოტა ინერვიულა - რამეში დახმარება რომ დაგჭირდეს, იქ, იმხელა გზაზე როგორ ამოვიდეო. ქობულეთიდან 6 საათის სავალი მაინც არის. ინერვიულა, მაგრამ იციან, რომ ყოველთვის სწორ გადაწყვეტილებას მივიღებ. თან ამაზე დიდი ხანი ვფიქრობდი, 17 წლიდან მქონდა გეგმა, იცოდნენ, შემზადებულები იყვნენ, მოულოდნელი ნაბიჯი არ ყოფილა.

- თვითონ სკოლაზეც ვისაუბროთ...

- სკოლა 9-კლასიანია, 24 მოსწავლეა და 13 მასწავლებელი ვართ. ფიზიკის პედაგოგი არ გვყავს საერთოდ და ამ საგანს ვერავინ ითავსებს. მასწავლებლებიდან ქალი მხოლოდ მე ვარ, სულ მამაკაცები არიან... მე-5 და მე-6 კლასები შეერთებულია, მათი დამრიგებელი ვარ. ერთი მოსწავლეა მე-6 კლასში და 3 - მე-5-ში. თითოეული კლასი თავის პროგრამას გადის. რადგან ცოტა ბავშვია, ერთ გაკვეთილზე დროს ორივე კლასს თანაბრად ვუნაწილებ. ასევე ერთი მოსწავლეა მეშვიდე კლასში. როგორც მითხრეს, შარშან თანაკლასელები ჰყავდა, მაგრამ სხვაგან გადავიდნენ. ცოდოა ბავშვი, მასაც უნდა კლასში მეგობრები ჰყავდეს. ხშირად სკოლაში ხომ იმიტომ მივდიოდით, რომ იქ ამხანაგები გვეგულებოდა. თან მოსწავლეებს ჯანსაღი კონკურენცია სჭირდებათ. მცირე მოსწავლიანი კლასების პლუსი ის არის, რომ მასწავლებელს მეტი დრო აქვს მოსწავლეებთან ინდივიდუალურად მუშაობისთვის. შარშან მაგალითად, ვასწავლიდი სკოლაში, სადაც თითო კლასში 20 მოსწავლემდე მყავდა. ბევრ ბავშვთან ვიყავი მუშაობას მიჩვეული და თავიდან დროის მენეჯმენტის მხრივ აქ უფრო გაჭირდა. რთული იყო, ვიდრე ბევრ ბავშვთან მუშაობა, მაგრამ უკვე შევეჩვიე... ყოფილ მოსწავლეებზე ვგიჟდები, რადგან ჩემი პირველი მერცხლები არიან. ძალიან კარგი დამოკიდებულება გვაქვს დღემდე და ვმეგობრობთ, მაგრამ აქ ბავშვები სხვანაირები არიან, ესენი გაჯეტებზე დამოკიდებულები არ არიან. მომწონს, როცა სკოლაში მოდიან და ტელეფონში არ აქვთ თავი ჩარგული. თუ თოვლია, საგუნდაოდ გადიან, თუ არა, რაღაც თამაშობებს თამაშობენ. განვითარებულებიც არიან, ყველაფერი ძალიან კარგად ესმით - ტექნიკაც აქვთ და კომპიუტერიც.

<blockquote class="tiktok-embed" cite="https://www.tiktok.com/@luissashanidze/video/7302375423600577810" data-video-id="7302375423600577810" style="max-width: 605px;min-width: 325px;" > <section> <a target="_blank" title="@luissashanidze" href="https://www.tiktok.com/@luissashanidze?refer=embed">@luissashanidze</a> პირველი თოვლი ❄️ <a title="მაღალმთიანიაჭარა" target="_blank" href="https://www.tiktok.com/tag/%E1%83%9B%E1%83%90%E1%83%A6%E1%83%90%E1%83%9A%E1%83%9B%E1%83%97%E1%83%98%E1%83%90%E1%83%9C%E1%83%98%E1%83%90%E1%83%AD%E1%83%90%E1%83%A0%E1%83%90?refer=embed">#მაღალმთიანიაჭარა</a> <a title="ღორჯომი💚🌸" target="_blank" href="https://www.tiktok.com/tag/%E1%83%A6%E1%83%9D%E1%83%A0%E1%83%AF%E1%83%9D%E1%83%9B%E1%83%98%F0%9F%92%9A%F0%9F%8C%B8?refer=embed">#ღორჯომი💚🌸</a> <a target="_blank" title="♬ original sound - Luissa🌵" href="https://www.tiktok.com/music/original-sound-7302375454261201665?refer=embed">♬ original sound - Luissa🌵</a> </section> </blockquote> <script async src="https://www.tiktok.com/embed.js"></script>

საკმაოდ მდიდარი სოფელია, მაგრამ მოსწავლეები მხოლოდ კომპიუტერით არ არიან მოცულები. ჯანსაღი გარემოა, ბავშვები მშობლებს საოჯახო საქმეებში ეხმარებიან. პატარა კაცები და ქალები არიან - ოღონდ, მშობლები ამ შრომას არ აიძულებენ, თვითონ აქტიურობენ. როცა ხედავენ, მშობლებს ამდენი საქმე აქვთ, თვითონაც ერთვებიან. უყვართ ცხოველები, ბუნება...

- როგორია თქვენი თავისუფალი დრო მაღალმთიანი აჭარის ერთ-ერთ სოფელში?

- ყოველდღე მომდევნო დღისთვის ვემზადები, სკოლაში ბავშვებს რა უნდა ავუხსნა, ამისთვის გეგმას ვწერ და ამ საქმეებს ვაგვარებ. მერე ემინი, 29 წლის გოგონა, ვისთანაც ვცხოვრობ, ჩემი მოსწავლეების დედა მასწავლის ქსოვას, კერვას, ქარგვას ახლა ვიწყებთ. ასე რომ, საღამოობით ხელსაქმით ვარ დაკავებული, რაც ძალიან მომწონს და ცოტა გამიტაცა კიდეც. ასევე აქტიური ვარ სოციალურ ქსელშიც, ვცდილობ მთის ცხოვრება ვაჩვენო ჩემს გამომწერებს.

- რა არის, თქვენი აზრით, მოსწავლეებთან მუშაობისას მთავარი.

- როდესაც პედაგოგობა დავიწყე, მიზნად დავისახე, დამემსხვრია სტერეოტიპი, რომ "ყველა მასწავლებელი ცუდია“. როგორ მასწავლებელსაც ვისურვებდი, რომ მყოლოდა, ჩემთვის რაღაც საკითხებში გაეგო, ასეთი მინდა ვიყო. როდესაც ჩემი მოსწავლეები, წლების შემდეგ გამიხსენებენ და მინდა, ის ადამიანი ვიყო, რომელმაც მათ ცხოვრება რაღაც დადებითისკენ შეცვალა. ეს უბრალოდ წამოსროლილი სიტყვები არ არის, გააზრებული ნათქვამია. არ მინდა, ჩემმა მოსწავლემ ისე მომიხსენიოს, რომ ჩემზე ნაწყენი იყოს. მინდა, თითოეულს დავანახო მათი შესაძლებლობები, პერსპექტივა, თუ რამხელა გამბედაობა აქვთ. მე ახალ თაობაში ჩვენს მომავალს ვხედავ და უნდა დაინახონ, რა ძალა აქვს თითოეულს. მინდა, რომ შეცვალონ არა მარტო სოფელი, თემი, ქვეყანა, თითოეულ მათგანს მსოფლიოს შეცვლა შეუძლია! მასწავლებელმა მათში უნდა გააღვიძოს ამის მოტივაცია, უნარები. ეს უნდა აღმოაჩინო, რასაც შესაძლოა თვითონ ვერც ხედავს. იქნებ მომავალში ზუსტად ამ საქმით იპოვოს საკუთარი თავი და ამით სხვასაც დაეხმაროს... ასე რომ, ვცდილობ ძალიან...