უშეღავათო ბრძოლა და ულამაზესი გოლები "სანტიაგო ბერნაბეუზე" - კვარაცხელიას "ნაპოლი" "რეალთან" დამარცხდა

ჩემპიონთა ლიგის ჯგუფური ეტაპის მე-5 ტურში "ნაპოლი" სტუმრად "რეალს" "დაუპირისპირდა და ანგარიშით 4:2 დამარცხდა.

გუნდები ასეთი სასტარტო შემადგენლობებით გავიდნენ მოედანზე:

"რეალი":

ლუნინი, კარვახალი, ალაბა, რიუდიგერი, მენდი, ბრაიმ დიასი, მენდი, კროოსი, ვალვერდე, ბელინგემი, როდრიგო

"ნაპოლი":

მერეტი, დი ლორენცო, ჟუან ჟეზუსი, რაჰმანი, ნატანი, ანგისა, ზილენსკი, ლობოტკა, პოლიტანო, კვარაცხელია, სიმეონე

პირველი ტაიმი ორმხრივი შეტევებით დაიწყო. ანგარიში მე - 9 წუთზე გაიხსნა, როდესაც ხვიჩა კვარაცხელიას "რეალის" საჯარიმოში ჩაწოდების შემდეგ დი ლორენცომ ბურთი სიმეონეს დაუგდო, მან კი გატანა მოახერხა.

მადრიდელებმა მალევე შეძლეს ანგარიშის გათანაბრება. როდრიგომ მერეტის კარში ულამაზესი გოლი გაიტანა.

22-ე წუთზე კი ბელინგების გოლით მასპინძლები წინ გავიდნენ. ტაიმი მეტად დინამიკური და საინტერესო გამოვიდა, ბოლო წუთებზე "ნაპოლი" ბევრს უტევდა, აქტიურობდა ხვიჩაც, მაგრამ მეტი გოლი პირველ გახევარში არ გასულა.

მეორე ტაიმის სიმეონეს ნაცვლად ვიქტორ ოსიმენი გამოჩნდა მოედანზე, აღსანიშნავია, რომ წინა თამაშისგან განსხვავებით ის ისევ ნიღბით გავიდა სათამაშოდ. "ნაპოლიმ" აქტიურად დაიწყო და უკვე 47- ე წუთზე მეტად შთამბეჭდავი დოლი გაუტანა მადრიდელებს ზამბო ანგისამ. გუნდებმა მართლაც ულამაზესი სანახაობა შესთავაზეს მაყურებელს.

მეორე ტაიმი გარდამავალი უპირატესობით მიდიოდა. "ნაპოლი" საკმაოდ კარგა ხნის განმავლობაში უტევდა შეუჩერებლად, მათ შორის "კვარაც", თუმცა გოლი გატანა ვერ მოახერხეს. შემდგომ უკვე ჯერი მადრიდელებზე მიდგა, მათი შეტევები სულ უფრო მწვავე გახდა და საბოლოოდ 84-ე წუთზე ნიკო პაცის ასევე შეუდარებელი გოლით დასრულდა.

დამატებით დროში კი ბელინგემმა უკვე ასისტიც მიითვალა, გოლი კი ჟოსელუმ გაიტანა.