პოლონეთში, ერთ-ერთ ბინაში, მოკლული ქალი იპოვეს, რომელიც საქართველოს მოქალაქეა - პოლიციის ცნობით, სავარაუდო დამნაშავეც საქართველოს მოქალაეა
პოლონეთში, ვარშავაში, ერთ-ერთ სახლში ქალის ცხედარი იპოვეს. როგორც ადგილობრივი მედია წერს, გარდაცვლილი საქართველოს მოქალაქეა.
"შემთხვევის ადგილზე მისვლის შემდეგ პოლიციამ იპოვა შუახნის ქართველი ქალის ცხედარი, ის კისრის არეში მიყენებული ჭრილობის შედეგად გარდაიცვალა“, - აცხადებენ პოლიციის პრესსამსახურში.
სავარაუდო დამნაშავეს ამ წუთებშიც ეძებენ, ის შემთხვევის ადგილიდან მიიმალა.
როგორც ადგილობრივი მედია წერს, ქალის ცხედარი ორმა ადამიანმა იპოვა, რომლებიც ასევე საქართველოს მოქალაქეები არიან და ისინი ამ დროისთვის წინასწარი დაკავების იზოლატორში არიან მოთავსებულები.
როგორც ჩვენებაში ამბობენ, ოთახში შესვლისას დაინახეს, რომ ქალი იატაკზე იყო, ასევე დაინახეს ნიღბიანი მამაკაცი, რომელსაც ხელში დანა ჰქონდა. კაცმა მათ უთხრა, რომ ჩუმად ყოფილიყვნენ და გაიქცა. მედიის ცნობით, სავარაუდო დამნაშავეც საქართველოს მოქალაქეა.