6
ივლისიდღის ზოგადი ასტროლოგიური პროგნოზი
ახალგაზრდა ქართველი ინოვატორი დავით ხოსროშვილი ერთ-ერთი ყველაზე გავლენიანი ადამიანია საქართველოში, ტექნოლოგიების სფეროში. მან ასეთი რეპუტაციის მოსაპოვებლად ფაქტობრივად, ბავშვობიდან იშრომა და დღეს უკვე ზურგს უმაგრებს რამდენიმე ინოვაციურ კომპანიას, რომელიც თვითონვე დააფუძნა და წარმატებულად აქცია.
დავითმა თავისი საქმიანობით უდიდესი როლი ითამაშა და გავლენა მოახდინა ხელოვნური ინტელექტის სფეროზე.
ფაქტობრივად, დავით ხოსროშვილი იყო პირველი ადამიანი, რომელმაც საქართველოში AI-ის განვითარებას ჩაუყარა საფუძველი. მან 2018 წელს შექმნა ხელოვნურ ინტელექტზე დაფუძნებული კომპანია MaxinAI თავის გუნდის წევრებთან ერთად, რომელიც დღეს მსოფლიოს სხვადასხვა ქვეყანაში ოპერირებს.
MaxinAI საქართველოში იმ დროს შეიქმნა, როცა აქ ხელოვნურ ინტელექტზე ფაქტობრივად არავინ მუშაობდა. დავითი კომპანიის შესახებ დეტალურად თვითოვე გვიამბობს.
- MaxinAI საქართველოში ხელოვნური ინტელექტის განვითარების პიონერია 2018 წლიდან მოყოლებული. მაშინ, როდესაც ხელოვნურ ინტელექტზე არავინ მუშაობდა, რატომ გადაწყვიტეთ ამ მიმართულებით მუშაობა?
- ჩვენს კომპანიაში ძირითადად მათემატიკოსები არიან და შესაბამისად, ხელოვნური ინტელექტი ჩვენთვის საინტერესო მათემატიკური მოდელია, რომლის მეშვეობითაც შესაძლებელია ბევრი სხვადასხვა ამოცანის ამოხსნა და პრობლემის მოგვარება.
ყველაფერი დაიწყო იმით, რომ 2016 წლიდან ყოველ კვირა ვაორგანიზებდით არაფორმალურ შეხვედრებს ხელოვნური ინტელექტის მოდელების განვითარებასთან დაკავშირებით. მაშინ, როდესაც ChatGPT არ არსებობდა, ნებისმიერი სახის AI ალგორითმი ფაქტობრივად ან ახლიდან იყო დასაწერი, ან რომელიმე არსებული მოდელის დატრეინინგება და ხშირად მისი ალგორითმის ცვლილება იყო საჭირო.
ზუსტად ამ შეხვედრებიდან გაჩნდა იდეა რომ შეგვექმნა ხელოვნურ ინტელექტზე დაფუძნებული კომპანია.
- მოგვიყევით, რას აკეთებს MaxinAI, რას გვთავაზობს ის, რა არის კომპანიის მთავარი იდეა?
- MaxinAI-ს მთავარი საქმიანობაა ხელოვნური ინტელექტის კვლევა და განვითარება. მთელი მსოფლიოს მასტაბით ვმუშაობთ კომპანიებთან სხვადასხვა ინდუსტრიაში მათზე მორგებული ხელოვნური ინტელექტის მოდელების შესაქმნელად.
ბევრ სფეროში დავნერგეთ პროექტები: თევზსაშენებში თევზების რაოდენობის და ზომის მონიტორინგი სხვადასხვა კვებითი რაციონების პირობებში, ამინდის გრძელვადიანი პროგნოზი და მისი გავლენა ინფრასტრუქტურის ცვეთაზე, ენერგო მოხმარების პროგნოზი და ძაბვის სწორი გადანაწილება ქვესადგურებზე.
საქართველოში საკმაოდ წარმატებულად ვიმუშავეთ Phubber-თან. ხელოვნურ ინტელექტზე დაფუძნებული სარეკომენდაციო ძრავი შევქმენით, რომელიც აანალიზებდა იმას, თუ რა მოსწონს მომხმარებელს და აჩვენებდა მსგავს პროდუქტებს. მაგალითად, თუ ნახავდით ნივთს, რომელსაც ახატია Batman-ის ლოგო, აპლიკაცია სხვა ნივთების რეკომენდაციას მოგცემდათ, რომლებსაც არამხოლოდ ლოგო ახატია, არამედ შეიძლება ბეტმენის სახეც არის გამოსახული, ან სულაც DC Comics-ის სხვა გმირის გამოსახულება. ფაქტობრივად, ჩვენი ალგორითმი ხვდებოდა იმის შინაარს თუ რას ეძებთ და რა მოგწონთ.
მცირე და საშუალო ბიზნესებს არ აქვთ ხოლმე იმის ფუფუნება, რომ ძლიერი ხელოვნური ინტელექტის განვითარების გუნდი აიყვანონ. ასეთი გუნდის აყვანა ძალიან დიდ ხარჯებთან არის დაკავშირებული. ამიტომ ამჯობინებენ ჩვენთან მუშაობას, რადგან ჩვენ უკვე ძალიან დიდი გამოცდილება გვაქვს და ბევრად უფრო სწარად და ნაკლები დანახარჯით შეგვიძლია ხელოვნური ინტელექტის მოდელის დანერგვა.
- რას ფიქრობთ ხელოვნურ ინტელექტზე და მის მომავალზე?
- ხელოვნური ინტელექტის ბოლო დროინდელი განვითარება არის ახალი ეტაპი ადამიანების განვითარების ისტორიაში. ადამიანების მთელი ცოდნა და ინფორმაცია თავმოყრილია ერთ ხელოვნურ ტვინში, რომელსაც შეუძლია გვესაუბროს ისე, როგორც ჩვეულებრივ ადამიანს.
რობოტების განვითარება დღემდე არ იყო დიდი ინდუსტრია, მაგრამ ხელოვნური ინტელექტის ამ განვითარებასთან ერთად, რეალობაა უკვე ის, რომ ჭკვიანი რობოტები შეიქმნებიან, რომლებიც რთული სამუშაოს დიდ ნაწილს შეასრულებენ.
მე მჯერა, რომ როგორც დღეს ჰყავს ბევრ ოჯახს ერთი, ან ორი მანქანა, 20 წელიწადში რობოტებიც მანქანების მსგავსად გვეყოლება.
- ზოგიერთი თვლის, რომ ხელოვნური ინტელექტის განვითარება გარკვეულ საფრთხეებს შეიცავს. ამაზე საუბრობენ მსოფლიოს ყველაზე გავლენიანი ადამიანები, მათ შორის, ილონ მასკიც, ხელოვნური ინტელექტის ე.წ. ნათლიად წოდებულმა პირმაც თქვა, რომ არსებობს საფრთხეები. ტექნოლოგიის სფეროს წარმომადგენლები მისი განვითარების გარკვეული დროით შეჩერებას ითხოვენ, თქვენ როგორ უყურებთ ამ საკითხს, ხედავთ რაიმე საფრთხეებს?
- ხელოვნური ინტელექტის განვითარების შეჩერება წარმოუდგენელია იმ მარტივი მიზეზის გამო, რომ ქვეყნებს სხვა არჩევანი არ აქვთ. ამერიკა ვერ გააჩერებს პროგრესს, რადგან იცის, რომ რუსეთი, ჩინეთი და ბევრი სხვა ქვეყანა მუშაობს ხელოვნური ინტელექტის განვითარებაზე. ლიდერობა ამ სფეროში ძალიან მნიშვნელოვანია. ის ქვეყანა, რომელიც შეძლებს ლიდერობის შენარჩუნებას და ხელოვნური ინტელექტის დანერგვას მთლიან ეკონომიკაში, განვითარების წარმოუდგენელ ტემპს მიაღწევს.
ადამიანებმა ისტორიაში პირველად შევქმენით ინტელექტი, რომელსაც გააჩნია მთელი მსოფლიოს ცოდნა. და დღეს, ამ წუთას, თქვენც შეგიძლიათ შეხვიდეთ OpenAI-ს ვებგვედზე და თვეში 20 დოლარად ამ ხელოვნურ ინტელექტს ესაუბროთ, დაუსვათ ნებისმიერი კითხვა, გააკეთებინოთ ანალიზი, დააწერინოთ წერილი და ა.შ. წარმოიდგინეთ, ათობით მილიარდი დოლარი ჩაიდო ამ ტექნოლოგიის განვითარებაში და თქვენ თვეში 20 დოლარად შეგიძლიათ გამოიყენოთ.
სარგებელი რასაც მოიტანს ხელოვნური ინტელექტი, არის ბევრად უფრო დიდი ვიდრე, მცირე საფრთხეები რასაც ჩვენ ვხედავთ დღევანდელი გადმოსახედიდან. და იმ საფრთხეებსაც ბევრად მარტივად გავუმკლავდებით, თუ კი მეტ რესურსებს ჩავდებთ ხელოვნური ინტელექტის შესწავლაში და განვითარებაში.
- რა გეგმები გაქვთ ხელოვნური ინტელექტის განვითარებასთან დაკავშირებით ამერიკაში?
- ჩემი მიზანია, რომ 2025 წელს ამერიკაში 1000-ზე მეტ მცირე და საშუალო ბიზნესს დავუნერგოთ ხელოვნური ინტელექტის პროდუქტი. ჩვენი ბიზნეს მოდელის მიხედვით, მცირე და საშუალო ბიზნესებს შევთავაზებთ ხელოვნურ ინტელექტზე დაფუძნებულ ერთობლივი პროდუქტების განვითარებას და შემდეგ ამ პროდუქტის ერთობლივ გაყიდვას ინდუსტრიის სხვა მოთამაშეებზე. ამერიკაში 33 მილიონზე მეტი მცირე ბიზნესია, რომლებიც ქმნიან ეკონომიკის 44%-ზე მეტს. მაშინ, როდესაც ხელოვნური ინტელექტის ინჟინრების უმრავლესობა დიდ კომპანიებშია, ჩვენ აქცენტს მცირე ბიზნესებზე გავაკეთებთ და მათთან ვითანამშრომლებთ ვიწრო ნიშური პროდუქტების განსავითარებლად.
(R)
ესეც რამე ფასიან კურსს გააკეთებს ალბათ ისე არეკლამებს თავის თავს :D :)))
რობოტები, რობოტები, ხელოვნური ინტელექტი და ნატურალურმა ადამიანებმა რა ქნან. რა დანიშნულება რჩება ადამიანს., ლუარსაბი ით ვიგორავოთ?