ქარელის მუნიციპალიტეტის სოფელ სამწვერისში, მონადირის ტყვიამ თანასოფლელი იმსხვერპლა. გარდაცვლილი ტყეში, მდინარაზე თევზაობდა. თანასოფლელების თქმით, ბრალდებულსა და დაღუპულს შორის არანაირი კონფლიქტი არ ყოფილა.
როგორც გარდაცვლილის ძმა "ტვ პირველთან“ ინტერვიუში ამბობს, ბრალდებული მათი ბიძაშვილია. გარდაცვლილს კი ტყვია თავში აქვს მოხვედრილი.
"შემთხვევით მოხდა ყველაფერი, ჩემი ძმა სათევზაოდ იყო, ის სანადიროდ. ღამის პერიოდში მოხდა, არ ვიცი, ეს როგორ მოუვიდა, დათვი ეგონა თუ რა".
გარდაცვლილი 57 წლის მამაკაცია. როგორც ამბობენ, ის ყოფილი პოლიციელია. შინაგან საქმეთა სამინისტროს ინფორმაციით, მომხდარის გამოძიება განზრახ მკვლელობის მუხლითაა დაწყებული, თუმცა, არ არის გამორიცხული, მუხლი გადაკვალიფიცირდეს. ამ დროისთვის ბრალდებული დაკავებულია.
დათვიო,თუნდაც დათვზე ნადირობდა?-სუფთა გულის ამრევი შედარებაა
დათვი ეგონაო.... ჰაი დედა მოუა.