ჩაკვეტაძისა და კვარაცხელიას დუეტის მორიგი შედეგიანი თამაში - ესპანეთი-საქართველოს მატჩის პირველი ტაიმი 1-1 დასრულდა
ევროპის ჩემპიონატის საკვლიფიკაციო ეტაპის ბოლო ტურში საქართველოს ნაკრები სტუმრად ესპანეთს უპირისპირდება.
მატჩის პირველი ტაიმი ანგარიშით 1-1 დასრულდა. ესპანელებმა სწრაფი გოლი გაგვიტანეს და ისინი თამაშის დაწყებიდან მეოთხე წუთზე დაწინაურდნენ, თუმცა ქართველმა ფეხბურთელებმა მალევე კონტრშეტევით უპასუხეს - გიორგი ჩაკვეტაძის გადაცემა ხვიჩა კვარაცხელიამ მიიღო და ანგარიში გაათანაბრა.
ცნობისთვის, ესპანეთის შემადგენლობა ასეთია: უნაი სიმონი, ნორმანი, მარტინესი, კარვახალი, გაია, ფაბიან რუისი, როდრი, გავი, ფერან ტორესი, ვილიამსი, მორატა
რაც შეეხება საქართველოს ნაკრებს, ჩვენი შემადგენლობა ასეთია: მამარდაშვილი, კაკაბაძე, კაშია, კვირკველია, ლოჩოშვილი, აზაროვი, კვეკვესკირი, ქოჩორაშვილი, ჩაკვეტაძე, კვარაცხელია, მიქაუტაძე
მატჩი ვალიადოლიდის "ხოსე სორილიას“ სტადიონზე მიმდინარეობს.