10
მაისიდღის ზოგადი ასტროლოგიური პროგნოზი
რუსთავის საქალაქო სასამართლომ 18 წლის ელვინ გუსეინოვის მკვლელობაში ბრალდებულ 15 წლის გუსეინ ნასიბოვს წინასწარი პატიმრობა შეუფარდა. პროცესი დახურული იყო, რადგან საქმე არასრულწლოვანს ეხება.
როგორც პროცესის შემდეგ პროკურორმა განმარტა, დანაშაულს სხვა თანამონაწილეები არ ჰყავს. მისივე თქმით, საქმეში არსებობს მტკიცებულება, სამი მოწმის ჩვენება, რომლებიც უშუალოდ კონფლიქტის დროს ადგილზე გამშველებლის როლში იმყოფებოდნენ.
" საქმეში წარმოდგენილია მტკიცებულებები, ეს გახლავთ სამი მოწმის ჩვენება, რომლებიც უშუალოდ მონაწილეობდნენ ამ კონფლიქტში გამშველებლის როლში. ამ ჩვენებებით ცალსახად დასტურდება, რომ ეს ადამიანი არ იმყოფებოდა აუცილებელი მოგერიების მდგომარეობაში და მან რეალურად ჩაიდინა განზრახ მკვლელობა. დანაშაული ერთმა პირმა ჩაიდინა და იქ მკვლელობის მონაწილეების არსებობა არ დასტურდება" - განუცხადა "ტვ პირველს" პროკურორმა.
პროცესის დასრულების შემდეგ კომენტარი გააკეთა ბრალდებულის ადვოკატმა და თქვა, რომ მისი დაცვის ქვეშ მყოფი აუცილებელი მოგერიების პირობებში მოქმედებდა.
"ვინაიდან ბავშვი არის არასრულწლოვანი, არ აღიარებს. მას არ ჰქონდა განზრახვა, რომ მოეკლა დაზარალებული. ჩვენი პოზიცია იყო, რომ მის მიმართ გამოყენებული ყოფილიყო გირაო, ვინაიდან ის მოქმედებდა თავდაცვის რეჟიმში, ის იყო ძალადობის მსხვერპლი. მას სცემდნენ ბავშვები, სრულწლოვანი ადამიანები. ჩვენი პოზიცია იყო, რომ მის მიმართ გამოყენებულიყო გირაო და სხვადასხვა დამატებული ვალდებულებები, თუმცა სასამართლომ არ გაითვალისწინა ჩვენი პოზიცია, რასაც ჩვენ გავასაჩივრებთ.
მის მიმართ ბულინგის ფაქტებს ჰქონდა ადგილი. მას არ ჰქონდა იარაღი, უბრალოდ ცემის დროს, როდესაც ის წაიქცა მიწაზე, ხელში რაც მოხვდა, თავდაცვის მიზნით აიღო საგანი, რომლითაც მიაყენა დაზიანება გარდაცვლილს", - ამბობს ადვოკატი.
- შვილმკვდარი დედა ამბობს, რომ დანაშაული მხოლოდ ერთ პირს არ ჩაუდენია და მოითხოვს, რომ ყველამ აგოს პასუხი, ვინც კონფლიქტის დროს ადგილზე იყო. როგორც ელვინ გუსეინოვის დედა "ტვ პირველს" უყვება, მისი ვაჟი სამმა მოზარდმა გაიტყუა და მეჩეთთან სასიკვდილოდ გაიმეტეს.
"ყველას დასჯას ვითხოვ, ვინც ჩემი შვილის მკვლელობაში მონაწილეობდა. სამმა ბიჭმა გაიტყუა სახლიდან ჩემი ერთადერთი ვაჟი. დაკავებულის დედამ იცოდა, რომ მისი ბიჭი ჩემი შვილის მოკვლას აპირებდა. მოვიდა და მითხრა, მოკლავსო" - ამბობს მოკლული ახალგაზრდას დედა.
ცნობისთვის, დმანისის მუნიციპალიტეტის სოფელ ამამლოს ახალგაზრდებს შორის სტადიონზე დაწყებული სიტყვიერი დაპირისპირება მკვლელობით დასრულდა. შემთხვევა 15 ნოემბერს მოხდა.
ამ ხალხს მიხედვა უნდა!
სრული განუკითხაობაა ქუჩაში. არასრულწლოვნებმა იციან რო დიდად არავინ დასჯის და კატასტროფა ხდება. მთავრობა!!!!!!!!!!! ან მიიღე კანონი და ყველა ნაძირალა დამნაშავე დასაჯე უმკაცრესად, ან მიიღებ მხედრიონს საქართველოში. ბათუმში ქუჩაში აღარ გაივლება!!!!!!!!