კახი კავსაძის შვილიშვილი ირინკა და ჩცდ-ს მსახიობი დაინიშნნენ - რა არის ცნობილი წყვილის სიყვარულის ისტორიაზე?
მსახიობები ირინკა კავსაძე და გიორგი ტაბიძე დაინიშნენ. ქალმა ნიშნობის ამსახველი ფოტო სოციალურ ქსელში გამოაქვეყნა.
წყვილის "ლავსთორის“ შესახებ ერთი წლის წინ გახდა ცნობილი. მაშინ გიორგი AMBEBI.GE-სთან ინტერვიუში ამბობდა, რომ ურთიერთობა ახალი დაწყებული იყო და არ სურდა ამ თემაზე საჯაროდ ლაპარაკი.
ირინკას და გიორგის საზოგადოება კარგად იცნობს. გოგონა წლებია რაც ამერიკაში ცხოვრობს და მამასთან სინეტიკის თეატრში მუშაობს. ლეგენდარული კახი კავსაძის შვილიშვილი საზოგადოებამ მას შემდეგ გაიცნო, რაც რამდენიმე წლის წინ, პროექტ "ცეკვავენ ვარსკვლავებში“ მიიღო მონაწილეობა და ოთო ფოლადაშვილთან ერთად ფინალში გავიდა...
ირინკა კავსაძე ყველაზე მეტად ჰგავს ბაბუას. გოგონა 18 წელია ამერიკაში, კერძოდ კი ვაშინგტონში ცხოვრობს. 10 წლის იყო, როდესაც მშობლებთან ერთად დატოვა საქართველო.
რაც შეეხება გიორგი ტაბიძეს, მსახიობი ცნობილი სერიალ "ჩემი ცოლის დაქალებიდან“ გახდა, სადაც ჩიკას უფროს შვილს თამაშობდა. სერიალში ჰყავდა შეყვარებული, რომლის როლსაც მსახიობი ნინა ლორთქიფანიძე თამაშობდა. სანი და ელენე, რეალურ ცხოვრებაშიც შეყვარებულები იყვნენ. წყვილს ნიშნობაც ჰქონდა, თუმცა მოგვიანებით ერთმანეთს დაშორდნენ.
წაიკითხეთ ასევე: